O Michael ma Matthew Gardiner, e sili atu le lauiloa o le Auuso Gardiner, e mama o laua vae. I tausaga talu ai nei, sa laua aveina ai le lalolagi o siva a Aialani i se tulaga lauiloa—o se sitaili siva e lauiloa mo le minoi faigata o vae, saoasaoa, ma paleni ma le pito i luga o le tino. O le masani, o lenei ituaiga o siva e faia i musika agaifanua ua leva i faatasiga faaleaganuu—o se faamatalaga e mafai, pe afai e te le masani i le siva a Aialani, e mafai ona faapea o ni siva ua leva. Ae aua le ta'uina atu lena mea i le Auuso Gardiner! Faatasi ai ma le faitau miliona o tagata e maimoaina i luga o le initoneti, ua faamaonia ai e le auuso e faapea, i le vaitau faatekinolosi, e oo lava i tu ma aga aupito leva e mafai lava ona lagona le taua ma le fou.
O Mati a sau nei, o le a faaaoga ai e le auuso Gardiner le tulaga o ni failauga autu i le RootsTech 2026. O le RootsTech o le konafesi aupito toatele lea o talafaasolopito o aiga i le lalolagi, o se gaoioiga faaletausaga e aumaia faatasi ai tagata mai le salafa o le lalolagi—e le gata i le faafesagai ae o luga foi o le initoneti—e faamanatu ai le talatuu ma le sootaga e ala i vasega, aoaoga faamasai ma fuafuaga musuia. O le tulaga lelei lea mo le auuso e faasoa mai ai pe na faapefea e lo laua faamemelo mo le siva a Aialani ona faalolotoina lo laua lagona e uiga i talafaasolopito o aiga—ma mo le au maimoa ia iloa le mana o a latou lava tala faaleaiga!
O Ai le Auuso Gardiner?
E ui ina sa fananau ma ola ae i laua i Denver, Colorado, ae o Michael (30) ma Matthew (26) Gardiner sa ola ae ma siosiomia e le aganuu a Aialani. O lo laua tama, o Eoin, e sau mai Dublin, ae lo la tina, o Marianne, sa ola ae i Sligo, i le talafatai i sisifo o Aialani.
Sa amata ona taufai sisiva i la'ua a o laiti lava ma faaalia ni taleni e le masani ai mo le taaloga. O le malaga mai lea setete i lea setete ma o laua matua, sa tauva ai le auuso i le Iunaite Setete atoa seia oo i le 2006, ina ua siitia atu le aiga i Galway, Aialani. Mai iina, sa laua tauva taitoatasi ai i le Aoga a Hession o Siva a Aialani. I le taimi lea, sa taitasi i laua ma manumalo i ni faailoga, e aofia ai le faaigoaina o Siamupini o le Lalolagi i le siva a Aialani—e le faatasi, ae faa5.
Riverdance i le Ala o Faasalalauga Faaagafesootai
I le lalolagi o siva Aialani, o le avanoa e faafiafia ai ma le Riverdance o le miti tupito lea. Na amata faafiafia i tagata lautele i le 1995, o Riverdance o le vaega lauiloa o musika ma siva Aialani lea e malaga taamilo i le salafa o le lalolagi. Na vaai Michael ma Matthew Gardiner ua taunuu a la miti ina ua la sisiva faataitaia uma mo le Riverdance i le 2015—ma sa talosagaina i laua e auai. Sa amata ona siva Michael i le Riverdance i le 2015 ae o Matthew i le 2017. Sa laua malaga taamilo faatasi ma le kamupani seia oo i le 2024, ma faia ai ni faafiafiaga e le mafaagaloina i nofoaga i le salafa o le lalolagi, e aofia ai le Croke Park i luma o Pope Francis ma i le Radio City Music Hall i Niu Ioka. Sa laua sisiva foi i lo laua nuu mo a laua paaga i se taaloga lakapi a le Denver Broncos (i le gagana Peretania).
Ina ua taofi e le faama'i pipisi o le KOVITI-19 ia malaga taamilo a le Riverdance, sa taufai lagona e Matthew ma Michael e manaomia ona la sailia se auala e faaauau ai pea ona sisiva. Sa vave ona manino mai le ala agai i luma—sa laua faaaaogaina le ala o faasalalauga faaagafesootai. Sa amata ona la tuu i luga ni vitio puupuu o i laua lava o sisiva i ni musika eseese, e tele lava ina laua aoaoina ma faatulaga a laua lava taga o siva. I le amataga, sa o se faiga e faapasi ai le taimi. Ae e lei umi ae avea a laua siva ma mea e sili atu.
O se toe tepa i tua e faaalia ai lo laua faamanuiaina maoae. O kilipi o siva a le toalua lea na lauiloa i luga o le initoneti. E faitau miliona tagata mai le salafa o le lalolagi ua vaai ma fegalegaleai ma a laua vitio, ma o faasalalauga taitasi o a laua vitio i le taimi nei ua silia ma le piliona.
I le taimi nei, ua malaga le auuso Gardiner i le lalolagi, ma aoao atu i isi le auala e sisiva ai ma le auala e fesootai ai ma o latou lava tupuaga. Ua auauna atu i laua o ni amepasa mo nisi o kamupani sili ona lauiloa o le lalolagi ma e masani ona valaaulia e faasoa mai a laua tala ma taleni i faaaliga faalemalo ma kamupani tetele. Sa siitia atu talu ai nei i laua i Nashville, Tennessee—o se nofoaga o le a fai mai nisi e tuu ai i laua i le totonugalemu o fatufatuga i le initoneti.
Tagai i le Auuso Gardiner i se Aoaoga Tuusao i le RootsTech 2026
Aua nei misia lou avanoa e vaai ai i le Auuso Gardiner i le RootsTech 2026, i le aso 5–7 Mati! E mafai ona e maimoa i le aoaoga tuusao i le Aai o Sate Leki pe matamata i ai e aunoa ma se totogi i luga o le initoneti. O le gaoioiga o le tausaga lenei ua mamanuina ina ia avea ma se tasi o konafesi aupito sili ona faafiafiaina a le RootsTech, faatasi ai ma se au failauga maoae, vasega, mafutaga faaleaoaoga, ma faafiafiaga. Pe o oe o se tagata faatoa amata i talafaasolopito o aiga po o se tagata atamai i gafa, ia sauni mo le 3 aso faagaeetia e taulai atu i le tala aupito sili ona taua o tala uma—o lau lava [tala]!
O Le A le RootsTech?
O le RootsTech o se nofoaga e aoao ai, ia musuia, ma faia fesootaiga e ala i talafaasolopito o aiga. E talimalo ai i le FamilySearch ma lagolagoina e isi faalapotopotoga lauiloa o gafa, o le RootsTech e faitau selau vasega atamamai, vitio o motugaafa ma togafiti, ma tala musuia e mafai ona fesoasoani ia te oe e iloa ai talafaasolopito o aiga nai lo se isi lava taimi muamua. Asiasi i la tatou potutusi o aoaoga e manaomia, pe fai ni fuafuaga e auai faatasi ma i matou mo le isi a tatou gaoioiga faatekinolosi pe faafesagai o le konafesi.
Tusiga Fesootai
I le FamilySearch matou te popole e uiga i le faafesootaia o oe i lou aiga, ma matou te tuuina atu ni aafiaga malie e iloa ai ma auaunaga o talafaasolopitoo aiga e aunoa ma se totogi. Aisea? Ona matou te faapelepele i aiga ma talitonu o le faafesootaia o augatupulaga e mafai ona faaleleia ai o tatou olaga i le taimi nei ma le faavavau. O i tatou o se faalapotopotoga e le su’e tupe ma e lagolago e Le Ekalesia a Iesu Keriso o le Au Paia o Aso e Gata Ai. Ina ia aoao atili e uiga i o tatou talitonuga, kiliki iinei.
