E amata atu ia Iulai 2022, o le a faaaoga e le FamilySearch.org se mamanu fou mo kata o igoa faaleaiga (o nisi taimi e ta’ua o kata o le malumalu po o kata o sauniga). O kata ua toe mamanuina o loo faaalia ai suiga nei:
- O se numera QR nai lo o se barcode.
- E laitiiti teisi lava. O kata ua toe mamanuina e laiti teisi lava (3 1/2” i le 4 7/8” po o le 80 mm i le 123 mm).
O faatonuga ua faafaigofieina e ogatusa ma le tusitaulima a le Ekalesia ua faaaofia nei pe a lolomiina ia kata.
O le isi taimi e te toe lolomiina ai kata o igoa faaleaiga, o le a latou foliga faapea:
O Fesili e Masani ona Fesiligia So’o
O fea e mafai ona ou lolomiina ai kata?
E mafai ona e lolomiina kata i le fale po o soo se isi lava nofoaga e mafai ona e maua ai se masini lolomi a o saini e alu i totonu i le FamilySearch.org. Afai e leai sau masini lolomi i le fale pe o popole i le tau o pepa ma le vali lomitusi, faamolemole asiasi i se nofoaga autu o talafaasolopito o aiga, lea e mafai ona lolomi ai kata mo oe. O malumalu ua toe tatalaina i se tulaga o le vaega 4 e lolomi ai foi kata mo tagata ulu.
Pe o le a aoga pea kata e i ai barcodes?
O kata o igoa faaleaiga tuai e i ai barcodes e mafai lava ona faaaoga e faatino ai sauniga. Matou te uunaia oe ia auai i le malumalu ma faauma sauniga ua uma ona e lolomiina.
Aisea e suia ai barcodes i numera QR?
O numera QR e i ai ni nai itu lelei e sili ai nai lo numera barcode muamua lea o le a fesoasoani e faia ia sili atu ona lelei le faagaoioiga o le malumalu.
- O numera QR e sili atu faamatalaga e mafai ona teu ai nai lo numera barcode masani.
- O numera QR e mafai ona kopiina e le tele o masini eseese, lea e maua ai le fetuunaiga e malumalu i ituaiga masini e faaaoga e faamaumau ai sauniga.
- O numera QR e mafai ona kopiina i soo se faatulaga. O numera bar codes masani e tatau ona ogatusa lelei ma le masini e kopi ai. O numera QR o le a fesoasoani e faaitiitia ai mea sese o le faamaumauina e ala i le mafai ona uuina le kata i soo se faatulaga mo le masini e faitauina.
Pe o suia foi le mamanu o le Talosaga mo Sauniga a le Aiga?
Leai, o le Talosaga mo Sauniga a le Aiga (TSA) e le o suia. E mafai lava ona faaaoga ia Talosaga mo Sauniga a le Aiga pe a ofoina atu e se malumalu ia auaunaga lomitusi.
