Filifiliga Fou e Saini Ai i Totonu mo le FamilySearch—Facebook, Google, ma le Apple

Image of family looking at a tablet, ready to log in to use FamilySearch.

E amata atu i le 2023, o le a mafai ona e saini e alu i totonu i le FamilySearch e faaaoga ai se Facebook, Google, Apple, po o se faitotoa a le Ekalesia (ChurchofJesusChrist.org). E ui o nisi o nei filifiliga e alu ai i totonu sa avanoa muamua, ae o nisi e fou.

Manatua: O nisi o filifiliga e alu ai i totonu atonu e le o maua i gagana uma.

O le faaaogaina o filifiliga eseese e alu ai i totonu e mafai ona fesoasoani ia te oe e faaitiitia ai le taina ma le faatuai o igoa faaaoga ma uputatala eseese, ma e mafai ona vave ai le saini e alu i totonu i le FamilySearch. E mafai foi ona fesoasoani ia te oe pe afai e galo pea ia oe lou igoa faaaoga ma le uputatala o le FamilySearch pe e te manao foi i isi auala e saini ai i totonu nai lo le taina o se uputatala (e pei o le faaaogaina o se google po o le Apple passkey).

E te le tau faaaogaina na o se filifiliga se tasi e alu ai i totonu. E mafai ona e fesootai i le tele e te manaʻo ai! E faigofie le fesootaiga o le alu i totonu:

Afai ua uma ona i ai sau faitotoa o le FamilySearch, i le FamilySearch.org, kiliki le Saini e Alu i Totonu, ma filifili po o le fea filifiliga e saini ai i totonu e te manao ai, e faaaoga ai aikona i le pito i luga o le itulau. Afai e te le’i faafesootaia lau faitotoa o le FamilySearch i se Facebook, Google, po o le Apple, kiliki i luga o le aikona mo soo se tasi o nei mea o le a tuuina atu ia te oe ni uunaiga e fesoasoani e faafesootai ai au faitotoa.

Mo se fesoasoani i le saini e alu i totonu e faaaoga ai se Faitotoa a le Ekalesia, asiasi i le tusiga fesoasoani lenei.

Ata screenshot o filifiliga e saini ai i totonu i le FamilySearch.org

Ina ia fatuina se faitotoa fou o le FamilySearch e faaaoga ai filifiliga nei e alu ai i totonu, kiliki le Fatu Se Faitotoa nai lo lena, ma filifili lau auala e saini ai e e fiafia i ai e faaaoga ai aikona eseese.

Ata screenshot o loo faaalia ai le auala e saini ai i totonu o se Facebook, Google, Apple, po o se faitotoa a le ChurchofJesusChrist.org i le FamilySearch.org.

O A Faamatalaga e Faasoa Atu Pe a Ou Faafesootaia Faitotoa?

Pe a faafesootaia faitotoa ma le Facebook, Google, ma le Apple, o le a faaali atu ia te oe ni vaega po o a ni faatagaga patino o loo e faatagaina i le va o faitotoa e 2. I se tulaga lautele, ua na o faamatalaga faavae e iloa ai e faatagaina le alu i totonu o le faitotoa e fesootai ai o loo faasoaina atu.

Manatua: Pe a faaaogaina se komepiuta lautele, ia mautinoa e saini e alu i fafo o le FamilySearch ma le faitotoa fesootai na e saini e alu ai i totonu. O le saini e alu ese ai mai le [faitotoa] tasi e le saini ai oe i fafo mai le isi [faitotoa] i taimi uma.



nullMatou te faamoemoe o nei filifiliga fou e alu ai i totonu o le a fesoasoani i tagata faaaoga o e fiafia e fetuunai atili ma a latou faitotoa. Ma afai e faigata ia te oe ona pulea le tele o uputatala eseese, matou te faamoemoe o le a fesoasoani foi nei filifiliga ia te oe! Saini e alu i totonu pe saini e alu i totonu i le aso e faataitai ai:

E Faatatau i le Tusitala