Яагаад зарим Дурсамж маань Галерейгаас алга болсон бэ?
Саяхан ээлжит мэдээллийг нөөцлөх үйл явцын үеэр бид FamilySearch-ийн архиваас зарим Дурсамжийг санамсаргүй устгачихсан. Харамсалтай нь устгагдсан Дурсамжийн багахан хувь нь бүрэн сэргээгдэх боломжгүй байна. Дурсамж бүрийн гарчиг, тайлбар гэх мэт үндсэн мэдээлэл сэргэсэн боловч файл болон зарим текст бүрмөсөн устжээ. Бид энэ алдаанаас үүсэх аливаа асуудалд хүлцэл өчиж байна. Бид шинээр хамгаалалт бий болгосон бөгөөд ийм зүйл дахин тохиолдохгүй гэдэгт итгэж болно.
Дурсамжаа хэрхэн сэргээх вэ
Бид ямар Дурсамж алга болсныг харуулдаг Дурсамж сэргээх хэрэгсэл бүтээсэн. Энэ хэрэгсэл нь алга болсон зүйлийг шинэчлэн оруулах, мөн бидний сэргээж чадсан мэдээлэлтэй холбоход зориулагдсан. Галерейн тань дээд хэсэгт байрлах мэдэгдлийн холбоосоор эсвэл алга болсон Дурсамжийн хуудаснаас уг хэрэгслийг олж болно. Эдгээр холбоосыг таны Дурсамж Галерейгаас тань устсан эсвэл сэргээгдээгүй үед хэрэглэх боломжтой.
Тэмдэглэл: Хэрэв таны Галерейд алга болсон Дурсамжийн талаар мэдэгдэл ирээгүй бол та ямар нэг зүйл хийх шаардлагагүй. Таны Дурсамжийн мэдээлэл алдагдаагүй байна.
Дурсамж сэргээх хэрэгслийн тухайд
Сэргээх хэрэгслийн үндсэн үйлдлүүдийн тоймыг харуулав.
Хянах самбар
Нэвтэрч орсон хэрэглэгч Дурсамж сэргээлтийг хянах самбараас алга болсон Дурсамжийн жагсалтаа харна. Хянах самбарт доорх зүйлс орно:
- Алга болсон Дурсамж бүрийн гарчиг, тайлбар гэх мэт нэмж оруулсан холбогдох мэдээллийн жагсаалт.
- Сэргээлтийн үйл явцыг харуулах төлөвийн самбар.
- “Алга болсон дурсамж” болон “сэргээгдсэн дурсамж”-ийг харуулдаг шүүлтүүр.
- Алга болсон зүйлийг хүнээр нь эсвэл Дурсамжаар нь багцалдаг тохиргоо.
Хянах самбарт та зураг, баримт бичгийн файлыг шинэчлэх, алга болсон текстийг түүхэд нэмж оруулах, эсвэл алга болсон Дурсамжийн дэлгэрэнгүйг бүр мөсөн устгаж болно. Та Засварлах, Устгах гэсэн хоёр үндсэн үйлдлийг ашиглах болно.
Засварлах/Байршуулах
Хянах самбарт жагсаасан Дурсамж бүр нь түүх эсвэл зураг/баримт бичиг гэдгээс хамаарч байршуулах эсвэл засварлах гэсэн сонголттой байна. Үүнийг ашиглан алга болсон зүйлсийг шинэчлэн оруулж, хамаарагдах Дурсамжийн дэлгэрэнгүйд холбоно.
Орлуулж буй зураг эсвэл баримт бичиг нь алга болсон зүйлтэй адилхан хэлбэрт байх ёстойг санаарай. Тиймээс, анхны байршуулсан нь JPEG хэлбэрээр байсан бол сэргээх явцад орлуулан байршуулж байгаа зүйл тань мөн JPEG байх ёстой. Та зураг засварлах программ ашиглан файлаа тохирох хэлбэрт оруулан хадгалж болно.
Зөвлөмж: Хэрэв та зураг, баримт бичгээ компьютер, төхөөрөмжийнхөө хаана байрлаж байгааг мэдэхгүй байвал системийнхээ файл-хайх аппликэйшн (Жишээ нь: Windows File Explorer эсвэл Mac дээрх Finder) ашиглан үндсэн файлын нэрээр алга болсон зүйлээ хайгаад үзээрэй.
Устгах
Хэрэв эх файл тань байхгүй эсвэл алга болсон Дурсамжуудын аль нэгийг сэргээх бодолгүй байвал FamilySearch дээрээс устгах товчийг ашиглан Дурсамжийг устгаж болно. Энэ үйлдлийг буцаах боломжгүй бөгөөд нэгэнт устгасан бол мэдээлэл нь сэргээгдэх боломжгүй. Энэ нь алга болсон зүйл нь Дурсамж дээр давхардаж орсон тохиолдолд ашиглах хамгийн зөв арга юм.