Та FamilySearch тохиргоо дээрээс өөрийн холбоо барих мэдээллийг өөрчлөхөөс гадна бусад хэрэглэгчид таны тухай ямар мэдээллийг харахыг тодорхойлж болно.
Бусад хэрэглэгчийг тантай ажиллахад хялбар байлгах үүднээс FamilySearch таны холбоо барих мэдээллийг ашигладаг. Таны холбоо барих нэр бүх хүнд нээлттэй байдаг бөгөөд бид таныг э-мэйл хаягаа мөн нээлттэй байлгахыг урамшуулж байна.
Эхлэхээс өмнө
Та зарим мэдээллийн тохиргоог өөрчлөх боломжгүй.
- Таны хэрэглэгчийн нэр үргэлж нууцлаг байдаг. Та үүнийг нийтэд дэлгэж болохгүй.
- Таны холбоо барих нэр үргэлж нээлттэй байдаг. Таныг бүртгэл дээр засвар хийх, дурсамж оруулах үед холбоо барих нэр бусдад харагддаг. Таныг FamilySearch аккаунтаа үүсгэх үед системээс танд холбоо барих өгөгдмөл нэрийг оноож өгсөн байгаа. Та үүнийг өөрийн жинхэнэ нэр, нэрийн өөрчилсөн хувилбар эсвэл өөр юу ч болгож өөрчилж болно.
- Хожмын үеийн гэгээнтнүүдийн хувьд аккаунт дээрх зарим мэдээлэл нь Сүмийн гишүүнчлэлийн бүртгэлээс ирдэг. Өөрийн нэр, хүйс, төрсөн огноо эсвэл газар зэргийг шинэчлэхийн тулд тойрог эсвэл салбарынхаа бичиг хэргийн ажилтнаас Сүмийн гишүүнчлэлийн бүртгэл дээр тань өөрчлөлт оруулахыг хүс.
- FamilySearch-өөс ирэх э-мэйл мэдэгдлүүд тохиргоо дээрх Нууц үг ба Сэргээх аргууд гэсэн хэсэгт бүртгэлтэй байгаа э-мэйл хаягаар ирдэг. Та үүнийг нийтэд нээлттэй болгосноос үл шалтгаалан эдгээр э-мэйл мэдэгдлийг хүлээн авах болно.
Алхмууд (вэбсайт)
- FamilySearch рүү нэвтэрч ор.
- Баруун дээд буланд байгаа өөрийнхөө нэр дээр дараад Тохиргоо дээр дар.
- Хуудасны дээд хэсгийг хар. Хэрэв Аккаунт нь доогуураа зураасгүй байвал дээр нь дар.
- Дэд гарчиг бүрийн хажууд байрлах Засварлах дээр дарж тухайн хэсэгт өөрчлөлт оруулна.
- Өөрчлөлт оруулах бол “Хувийн” гэсэн хайрцгийг чагтал.
- Хадгалах дээр дар.
Алхмууд (гар утасны аппликэйшн)
Гэр бүлийн мод ба Memories гар утасны аппликэйшнаас холбоо барих мэдээллээ өөрчлөх боломжгүй. Оронд нь гар утасныхаа интернэт хөтчийг нээж, вэбсайтад зориулсан зааврыг дага.
Алхмууд (Гэр бүлийн мод Lite хувилбар)
Гэр бүлийн мод Lite хувилбар дээр холбоо барих мэдээллээ шинэчлэх боломж байдаггүй. Өөрчлөлтүүд оруулахын тулд манай вэбсайт руу нэвтэрч орно уу.
Дараагийн алхмууд
Та э-мэйл хаяг эсвэл гар утасны дугаараа өөрчилсөн бол уг мэдээллийг баталгаажуулах зааврыг дагана уу.
Үр дүн
Таныг холбоо барих нэрээ сольсноос хойш таны хуучин нэр FamilySearch дээр дээд тал нь 24 цагийн хугацаанд харагдах болно. Хэрэв таны өөрчлөлт оруулсан бүртгэлийг бусад хүн дагадаг бол таны хуучин холбоо барих нэр систем тэр чигээрээ шинэчлэгдтэл харагдах болно.
Холбогдох нийтлэлүүд
Хэрэглэгчийн нэр, нууц үгээ хэрхэн өөрчлөх вэ?
Би э-мэйл мэдэгдэл, мэдээ авахаар хэрхэн бүртгүүлж эсвэл больж болох вэ?
Би Гэр бүлийн мод эсвэл Дурсамжид хувь нэмэр оруулсан хүнд хэрхэн зурвас илгээх вэ?
Бусад хэрэглэгчтэй ямар холбоо хамааралтайгаа харах сонголтыг хэрхэн идэвхжүүлэх эсвэл цуцлах вэ?