Заримдаа хэрэглэгч холбоо хамаарлыг харахаар оролдох үед холбоо хамаарал харуулах үйлдэл “Холбоо хамаарал тодорхой бус” гэсэн үр дүнг харуулдаг. Эндээс үүний зарим шалтгааныг болон засах аргуудыг харна уу. Үүнд:
Зөвшөөрөл олгох шаардлагатай.
Хэрэглэгчид хоорондоо зурвасаар холбогдох үедээ өөр хоорондох холбоо хамаарлаа харах боломжтой байдаг. Хоорондын холбоо хамаарлаа харахын тулд хоёр хэрэглэгч холбоо хамаарал харуулах үйлдлийг хоёулаа идэвхжүүлэх хэрэгтэй. Тохиргоо руугаа ороод, Холбоо хамаарал харуулах үйлдлийг идэвхжүүлэхийг асаана. Энэ тохиргоо нь та бусад хэрэглэгчтэй мөн бусад хэрэглэгч тантай хэрхэн холбоо хамааралтайг мөн дундын өвөг дээдсийг харах боломжийг олгодог. Энэ зөвшөөрөл нь та болон танай ургийн модонд байх хүмүүсийн хоорондын холбоо хамаарлыг харахад нөлөө үзүүлэхгүй.
Таны ургийн модонд илүү их мэдээлэл хэрэгтэй.
Та модондоо гэр бүлийнхнийхээ мэдээллийг хараахан оруулаагүй тохиолдолд бид ямар ч хамаатан садан олох боломжгүй юм. Та мэдээллээ оруулж эхлэх хэрэгтэй бөгөөд ингэснээр Ургийн мод таны талаар хайх мэдээлэлтэй болох юм.
Хэрэв та ургийн модонд мэдээллээ оруулж эхэлсэн бол бид таны бусадтай холбогдох холбоо хамаарлыг хайж олж болохын тулд та өөрийн гэр бүлийн зарим нэг үеийн мэдээллийг нэмж оруулах шаардлагатай байж болох юм. Гэр бүлийнхээ аль нэг талын хэд хэдэн үеийн (эцэг/эхийнхээ аль нэг талын өвөг дээдсийн) мэдээллийг нэмж оруулаад үзээрэй. Энэ нь боломжит гэр бүлийн холбоо хамаарлыг илүү их харуулах болно.
Хангалттай мод байхгүй.
Дэлхий дээр таны оршин суудаг тухайлсан бүсэд ургийн мод хангалттай тоогоор үүсээгүй байж болно. Энэ нь Ургийн модонд холбоо хамаарал олоход бэрхшээл учруулдаг. Та өөрийн мэдээлэл дээр ажиллаж байх үедээ өөртэйгөө ойролцоо гарал үүсэлтэй хүмүүсийг Ургийн модонд мэдээллээ оруулахад урамшуулснаар энэ ажилд тусалж чадна.
Таны дундын өвөг дээдэс тооцооллын хүрээнд олдсонгүй.
Холбоо хамаарлыг харуулах үйлдэл таны гэр бүлийн шугам дахь өгөгдлийн тодорхой хүрээнд холбоо хамаарлыг тооцоолон гаргадаг. Жишээ нь, таныг хэн нэгэнтэй холбож буй дундын өвөг дээдэс МЭ 1500 оноос өмнө төрсөн бол энэ нь хамрах хүрээнээс гадна байгаа учир холбоо хамаарал олдохгүй юм.
Хэрэв холбоо хамаарал харуулах үйлдэл нь заасан тодорхой хүрээнд ямар нэг илэрц харуулах ёстой гэж та үзэж байвал FamilySearch-ийн Дэмжлэг үзүүлэх багтай холбоо барина уу.
Холбоотой нийтлэл
Ургийн модонд байгаа хүнтэй ямар холбоо хамааралтайгаа хэрхэн харах вэ?
Холбоо хамаарлаа харах: Бусад хэрэглэгчтэй ямар холбоо хамааралтайгаа харах сонголтыг хэрхэн идэвхжүүлж эсвэл цуцлах вэ?
Дурсамж хэсэгт байгаа хүнтэй ямар холбоо хамааралтайгаа хэрхэн харах вэ?
Ургийн модны холбоо хамаарал харуулах үйлдэл миний хамааралтай эсэхийг хэрхэн тодорхойлдог вэ?