Өвөг дээдсийнхээ төлөө гүйцэтгэх ёслолуудыг захиалах үед “Зөвшөөрөл шаардлагатай” гэсэн анхааруулга гарч ирж магадгүй. Энэ нь таны өвөг дээдэс сүүлийн 110 жилийн дотор төрсөн гэсэн үг юм. Иймээс ариун сүмийн ажил гүйцэтгүүлэхээр нэр захиалахаасаа өмнө та амьд ойрын төрөл саднаас нь зөвшөөрөл авах ёстой. Зөвшөөрлийг амаар авч болно.
Амьд ойрын төрөл садан нь гэрлэлтээ цуцлуулаагүй эхнэр/нөхөр, насанд хүрсэн хүүхэд, эцэг эх, эсвэл ах эгч дүү нь байж болно.
FamilySearch цусан төрлийн бус харилцаа тогтоох хүсэлтийг тохиолдол тус бүрд нь шийдвэрлэдэг.
Хэрэв зөвшөөрөл өгөх амьд ойрын төрөл садан байхгүй үед ч та ёслолуудыг гүйцэтгэх зөвшөөрөл хүсэх боломжтой. Ойрын төрөл садан нь амьд байхгүй гэдгийг нотлох баримт гаргаж өгнө үү.
Энэ сэдвээр дэлгэрэнгүй мэдээлэл авах бол Сүмийн Ерөнхий гарын авлага: Есүс Христийн Хожмын Үеийн Гэгээнтнүүдийн Сүмд үйлчлэх нь, 28.1-ийг үзнэ үү.
Ач зээ нар нь нас барсан өвөө, эмээгийнхээ төлөө ёслолуудыг гүйцэтгэх хүсэлт гаргаж болно. Хэдийгээр ач, зээ нь байсан ч хамгийн ойрын амьд төрөл саднаас нь зөвшөөрөл авах ёстой. Харин ач, зээ нь зөвшөөрлийн маягтыг бөглөх шаардлагагүй.
Эхлэхээс өмнө
- Зөвшөөрөл хүсэхийн тулд танд зөвшөөрөл өгсөн амьд ойрын төрөл садны э-мэйл хаяг, утасны дугаар хэрэгтэй.
- Танд зөвшөөрөл өгсөн хүн тухайн нас барсан хүний Ургийн модонд амьд ойрын хамаатан гэж харагдаж байгаа эсэхийг нягтална уу.
- Хэрэв амьд ойрын төрөл садан байхгүй бол Ургийн модонд тэдний нас барсан мэдээлэл орсон байх ёстойг анхаарна уу. Эх сурвалжуудыг нотолгоо болгож хавсаргана уу.
Алхмууд (вэбсайт)
- FamilySearch.org вэбсайтын Ургийн мод цэсээс ёслолыг нь гүйцэтгэхээр хүсэлт гаргах гэж байгаа хамаатныхаа хувийн хуудас руу очно уу.
- Хувь хүний хуудсан дээр хамаатны тань нэрийн чанх доор олон төрлийн сонголт мэдээлэл (таб) цувран гарч ирнэ. Ёслолууд дээр дар.
- Хүсэлт (Зөвшөөрөл шаардлагатай) дээр дар.
- “Зөвшөөрөл шаардлагатай” гэсэн цонхны Би зөвшөөрөл авсан гэдгийг сонгоно уу.
- “Эхнэр/нөхөр нь амьд уу?” гэсэн асуултад хариул.
- Мэдээллийг бөглөөд, Илгээх дээр дарна.
- Таны хүсэлт илгээгдсэнийг илтгэх зурвас танд харагдана.
Алхмууд (мобайл аппликэйшн)
- Family Tree мобайл аппликэйшнаас ёслолыг нь гүйцэтгэхээр хүсэлт гаргах гэж байгаа хамаатныхаа хувийн хуудас руу очно уу.
- Нэрийн доор байгаа Ёслолууд дээр товш.
- Зөвшөөрөл хүсэх дээр товш.
- Мөрдөх журмын доор э-мэйл хаяг, утасны дугаараа оруул.
- Уг хүнтэй ямар хамааралтай болохоо мөн энэ хүсэлтийг гаргаж буй шалтгаанаа оруул.
- Танд зөвшөөрөл өгсөн хүний нэрийг оруул.
- Зөвшөөрөл өгсөн хүн, нас барсан төрөл садны хүн хоёрын хоорондын холбоо хамаарлыг тодорхойл.
- Зөвшөөрөл өгч байгаа хүнтэй холбоо барих мэдээллийг оруул.
- Дэлгэцийн баруун дээд талын Илгээх дээр товш.
Алхмууд (Family Tree Lite)
Та Family Tree Lite дээр зөвшөөрөл авах хүсэлт гаргах боломжгүй.
Дууссаныхаа дараа
Таны хүсэлттэй холбоотой ямар ч шийдвэр гарсан бай та э-мэйл хүлээн авна. FamilySearch Дэмжлэг нь цаг тухайд нь хариу өгөхийн тулд ажилладаг. Та энэ э-мэйлийг хайхдаа junk mail хавтсыг мөн шалгаарай.
- FamilySearch таны хүсэлтийг зөвшөөрсөн. Системээс тухайн гэр бүлийн нэрийг танай гэр бүлийн нэрсийн жагсаалтад автоматаар нэмнэ. Тэндээс та гэр бүлийн нэрийн картаа хэвлэж болно. Хэрэв уг нэр танай гэр бүлийн нэрсийн жагсаалтад байхгүй бол хүлээн авсан зөвшөөрлийн э-мэйлд хариу бичнэ үү.
- Таны хүсэлтийг харгалзан үзэхэд нэмэлт мэдээлэл шаардлагатай. Шаардлагатай мэдээлэл бүхий хариу илгээнэ үү.
- FamilySearch таны хүсэлтийг зөвшөөрөөгүй. Та хүсэлт гаргах явцыг давтан үйлдэх боломжгүй. Харин үүний оронд та хүлээн авсан э-мэйлдээ хариу бичиж болно.
Холбоотой нийтлэлүүд
Би ёслол гүйцэтгэх зөвшөөрөл өгөх нэг ч амьд ойрын төрөл садныг олж чадахгүй байна
Ариун сүмийн ёслолуудыг гүйцэтгэхийн тулд хамгийн ойрын амьд төрөл саднаас нь зөвшөөрөл авах хэрэгтэй юү?
Би найзынхаа ариун сүмийн ёслолыг төлөөлөн гүйцэтгэх хүсэлт гаргаж болох уу?
Ариун сүмийн ёслолуудыг гүйцэтгэх хүсэлт гаргаж болох хүмүүс
Надтай холбоо хамааралгүй хүмүүсийн төлөө ариун сүмийн ажил хийх