FamilySearch бол дэлхий дээрх угийн бичгийн мэдээллийн хамгийн том цуглуулгын нэг бөгөөд хүмүүс угийн бичиг судлах зорилгоор засаг захиргаа, сүм дуган болон бусад эх сурвалжаас бүрдсэн мэдээллийг орж үздэг. FamilySearch Гэр бүлийн модон дээр одоо ижил хүйстэн гэр бүлийн холбоо хамаарлыг баримтжуулах боломжтой боллоо.
Есүс Христийн Хожмын Үеийн Гэгээнтнүүдийн Сүмийн сургаалын дагуу ариун сүмд зөвхөн эсрэг хүйсийн хоёр хүний хоорондын гэрлэлтийг баталгаажуулах буюу лацдан холбох боломжтой.
А ба Х: FamilySearch Гэр бүлийн модон дээрх Холбоо хамаарал дээр гарсан шинэчлэл
1. FamilySearch яагаад үүнийг хийж байна вэ?
FamilySearch Гэр бүлийн мод нь анхдагч эх сурвалж болох бүртгэлүүдэд суурилснаар угийн бичгийн үнэн зөв байдлыг хадгалахыг урамшуулах зорилготой. Гэр бүлийн мод хэрэглэгчдэд гэр бүлийн бүх холбоо хамаарлыг бүртгэх боломжийг олгодог бөгөөд үүнд ижил хүйстний гэрлэлт ба ижил хүйстний үрчлэлт орно.
2. Энэ нь Сүмийн сургаалд орсон өөрчлөлт үү?
Үгүй. FamilySearch угийн бичиг, түүхэн бүртгэлүүдийг цахимаар хадгалж, үүнийг нэвтэрч үзэх боломжийг олгодог бөгөөд энэхүү хүчин чармайлтын нэг хэсэг бол хүний гэр бүлийг үнэн зөвөөр бүртгэх явдал юм. Сүм зөвхөн эсрэг хүйсийн хоёр хүний хоорондын гэрлэлтийн ёслолыг буюу лацдан холболтыг хийдэг.
3. Ижил хүйстэн гэр бүлийн хосууд бие биетэйгээ лацдан холбогдож болох уу?
Үгүй. Сүмийн сургаалын дагуу ижил хүйстэн гэр бүлийн хосууд хууль ёсны дагуу гэрлэсэн ч гэсэн бие биетэйгээ лацдан холбогдох боломжгүй. Ижил хүйстэн гэр бүлийн хосын холбоо хамааралтай амьдарч байсан эсвэл ижил хүйстэнтэйгээ гэрлэсэн нас барсан хувь хүн хүлээн авах боломжтой бусад бүх ариун сүмийн ёслолыг хүлээн авах боломжтой.
4. Ижил хүйстэн гэр бүлийн хосын хүүхдүүд тэдэнтэй лацдан холбогдож болох уу?
Үгүй. Гэр бүлийн хос хэдий Сүмийн сургаалын дагуу, хуулийн дагуу гэрлэсэн ч ижил хүйстэй бол хүүхдийг лацдан холбохгүй.
5. FamilySearch нь ижил хүйстний холбоо хамаарлыг тэмдэглэхийг зөвшөөрсөн угийн бичгийн анхны сайт уу?
Үгүй. FamilySearch ижил хүйстний холбоо хамаарлыг тэмдэглэхийг зөвшөөрсөн угийн бичгийн анхны сайт биш.
6. Гэр бүлийн модонд ямар өөрчлөлтүүд харагдах вэ?
Эхнэр/нөхөр эсвэл эцэг/эхийг оруулахдаа хэрэглэгч ижил хүйсийн эхнэр/нөхөр эсвэл эцэг/эхийг оруулах боломжтой болсон.
7. Энэ үйлдлийг оруулахад ямар шаардлага тавигдсан бэ?
Ижил хүйстний холбоо хамаарлыг бүртгэх боломжтой болохын тулд хэрэглэгчдэд нэвтрүүлэхээсээ өмнө Гэр бүлийн модтой холбоотой, түүний дотор Модтой ба бүртгэл хайхтай холбоотой хэд хэдэн системд том хэмжээний өөрчлөлтийг оруулах хэрэгтэй болсон.
8. Энэ нь Гэр бүлийн модны мобайл апп дээр ажиллах уу?
Тийм. Хэрэглэгч шаардлагатай шинэчлэлтийг суулгаснаар энэ нь мобайл апп дээр ажиллана.
9. Ижил хүйстний холбоо хамааралтай байсан хүний дурсамжийг (гэрэл зураг, түүх, бичиг баримт) би оруулж болох уу?
Дурсамж (гэрэл зураг, түүх, бичиг баримт) оруулах жишиг нь бүх хэрэглэгчид адил бөгөөд FamilySearch-ийн мэдээлэл оруулах удирдамж, бодлого журам-ыг дагадаг.
Холбоотой
FamilySearch Гэр бүлийн модон дээр бүх төрлийн холбоо хамаарлыг бүртгэх боломжийг нэмлээ. (FamilySearch мэдээ)
Гэр бүлийн модонд эхнэр/нөхрийг эсвэл хамтрагчийг хэрхэн нэмэх вэ?
Гэр бүлийн модонд эцэг/эхийг хэрхэн нэмэх вэ?