Зүй бус ашигласан талаар мөн спам, зохисгүй дурсамж болон бусад агуулгын талаар би хэрхэн мэдэгдэх вэ?

FamilySearch дээр харсан аливаа зүй бус ашигласан буюу зохисгүй агуулгыг "Зүй бус ашигласныг мэдэгдэх"-ийг ашиглан мэдээлнэ үү.

Хэрэв хэн нэгэн таны хүсээгүй зурвасыг илгээж байвал та тэр хүнээс ирэх зурвасыг ирүүлэхгүй болгож болно. Үүний дараа зурвасууд нь танд харагдахгүй болно. Илүү дэлгэрэнгүй мэдээллийг Холбоотой нийтлэл хэсгээс харна уу.

Юуг зүй бус ашиглах гэж үзэх вэ?

Энэ тохиолдолд зүй бус ашиглалт гэдэг нь FamilySearch дээр хадгалагдсан дараах доромжилсон эсвэл зохисгүйд тооцогдох материалыг хэлнэ. Жишээ нь:
 

• Доромжилсон үг хэллэг эсвэл агуулга
• Амьд байгаа төрөл садны хүмүүст муугаар нөлөөлөх, ичгэвтэр байдалд оруулах мэдээлэл
• Зохисгүй агуулгатай вэб хуудасны холбооснууд
• Бизнесийн болон судалгааны байгууллагаас явуулсан хүсэлт
• Дарамт шахалт
• Улс төртэй холбоотой мэдэгдэл
• Зохиогчийн эрх зөрчсөн

Есүс Христийн Хожмын Үеийн Гэгээнтнүүдийн Сүмийн патриархын адислал эсвэл ариун сүмийн албан ёсны бичиг баримтыг дараах талбаруудын аль нэгэнд нийтлэх нь мөн FamilySearch-ийг зүй бус ашигласанд тооцогдоно. Үүнд:

• Ярилцлага
• Тайлбар
• Дурсамж
• Амьдралын зураглал

Юуг зүй бус ашигласан гэж үзэхгүй вэ?

Алдаа эсвэл бүртгэл дээрх өөрчлөлтүүдийг зүй бус ашигласан гэж үзэхгүй. Хэрэв танд бүртгэл дээрх санамсаргүй эсвэл санаатай гаргасан алдааг залруулах боломжгүй байдалтай холбоотой асуух зүйл байвал FamilySearch Дэмжлэг-тэй холбоо барина уу.

FamilySearch дээрх ихэнх хуудасны доод талд буй FamilySearch эрх ба ашиглалтын талаарх мэдээлэл дээр бидний гол баримтлах бодлого журмыг заасан.

Алхмууд (вэбсайт)

1. FamilySearch дээр зүй бус ашигласныг мэдэгдэх талбарууд руу оч. Үүнд:
   
   1. Хэрэгслүүд: Тухайн хүний Хувь хүний хуудсан дээрх Хэрэгслүүд-ийн доор Зүй бус ашигласныг мэдэгдэх холбоос бий.
   2. Дурсамжийн толилуулга: Дурсамжийн толилуулгын баруун дээд буланд Зүй бус ашигласныг мэдэгдэх холбоос бий.
   3. Зурвасууд: Зурвасын хажууд байрлах хүний нэр дээр дараад, Зүй бус ашигласныг мэдэгдэх дээр дар.
   4. Хувь хүнтэй холбоотой эх сурвалж: Эх сурвалж дээр дар. Эх сурвалжийн доор Зүй бус ашигласныг мэдэгдэх холбоос харагдана.
   5. Холбоо хамаарал дахь эх сурвалж: Хувь хүний хуудас руу оч. Доош гүйлгэн, Гэр бүлийн гишүүд хэсэг рүү очоод, Засах шигтгээ зураг дээр дар. Холбоо хамаарлын эх сурвалж хэсгээс эх сурвалжийг сонгож дар. Эх сурвалжийн гарчгийн доор Зүй бус ашигласныг мэдэгдэх гэж харагдана.
2. Шаардлагатай мэдээллийг бөглөөд, Илгээх дээр дар. Бүх санал гомдол нууцлалтай хадгалагддаг.

Алхмууд (мобайл аппликэйшн)

FamilySearch зурвасаар ирсэн дайрч давшилсан зурвасыг мэдэгдэж болно.

1. FamilySearch аппликэйшныг утсан дээрээ нээнэ.
2. Дэлгэцийн баруун доод буланд байрлах Илүү ихийг дээр дар. Дараа нь Зурвасууд дээр товш.
3. Мэдэгдэхийг хүсэж буй зурвасан дээрээ дар.
4. Дэлгэцийн баруун дээд буланд байрлах гурван цэг (...) дээр дараад, Зүй бус ашигласныг мэдэгдэх дээр дар.
5. Шалтгаанаа бичээд, дэлгэцийн баруун дээд буланд байрлах Илгээх дээр дар.

Алхмууд (Хялбарчилсан Гэр бүлийн мод)

Хялбарчилсан Гэр бүлийн модонд зүй бус ашигласныг мэдэгдэх товчлуур байхгүй. Гэсэн хэдий ч та дурын хуудасны доод хэсэг рүү гүйлгэн Санал хүсэлт ба дэмжлэг дээр даран зүй бус ашигласан байж болох талаарх зурвас илгээх боломжтой.

Холбоотой нийтлэл

Би хэн нэгнийг над руу зурвас бичихийг нь хэрхэн хааж эсвэл ирүүлэхгүй болгож болох вэ?
Ярилцлага, зурвасыг зохицуулдаг ямар дүрэм журам байдаг вэ?
Ямар журмаар FamilySearch.org-д дурсамж оруулах вэ?