ДНХ-ийн шинжилгээ нь удмын бичиг болон гэр бүлийн түүхийн томоохон хэсэг болсон. Ингэснээр ДНХ-ээр холбогдох буюу заримдаа үеэлтэйгээ холбогдох гэж нэрлэдэг арга нь гэр бүлийн түүхийн судалгаагаа зогсонги байдлаас гаргах гүүр болж, үрчлэгдсэн хүмүүст төрсөн гэр бүлээ олоход нь тусалж, тэднийг гэр бүлийн түүхийн сонирхолтой ололт гаргахад хөтөлдөг.
FamilySearch.org дээрх үнэгүй, хэрэглэгчдэд зориулсан хялбар эх сурвалжаас та ДНХ-тэй холбоотой дараах түгээмэл асуултуудад энгийн хариултууд авч болно. Үүнд:
- ДНХ гэж юу вэ?
- Өвөг дээдсээ олоход ДНХ надад хэрхэн туслах вэ?
- ДНХ-ийн шинжилгээний төрлүүдээс аль нь боломжтой байгаа вэ?
- ДНХ-ийн шинжилгээ өгсний дараа би юу хийх хэрэгтэй вэ?
ДНХ-ийн шинжилгээ өгөх нь уламжлалт аргаар хийдэг гэр бүлийн түүхийн судалгааг орлохгүй. Харин энэ нь сайн баримтжуулж бүртгэгдсэн гэр бүлийн модыг баяжуулдаг.
FamilySearch удам зүйн аргаар ургийн бичиг судлахад аль нэг ДНХ аппликэйшныг дэмжих юм уу санал болгодоггүйг анхаарна уу. Түүнчлэн Гэр бүлийн модонд ДНХ-ээр холбогдсон хүмүүсийн бүлгийг тусгайлан авч үздэггүй.