Гэр бүлийн мод нь танд гэр бүлийн модоо янз бүрийн аргаар бүтээж, бөглөх боломж олгодог бөгөөд та гэр бүлийнхнийхээ мэдээллийг оруулах үедээ эдгээр аргыг илүү сайн мэдэж авна. Ингэхдээ эхнэр нөхөр, эцэг эх, өвөө эмээ зэрэг мэддэг хүнээсээ эхэл. Ямар нэгэн мэдээлэл дутуу байвал хувийн нөхцөл байдлаас хамааран, ойрын хамаатан садантайгаа холбоо барих нь тус болж магадгүй юм.
Олон үе удмаа нэмэх тусам Гэр бүлийн модон дээр таныг системд аль хэдийн орсон ижил өвөг дээдэстэй холбоход эсвэл хараахан оруулаагүй байгаа тэдний бүртгэлд зөвлөмжөөр хангахад илүү дөхөм болно.
FamilySearch нь нээлттэй, хамтын ажиллагааг түлхүү дэмждэг угийн бичгийн сайт учраас амьд хүмүүсийн бүртгэл нь таны хувийн орон зайд хадгалагдаж, тэдний зарим мэдээллийг бусад хэрэглэгч хайж олох эсвэл үзэх боломжгүй гэдгийг ойлгоорой.
Эхлэхэд тань туслах хэдэн энгийн зөвлөгөөг энд оруулсан болно. Модондоо хүмүүсийг хэрхэн нэмэх тухай илүү дэлгэрэнгүй зааварчилгааг болон манай нууцлалын бодлогын талаар илүү их мэдээлэл авахыг хүсвэл доорх холбоос бүхий нийтлэлүүдийг үзнэ үү.
Алхмууд (вэбсайт)
Та гэр бүлийн модыг хэд хэдэн янзаар харж болох ба энэ нь гэр бүлийн гишүүдийг нэмэх өөр өөр арга байдаг гэсэн үг юм.
Хэвтээгээр харах
- Модыг гэр бүлийн модны төгсгөлд байгаа хүн хүртэл дэлгэж харахдаа сумыг ашиглана уу.
- Нэмэхийг хүсэж байгаа хүнийхээ тохирох холбоос дээр дар.
- Эцэг эх, эхнэр нөхрийг нэмэхдээ Эцэг/эх нэмэх эсвэл Эхнэр/нөхөр нэмэх дээр дар.
- Хүүхэд нэмэх бол гэр бүлийн хосын мэдээллийн доод талд байгаа Хүүхдүүд дээр, дараа нь Хүүхэд нэмэхдээр дар.
Босоогоор харах
- Гэр бүлийн төгсгөлд байгаа хүнийг олохдоо сумыг ашигла.
- Эцэг/эхийг нэмэхдээ Эцэг/эх нэмэх дээр дар.
- Хүүхдийн талаар мэдээлэл оруулахын тулд хэвтээгээр эсвэл үр удмыг нь харах гэдэг сонголтуудыг ашигла. Босоогоор харах нь угийн бичигт байгаа гэр бүлийн хосуудын хүүхдүүдийг харуулдаггүй.
Алхмууд (гар утасны аппликэйшн)
Гэр бүлийн мод гар утасны апп нь угийн бичгийг автоматаар шууд эхэлж харуулдаг. Утасны аппликэйшн дээр одоогоор гэр бүлийн модны ганц харагдац нь энэ юм.
- Модыг гэр бүлийн модны төгсгөлд байгаа хүн хүртэл дэлгэж харахдаа сумыг ашиглана уу.
- Эцэг эх эсвэл эхнэр нөхрийг нэмэх бол Эцэг/эх нэмэх эсвэл Эхнэр/нөхөр нэмэх дээр дар.
- Хүүхдийг нэмэхдээ эцэг эхийн хэн нэгэн дээр товшоод, Эхнэр/нөхөр табыг сонгож, дараа нь Хүүхэд нэмэх дээр товш.
Алхмууд (Family Tree Lite)
Family Tree Lite дээр та өвөг дээдсийнхээ дөрвөн үеийг шууд нэг дэлгэцээс оруулах боломжтой. Мөн та өвөг дээдэс, гэр бүлийнхнийхээ энэ дэлгэцэд харуулж байгаагаас өөр мэдээллийг нэмж болно. Тухайлбал, та хуланц өвөө болон түүнээс өмнө амьдарч байсан хүмүүсийг, өөрийн эхнэр, нөхөр, хүүхдүүд, ач зээ нар, мөн эхнэр, нөхрийнхөө эцэг эх, ах эгч, дүүг эсвэл хүүхдүүдийг нэмж болно.
- Би гэсэн таб дотор тухайн хүний мэдээлэл харагдах газрыг ол. Эсвэл уг дэлгэцэнд нэр нэмж бичих зай байхгүй бол хамгийн ойрын хамаатан садныг нь олж, дараах алхмуудын дагуу үйлд.
- Тухайн хүний хамгийн ойрын хамаатан садны нэр дээр товш. Жишээ нь: та эхнэр, нөхрийнхөө эцэг эхийг нэмэх бол эхнэр, нөхрийнхөө нэр дээр товшино. Та хуланц өвөө, эмээгээ нэмэхийн тулд тэдний хүүхэд буюу элэнц өвөө, эмээгийнхээ нэр дээр товшино.
- Гэр бүлийг үзэх дээр товш. Энэ холбоос хуудасны дээд хэсэгт байгаа тухайн хүний нэрийг харуулсан хөндлөн туузанд байдаг.
- Эхнэр, нөхөр, хүүхэд эсвэл тухайн хүний эцэг эхийг нэмэхийн тулд зохих холбоос дээр товш.
- Нэр, хүйс, төрсөн болон нас барсан талаарх мэдээллийг оруулна. Тухайн хүн амьд эсвэл нас барсан эсэхийг заавал тэмдэглэх ёстойг анхаар.
- Дараах гэсэн дээр товш.
- Уг хүнийг амьд гэж тэмдэглэсэн бол таны оруулсан өгөгдөл системд нэмэгдэж орно. Харин нас барсан гэсэн бол систем уг хүнийг Гэр бүлийн модонд орсон байгаа эсэхийг шалгадаг.
- Гэр бүлийн модонд боломжит бүртгэлүүд олдвол уг жагсаалтыг нягталж харна уу. Тэр хүмүүсийн нэг нь мөн байвал түүний нэрийн дээр байгаа Хувь хүнийг нэмэх дээр товш.
- Хэрэв ямар ч боломжит хүн байхгүй эсвэл боломжит хүн нь тухайн хүн биш байвал жагсаалтын дээд хэсэгт байгаа Хувь хүн үүсгэх дээр товш.
Холбогдох нийтлэлүүд
Гэр бүлийн модны хувийн орон зай гэж юу вэ?
Гэр бүлийн модонд амьд хамаатан саднаа хэрхэн нэмэх вэ?
Гэр бүлийн модонд холбогдоогүй хүнийг хэрхэн нэмэх вэ?
Гэр бүлийн модонд байгаа өвөг дээдсээ хэрхэн угийн бичигтээ нэмэх вэ?