Гэр бүлийн модны ерөнхий зорилго бол танд эхлээд гэр бүлээ олж нээх, дараа нь өөрийнхөө тухай илүү ихийг олж мэдэхэд туслах явдал юм.
- Гэр бүлийн мод нь хэрэглэгчид зөвхөн өөрсдийн модыг бүтээж, удирдах бус, харин гэр бүлээрээ нэг нийтийн модонд холбогдох боломжийг олгодог учраас бусад ижил төстэй удмын бичгийн сайтуудаас ялгаатай. Энэхүү ялгаа нь хүн бүр ижил өгөгдөл дээр хамтран ажилласнаар хүн төрөлхтний гэр бүлийн гишүүн бүрийг холбох боломжийг олгодог гэсэн үг юм.
- Гэр бүлийн мод нь бүртгэл дээрх алдаа эсвэл давхардлыг шийдвэрлэхэд туслах зорилгоор бүртгэл, эх сурвалжуудыг харьцуулдаг. Мөн алдааг шийдвэрлэхэд туслах зорилгоор зурвас, хамтран ажиллах хэрэгслүүд болон мэргэжилтнүүдийн үнэ төлбөргүй зөвлөгөө өгөх үйлчилгээг утсаар үзүүлдэг.
- Гэр бүлийн мод нь бүртгэлтэй холбоотой зөвлөгөө өгөхийн тулд FamilySearch-ийн асар том мэдээллийн сангаас мэдээллээ авдаг. Ингэснээр таныг болон өвөг дээдсийг тань өмнөх үеийнхэнтэйгээ холбогдоход хялбар болгодог.
- Дурсамж хэсэг нь өвөг дээдэстэйгээ илүү гүнзгий холбоо тогтооход тусална. Энэ бол гэрэл зураг, түүхээ хадгалж, хуваалцах боломжтой орон зай юм.
- Бид Гэр бүлийн модыг аль болох олон хүнд хүртээмжтэй байлгахыг хүсдэг. Та үүнийг гар утасны төхөөрөмж дэх Гэр бүлийн мод, Дурсамж аппликэйшн эсвэл сүлжээний хурд багатай бүсүүдэд Family Tree Lite вэбсайт зэрэг янз бүрийн хэлбэрээр үзэх боломжтой.
Гэр бүлийн модоор дамжуулан бид гэр бүлийн гишүүдэд өнгөрсөн болон одоо үеийн аль алинтай холбогдох боломжийг олгох дэлхийн хамгийн сайн эх сурвалжтай, бүх нийтийн удмын бичиг бүхий гэр бүлийн модыг бүтээхээр хамтдаа ажиллаж чадна гэдэгт найдаж байна.
FamilySearch-ийн талаар илүү ихийг мэдэхийг хүсвэл FamilySearch.org/about хуудсанд зочилно уу.
Холбоотой нийтлэлүүд
Би Гэр бүлийн мод эсвэл Дурсамжид хувь нэмэр оруулсан хүнд хэрхэн зурвас илгээх вэ?
Би FamilySearch-ийн дурсамжийг ашиглан өвөг дээдсийнхээ амьдралын түүхийг хэрхэн хадгалах вэ?