Хэрвээ танд хятад, япон эсвэл солонгос өвөг дээдэс байдаг бол тэдний амьдралын үйл явдлыг заасан огноонд төлөвлөөгүй алдаатай тулгарч магадгүй. Яагаад гэдгийг тайлбарлая.
- Шинэ мэдээлэл ба сайжирсан технологи Гэр бүлийн модон дахь давхардсан бүртгэлүүдийг илрүүлдэг. Давхардсан бүртгэл нь ижил хүнийг илтгэж байвч таамагласан мэдээлэл нь зөрж болно.
- Боломжтой үед FamilySearch ариун сүмийн давхардсан бүртгэлүүдийг нэг болгодог. Энэхүү явцыг нэгтгэл гэж нэрлэдэг.
- Давхардсан бүртгэлүүд дээр амьдралын нэг үйл явдлыг өөр өөр өдрүүдэд болсноор бичсэн байвал Гэр бүлийн модон дээрх шинээр нэгтгэсэн бүртгэлд хамгийн сүүлд шинэчилж оруулсан өдрийг хүлээн авдаг. Заримдаа хамгийн сүүлд оруулсан шинэчлэл алдаатай байдаг.
- Хэрэглэгчид энэ асуудалтай тулгарвал алдааг залруулахыг тэднээс хүсдэг. Ингэхдээ эх сурвалж эсвэл шалтгаанаа бичихээ мартуузай.
Эдгээр алдаа яаж гарч ирдэг болон эдгээрийг хэрхэн залруулахыг доор тайлбарлав.
Алдааны тайлбар
Түүхэн бичиг баримтын олдоц хомс байгаа нөхцөлд FamilySearch-ийн хэрэглэгчид заримдаа өвөг дээдсийнхээ амьдралын хамгийн чухал үйл явдлуудын огноог таамагладаг. Ийм явдлууд хятад, япон, солонгос өвөг дээдсээ эрэлхийлж байгаа хэрэглэгчдэд их тохиолдсон.
Үүнчлэн, хэд хэдэн хүн тус бүрдээ, өөр өөр цагт нэг хүний төлөө Гэр бүлийн модон дээр олон бүртгэл үүсгэсэн байдаг. Эдгээрийг давхардсан бүртгэл гэдэг ба тэдгээр нь заримдаа хоорондоо таарахгүй мэдээллийг агуулдаг.
Боломжтой үед FamilySearch давхардсан бүртгэлүүдийг олж нэг болгодог. Нэгтгэж байгаа бүртгэлүүд дээрх огноо зөрвөл нэгтгэсэн бүртгэл дээр аль огноог ашиглахыг манай систем шийдэх хэрэгтэй болдог. Одоогоор манай систем Гэр бүлийн модонд хамгийн сүүлд оруулсан огноог сонгож байгаа.
Мэдээж, хамгийн сүүлд оруулсан огноо алдаатай байх боломжтой. Бид үүнийг мэддэг бөгөөд Гэр бүлийн модон дахь зарим бүртгэлийг мэдээллийн асуудалтай гэж тэмдэглэдэг. Та ийм асуудалтай тулгарвал цаг гаргаж залруулна гэдэгт бид найдаж байна.
Хамтын хүчин чармайлт
Та засвар оруулах бүрдээ, боломжтой бол мэдээллийн эх сурвалжийг оруулж эсвэл өөрчлөлтийг яагаад оруулах болсноо тодорхой үгээр заавал тайлбарлан оруулж байна уу. Хэрэв ингэвэл, оруулсан өөрчлөлттэй санал нийлэхгүй байж болох бусад хэрэглэгч уг өөрчлөлтийг засварлахгүй юм уу буцаахгүй байх магадлалтай.
FamilySearch нь мэдээллийн эх сурвалжийн нэг байх үед
1994 оноос өмнө Хятад, Япон, Солонгосын ариун сүмд гүйцэтгэх ёслолуудын нэрийн картыг гараар бичдэг байсан. Эдгээр карт дээрх ёслолын мэдээллийг маш сайн хадгалсан боловч мэдээлэл оруулсан хүмүүсийн нэрсийг хадгалж чадаагүй. Ийм тохиолдлуудад өнөөдөр FamilySearch-ийн хэрэглэгчид зарим мэдээллийн эх сурвалжийг “FamilySearch” гэж харах боломжтой.