Бидний гэр бүлийн түүхийн хамгийн баялаг хэсгүүд гэрэл зураг хэлбэрээр ирдэг. Өнгөрсөн болон өнөө үеийн гэр бүлийн гишүүдийнхээ гэрэл зургийг авч, хадгалах боломж нь гэр бүлийн түүхээ баримтжуулах ажлын нэн чухал хэсэг болжээ. Өнөө үед үүнийг хялбарчилдаг олон эх сурвалж, аппликэйшн бий. Нэг сайн эх сурвалж бол Google Photos аппликэйшн юм. Та Google Photos гэж яг юу болох, энэ аппликэйшныг ашиглан ямар сонирхолтой зүйл хийж болох талаар бодож байж магад.
Google Photos нь гэрэл зургуудаа хадгалах, зохицуулах, хуваалцах ажлыг хялбарчилдаг гэрэл зургийн үнэгүй аппликэйшн юм. Хамгийн сонирхолтой үйлдлүүдийнх нь нэг бол нүүр царай таних технологи бөгөөд энэ нь танд цомог, эвлүүлэг, видео, түүх гээд өөр олон зүйлийг хийж, хуваалцах боломжийг олгодог. Энэ нь хязгааргүй нөөцлөх боломжийг олгодог ба бусад гэрэл зургийн аппликэйшнаас өөр юм.
Зохион байгуулалт
Нандин дурсамжаа гэр бүлийнхээ гишүүдтэй хуваалцах нь урам зоригийг мохоох биш урам зориг өгдөг байх ёстой. Өнөө үед гарч ирсэн технологийн ачаар гэрэл зургийг дижитал хэлбэрээр авах, засварлах, хадгалах ажил хэзээ хэзээнээс илүү амар болоод байна. Гэсэн ч хүмүүс зургаа алддаг эсвэл эмх цэгцтэй байлгаж чаддаггүй. Google Photos-ийг хэрхэн ашиглах талаар мэдэж авах нь бүх зургаа хянан тэдгээрийг амархан цэгцэлж, засаж, хуваалцахад тусална.
Нэвтрэн ороход хялбар
Google Photos рүү нэвтрэн орох хоёр энгийн арга бий. Хэрэв танд утас эсвэл таблет байвал app store руу ороод, Google Photos аппликэйшныг татаж ав. Хэрэв та сүүлийн үеийн Android утастай бол уг технологи аль хэдийн суусан байж магад.
Та мөн зургийн аппликэйшн руу онлайнаар орох боломжтой. Photos.google.com руу очоод нэвтэрч орно уу. Гар утасны Google Photos аппликэйшн дээр харагдах зарим үйлдэл суурин компьютерын хувилбарт хараахан байхгүй гэдгийг санаарай.
Нөөц хувилбар
Google Photos-ын гайхалтай сайн зургийн аппликэйшн болох бас нэгэн шалтгаан бол зургийг хурдан, хялбар, хязгааргүй нөөцлөх боломж юм (үүнийг сонгосон бол). Гэрэл зургийн дижитал нөөц хувилбартай байх нь таны цуглуулсан үнэлшгүй дурсамжуудыг файлаа санамсаргүй устгах, компьютер тань эвдрэх гэх мэт асуудлаас хамгаална. Утасныхаа камераар зураг аваад, Wi-Fi-тай газар очсоныхоо дараа зүгээр холбогдоод утсан дээрх аппликэйшнаа нээ. 16MP хүртэлх гэрэл зураг, 1080p HD хүртэлх видеоны хувьд аппликэйшн таны гэрэл зураг, видеог автоматаар үнэгүй нөөцөлнө. Үүний дараа та ямар ч утас, таблет эсвэл компьютероос тэдгээр лүү орж болох ба хүсвэл утаснаасаа устгаж болно.
Google Photos-ын давуу тал бол үүний үйлдлүүд гэдгийг сана.
- Туслах. Энэ үйлдэл нь таны зургаар эвлүүлэг, хөдөлгөөнт дүрс, кино хийдэг. Хэрэв танд таалагдвал зүгээр л хадгал.
- Гэрэл зураг. Энэ үйлдэл нь үндсэндээ таны гэрэл зургийн цомог юм. Таны бүх гэрэл зургийг жилээр нь ангилан энд хадгалдаг.
- Цомог. Та гэрэл зургийн цомгийг маш амархан үүсгэж, байршуулсан зургуудаа хянах боломжтой. Энэ үйлдэл нь мөн бусдад холбоос илгээх эсвэл өөрсдийн зургийг оруулахад урих замаар зургуудыг бусадтай хуваалцах ажлыг хялбар болгодог.
Засварлах
Google Photos нь мөн маш сайн засварлаж янзлах хэрэгсэлтэй. Засварлах үйл явц маш ойлгомжтой бөгөөд та өөрчлөлтөө амархан хадгалах боломжтой. Та өмнө нь Picasa-г ашиглаж байсан бол үүний ихэнх функц нь одоо Google Photos-д байгаа. Энэ аппликэйшн Google-ийн орлуулах хэрэгсэл юм.
Хайх
Google-ийн хайлтын системдээ ашигладаг технологийг одоо та зургаа шүүж үзэхдээ ашиглаж болно! Нүүрний дүрсийг таних үйлдлийн ачаар Google Photos танд зориулан гэрэл зургийн цомог үүсгэх боломжтой. Зүгээр л хайлтын талбар дээр товшоод, хүмүүс эсвэл газруудыг тэмдэглэхэд аппликэйшн танд зориулан зургуудыг цэгцэлнэ. Энэ нь ямар нэгэн тодорхой зүйлийн зургийг хайхад маш их цаг хэмнэдэг. Та мөн гэрэл зураг дээрх эд зүйлс, бичгийг хайж болно.
Хамгийн сайн төрлийн камер бол таны халаасанд байгаа камер юм! Тиймээс үүнийг татаж аваад, аппликэйшнаа нээн, ид шид тохиохыг нүдээр үз. Google Photos-ын талаар нэмэлт мэдээлэл авахыг хүсвэл энэхүү үнэгүй Legacy FamilyTree Webinar-ыг сонсоорой.
