Түүхийн туршид дэлхий даяарх өөр өөр соёлд даяанчлал хэмээх ариун аяныг өрнүүлсээр ирсэн. Даяанчлах нь ихэвчлэн урт үйл явц байх бөгөөд сүнсний эсвэл соёлын чухал ач холбогдолтой газарт хүрээд өндөрлөдөг.
Энэ бол зүгээр ч нэг махан биеийн аян биш. Амжилттай даяанчлах гэдэг нь тодорхой нэг газарт хүрэхээс илүү утга учиртай зүйл юм. Уг аян нь даяанчдад дотоод сэтгэлдээ анхаарал хандуулж, өөрсдийгөө илүү их таньж мэдэх боломжийг олгодог. Ийм учраас даяанчлах нь ихэвчлэн золиос, эргэцүүлэл зэрэг үнэт зүйл дээр төвлөрдөг.
Даяанчлах нь шашин шүтлэгтэй холбоотой юу?
Хүмүүсийн ерөнхий ойлголтоор даяанчлал нь шашны үндэстэй, шашны ач холбогдол өөд хөтөлдөг хэдий ч олон хүн өдөр тутмын амьдралын стрессээс ангижрахын тулд үүнд оролцдог. Зарим хүн даяанчлах нь өвөг дээдсийнхээ талаар илүү ихийг мэдэх боломж гэж үздэг. Зүгээр нэг шинэ туршлага, адал явдал эрэлхийлж даяанчлах нь улам бүр түгээмэл болж байна.
Би хаашаа даяанчлах боломжтой вэ?
Зарим аян нь зөвхөн тухайн шашны итгэгчдэд зөвшөөрөгддөг хэдий ч даяанчлах нь дэлхий даяар түгээмэл болсон тул олон газраас сонгох боломжтой.
Хүмүүс яагаад даяанчилдаг вэ?
Хүмүүс олон шалтгааны улмаас даяанчилдаг ба тэдгээрийн ихэнх нь өвөрмөц мөн хувийн шинж чанартай байдаг. Хамгийн түгээмэл шалтгаанууд:
- Гайхамшгийг эрэлхийлэх. Олон хүн даяанчлахыг өвчин зэрэг амьдралынхаа хүнд хэцүү сорилтыг даван туулах, аливаад хүрэхэд туслах итгэлийн үйлдэл гэж үздэг.
- Өршөөлийг олох хүсэл. Зарим хүн буруу зүйл хийсэндээ чин сэтгэлээсээ харамсаж байгаагаа нотлохын тулд даяанчлах нь бий. Өөрсдийнх нь золиос, итгэлийн үйлдэл тэдэнд Бурханы өмнө зогсоход сүнслэг байдлыг нь нэмэгдүүлж, дотроосоо амар амгаланг олоход тусална гэж найддаг.
- Удирдамж чиглүүлэг хайх. Даяанчлал нь эргэцүүлэн бодох асар их цаг хугацааг өгдөг. Олон хүн амьдралд тулгарах бэрхшээл эсвэл шийдвэрийнхээ талаар ойлголт, удирдамж авахын тулд даяанчилдаг.
- Адал явдал эрэлхийлэх. Сүүлийн үед даяанчлах түгээмэл шалтгаан нь орчноо солих явдал болсон. Энэ нь өдөр тутмын нэгэн хэвийн байдлаас зугтаж, оюун санаагаа цэвэрлэж, бие махбодоо дасгалжуулж, алсын хараагаа тэлэх боломжийг олгодог.
- Холбоо тогтоох. Даяанчлах бас нэг шалтгаан бол өвөг дээдсийнхээ өлгий нутагт зочлох явдал юм. Ийм аян нь хүмүүст дэлхийн тодорхой нэг бүс нутгийн соёл, уур амьсгалыг өвөрмөц талаас нь үзэж, мэдрэх боломжийг олгодог.
Даяанчлал бүр өөрийн гэсэн адал явдал, өнгө аястай байдаг. Шашны зорилгоор ч бай, үгүй ч бай, бие махбодын эсвэл бусад төрлийн аянд гарах нь даяанчлалыг ихэд ач холбогдолтой болгодог. Энэ нь найдвар, эдгэрэлтийг санал болгож, хүмүүс өөр хоорондоо ялгаатай хэдий ч бүгд аялагчид гэдгийг сануулдаг.
Та өөрийгөө нээн илрүүлэх, Бурхантай илүү сайн холбоо тогтоох, эсвэл өөрийн өвөг дээдэс, өв уламжлалаа мэдэх зорилгоор даяанчилж эсвэл аялж байсан уу?Уг туршлагаа мартахгүйн тулд FamilySearch’s Memories аппликэйшн дээр бичиж оруулаарай.
