Ахлагч Нийл Л.Андэрсэн “Бид энд ялангуяа шинэ гишүүдэд Сүмд баптисм хүртсэнийх нь дараа гайхалтай туршлага хуримтлуулахад нь хэрхэн тусалж болох талаар ярилцахаар цуглаад байна” гэв.
2024 оны 2-р сард Есүс Христийн Хожмын Үеийн Гэгээнтнүүдийн Сүм Ариун сүмийн болон Гэр бүлийн түүхийн удирдлагын зааварчилгааг сүмийн гишүүд, удирдагчдад зориулан гаргасан. Сүмийн зургаан ахмад удирдагч шинэ болон залуу гишүүд мөн буцаж ирсэн гишүүдийн аль аль нь ариун сүмд орсноор хүртэж болох адислалуудын тухай ярилцахаар цугласан юм. Тэд мөн гэр бүлийн нэрийн картуудыг ариун сүмд зориулж хурдан бөгөөд хялбар бэлтгэхийн тулд төлөөлөн гүйцэтгэх баптисм гүйцэтгэх гэж буй гишүүдэд туслах боломжийг удирдагчдад болон бусад хүнд олгосон шинэ хэрэгслийг танилцуулсан.
Удирдлагын зааварчилгааны бүтэн видео болон дагалдах ярилцлагын удирдамжийг зарим хэлээр Сүмийн сайтад байршуулсан болно. 2024 оны Удирдлагын зааварчилгааны тухай дэлгэрэнгүй мэдээллийг (видео хураангуйг оролцуулан) доороос уншиж болно.
Удирдлагын зааварчилгааны тухай нийтлэг асуултууд
Нийтлэг асуултуудын хариултыг харахын тулд энэ хэсгийн текст дээр дарж эсвэл товшино уу.
Энэхүү ярилцлагад тус болох ярилцлагын удирдамж 23 хэл дээр бэлэн болсон.
Дараах дуудлагатай хүмүүсийг энэхүү зааварчилгааг хамтдаа үзэж, хэлэлцэж, үйлдэхэд онцгойлон урьж байна. Үүнд:
- Бүсийн ариун сүм, гэр бүлийн түүхийн зөвлөхүүд
- Гадас, номлол, дүүргийн ерөнхийлөгчийн зөвлөлүүд
- Гадас, тойргийн зөвлөлийн болон ерөнхийлөгчийн зөвлөлийн гишүүд
- Тойргийн номлолын удирдагчид ба номлогчид
- Тойргийн ариун сүм, гэр бүлийн түүхийн удирдагч
- Гадас, тойргийн ариун сүм, гэр бүлийн түүхийн зөвлөхүүд
- Залуу эмэгтэйчүүдийн ангийн ерөнхийлөгчийн зөвлөлүүд
- Аароны санваарын чуулгын ерөнхийлөгчийн зөвлөлүүд
2024 оны Удирдлагын зааварчилгааны товч тойм
Энэ нь юун тухай хэлэлцсэн талаар санаа өгөх үүднээс Удирдлагын зааварчилгааны зарим захиасыг доор тайлбарлав. Үүнд зааварчилгаан дээрх бүх захиас ороогүй тул видеог үзэхэд уншигчдыг урамшуулж байна.
Ариун сүмд очих нь гишүүдэд адислагдахад тусалдаг ч тэдэнд бидний тусламж хэрэгтэй.
Ахлагч Андэрсэн удирдлагын зааварчилгаан дээр “Ариун сүм бүх хожмын үеийн гэгээнтний амьдралд илүү чухал байр суурь эзэлнэ гэдэгт бид итгэлтэй байна” гэж хэлсэн ч ярилцлагаа шинэ гишүүдэд төвлөрүүлсэн юм. “Бид тэдэнд сүмд элссэний дараах эхний хэдэн долоо хоногт хэрхэн тусалж болох вэ?” гэж тэр асуусан.
Та сүмийн шинэ гишүүн болбол Сүмд ганцаараа ирж, “шинэ амьдрал эхлүүлж байгаа мэт” санагдаж болно гэж Портэр эгч хэлсэн. Гишүүн болоод удаагүй ч ариун сүмд орж, Их Эзэний өргөөнд ийм чухал ёслолд оролцох нь “та сайн мэдээнд шинэ ч гэлээ Сүмийн агуу ажлын нэг хэсгийг мэдрэхэд тань туслах болно” гэж тэр хэлсэн.
Ахлагч Данкан, Их Эзэн Өөрийнх нь өргөөнд ороход эдгээр шинэ гишүүнд туслахыг удирдагчдад даалгасан хэмээн хэлсэн. Еий эгч тохинуулж байсан шинэ гишүүнийхээ туршлагыг хуваалцсан ба түүнийг ариун сүмд бэлтгэж, тэнд очиход нь туслахын тулд тойргоороо цуглаж байгааг тэр харжээ. Энэ нь бүх хүнийг адисалсан аж.
Шинэ гишүүд гэр бүлийнхээ анхны нэрийг ариун сүмд авч очих нь бидний төсөөлж байгаагаас хялбар байж болно.
Шинэ гишүүдэд анх удаа нэрээ ариун сүмд авч очих нь угийн бичиг судлах асуудал үргэлж үүсгэлгүйгээр энгийн, гайхалтай туршлага болж болох талаар хэлэлцүүлэгт оролцсон хүмүүс ярилцсан. “Ихэнх шинэ хөрвөгч нь ариун сүмд гэр бүлийнхээ гишүүний төлөө … ихэвчлэн эмээ өвөөгийнхөө төлөө баптисм хүртэхийг хүсдэг” гэж ахлагч Хамилтон хэлэв. “Тэд уг ёслолыг хэний төлөө гүйцэтгэхийг хүсэж байгаагаа аль хэдийн мэдэж байгаа гэсэн үг.”
Эдгээр удирдагч цааш нь бишоп тэдний зөвшөөрлийн бичигт гарын үсэг зурмагц хийгдэж болох тэрхүү нэрийг бэлтгэхэд нь туслах хэн нэгнийг хажууд нь байлгахын ач холбогдлын талаар ярилцсан. “Бид үүнийг хийх үйл явцыг хялбаршуулсан” гэж ахлагч Гонг нэмж хэлэв.
Ярилцлагад оролцсон гишүүдийн тайлбарласнаар одоо бишопуудад эсвэл бишопоос тусламж хүссэн хүмүүсийн ашиглаж болох эх сурвалжууд бэлэн болсон. Энгийн сануулгатай энэ хэрэгсэл нь FamilySearch аккаунт үүсгэх, гэр бүлийн нэр бэлтгэх, ёслол захиалах зэрэгт шинэ гишүүнд туслах боломжийг хэн нэгэнд олгодог. (Хэрэгслийн талаарх дэлгэрэнгүйг эндээс уншина уу.) Энэ хялбар хэрэгслээс гадна энэ бэлтгэлийг илүү хувийн чанартай туршлага болгосноор энэ бол техникийн үйл явц биш юм гэсэн сэтгэгдэл төрүүлдэг.
Ахлагч Андэрсэн хэдийгээр ариун сүмээс хол амьдардаг байсан ч 12 нас хүрсэн долоо хоногтоо ариун сүм рүү явахад нь хүүхдүүддээ тусалж, үүнийг онцгой туршлага болгохын тулд эхнэртэйгээ хэрхэн шаргуу хичээдэг байсан тухайгаа ярьсан юм. Эцэг эх, удирдагчид шинэ гишүүдэд ариун сүмд аль болох хурдан ороход нь гайхалтай арга замаар тусалж чадна. Энэ нь 11 настнууд болон шинэ гишүүдийн хувьд хэзээ ч мартагдашгүй үйл явдал юм.
“Энэ нь шинэ гишүүний хувьд үргэлж сүрдмээр үйл явдал байх болно” гэж ахлагч Данкан анхааруулаад, үүнийг ийм хэцүү байлгахгүй байхад туслах арга замуудыг санал болгосон. Ахлагч Гонг дараа нь “Түлхүүр нь Их Эзэнтэй хамт байх мөн … Түүнтэй гэрээ байгуулах боломж юм” хэмээн дурдаад, “удирдагч, найз нөхөд, гишүүдийн хувьд бид анх удаа ариун сүмд орж байгаа хүмүүст зориулж энэ үйл явцыг аль болох хялбарчилж байгаа хэмээн үргэлжлүүлэн ярив.
Сайн мэдээнд урагшлах ба дараагийн ариун сүмийн айлчлалаа тэсэн ядан хүлээх нь
Ахлагч Андэрсэн удирдлагын зааварчилгааны төгсгөлд гишүүд нэг урагшилж, нэг ухарснаар сайн мэдээнд ганхаж байдаг гэв. Шинэ сүнслэг туршлага эсвэл харилцаа холбоо нь тэдний хувийн хөрвөлтөд цоо шинэ ойлголтыг бий болгож чадна. Ахлагч Гонг хүмүүсийн анх баптисм хүртэхдээ мэдэрдэг баяр баясгалангийн тухай ярихдаа “Та нар төлөөлөн гүйцэтгэх баптисм гүйцэтгэхээр ариун сүмд орох болгондоо энэ туршлагыг дахин дахин мэдэрч болно” гэсэн.
Ариун сүмээс хол амьдардаг ч гэсэн хүмүүс нэр олж, ариун сүмд авч очих зорилго тавьж чадна. Ахлагч Хамилтон ариун сүмээс хол амьдардаг нэгэн гишүүнд боломжтой болсон үедээ ариун сүм явах сануулга болгож гэр бүлийн нэрийн картаа бэлдэн ил харагдах газар байрлуулахыг санал болгосон. Удаан хугацаагаар ариун сүм явж чадахгүй хүмүүс гэр бүлийнхээ нэрийг ойр амьдардаг хүмүүстэй хуваалцаж, Аврагчтай илүү ойртохын тулд ариун сүмийн талаар болон баптисмаар хийсэн гэрээнүүдийнхээ талаар судалж болно гэж Портэр эгч, Еий эгч нар нэмж хэлэв.
Дүгнэлт
“Бид урьд өмнө байгаагүй цаг үед амьдарч байна. Тэнгэрлэг Эцэг Өөрийн хүүхдүүдийг, ялангуяа сайн мэдээнд шинэ, эмзэг гишүүдийг, 11 настай өсвөр үеийнхнийг … бүр ариун сүмд эргэн ирж буй хүмүүсийг ариун сүмд олж харахдаа туйлын их баярлах болно” гэж Хамилтон хэлсэн.
Еий эгч төгсгөлд нь гэрчлэлээ хуваалцахдаа “[Бурхан] Өөрийн хүүхдүүдэд санал болгож буй гэрээний адислалуудаар дамжуулан тэдэнд ямар их хайртайг нь мэдээсэй хэмээн үнэхээр хүсдэг… Бидэнд тэднийг Түүнд авчрах үйл явцын … нэг хэсэг байх боломж бий.” гэжээ.
Портэр эгч сүмд нэгдсэнийхээ дараа аавынхаа эмээгийн өмнөөс баптисм хүртсэн туршлагаасаа хуваалцсан юм. Тэр “[Ариун сүм] бол Их Эзэний өргөө юм. “Тэр тэнд байдаг. Энэ бол Түүний өргөө.… Энэ бол бидний Аврагч Есүс Христийн Цагаатгалаар дамжуулан Тэнгэрлэг Эцэг, Түүний Хүү болон гэр бүлтэйгээ мөнхөд холбогдож, тэдний нэгэн хэсэг болох газар юм” хэмээн хэлсэн.
Ахлагч Андэрсэн удирдлагын зааварчилгааг төлөөлөгчдийн адислалаар өндөрлөсөн юм. Уг адислалд тэрээр “баптисмын усанд орсон Тэнгэрлэг Эцэгийн шинэ хүүхэд буюу шинэ хөрвөгчид туслахыг хичээж мөн Их Эзэний өргөөнд орох замаа олоход нь туслах гэсэн багахан хичээл зүтгэл бүхэн уг хүнийг адислаад зогсохгүй, та нарыг ч мөн адислах болно гэдгийг би амлаж байна. Энэ нь тойргийн тань гишүүдийг адисална. Есүс Христэд итгэх итгэл тань өсөн нэмэгдэнэ.”
Удирдлагын зааварчилгаа нь бүрэн эхээрээ 28 минут орчим үргэлжилнэ. Ахлагч Хамилтон хуралдааны дараахан өгсөн ярилцлагадаа уг нэвтрүүлэг гүн гүнзгий сүнслэг өдөөлт, нухацтай, сүнслэг зөвлөгөөнөөс бүрдсэн бөгөөд Сүнсээр удирдагдсан гэжээ. Зөвлөгөөний удирдамжийг дагах нь тэнд байсан хэн бүхний хувьд гайхалтай туршлага болох болно гэж тэрээр онцолсон юм.
FamilySearch дээр бид таныг гэр бүлтэй чинь холбож, хөгжилтэй танин мэдэхүй болон гэр бүлийн түүхийн үйлчилгээг санал болгодог. Яагаад? Учир нь бид гэр бүлүүдийг нандигнаж, үе удмуудыг хооронд нь холбох нь бидний амьдралыг одоо болон үүрд сайжруулдаг гэдэгт итгэдэг. Бид Есүс Христийн Хожмын Үеийн Гэгээнтнүүдийн Сүмээс санхүүждэг ашгийн бус байгууллага юм. Бидний итгэдэг зүйлсийн талаар дэлгэрэнгүй мэдэхийг хүсвэл энд дарна уу.
