Ариун долоо хоногийн туршид Есүс Христ цэвэр хайр, золиосын тухай мөнхийн сургаалыг заасан. Бид бусад ямар ч хайрыг даван гарах Түүний илүү агуу хайрын тухай тунгаан бодох үедээ үүнийг бусадтай хуваалцах арга замыг олж чадна!
Энэхүү илүү агуу хайрыг хуваалцах нэг хүчирхэг арга зам бол гэр бүлүүдийг ариун сүмд үүрд мөнхөд нэгтгэх Түүний ажилд оролцох явдал юм. Энэ ажил биднийг ёслолуудыг нь гүйцэтгэх үед нас барагсдыг адисалдаг бөгөөд Аврагчийн өргөөнд Түүнд илүү ойртох үед биднийг хүчирхэгжүүлдэг.
Ариун сүмд шүтэн биширч, Есүс Христийн золиосыг эрхэмлэн хүндэтгэ
Есүс Христийн агуу золиос бидэнд хайртай хүмүүстэйгээ үүрд мөнхөд хамт амьдрах боломжийг олгодог. Бид гэр бүлийн түүхийн болон ариун сүмийн ажилд цаг зав, авьяас чадвараа зориулснаар бидний төлөө хийсэн Түүний золиосны өчүүхэн хэсгийг илэрхийлэн харуулдаг. Ариун сүмд байж эсвэл гэр бүлийнхнийхээ нэрийг хайж, олон цагийг өнгөрүүлэх нь зарим үед уйтгартай санагдаж болно. Гэхдээ ерөнхийлөгч Рассэлл М.Нэлсон нэгэнтээ “Ариун сүмд өнгөрүүлсэн хором бүр таныг болон танай гэр бүлийг өөр юу ч адисалж чадахгүй тийм арга замаар адислах болно" гэж хэлсэн.
Гэр бүлийн түүхийн ажилд оролцож, Их Эзэний өргөөнд шүтэн бишрэх нь Христтэй харилцах хувийн харилцааг маань хүчирхэгжүүлдэг. Түүнчлэн энэ ажил өвөг дээдэстэйгээ харилцах хувийн харилцааг маань бэхжүүлдэг.
“Зүрх сэтгэлээ өвөг дээдэс рүүгээ эргүүлэхэд бидний дотор ямар нэг өөрчлөлт гардаг. Өөрсдийгөө ямар нэгэн агуу зүйлийн хэсэг нь юм гэдгээ бид мэдэрдэг” гэж ерөнхийлөгч Нэлсон мөн хэлсэн. “Бидний ураг төрөлтэйгөө холбоотой байх төрөлхийн хүсэл маань ариун сүмийн нандин ёслолуудаар дамжуулан өвөг дээдэстэйгээ холбогдох үед биелдэг.” Бид ариун сүмийн гэрээнүүдээ хүндэтгэж, үнэнчээр сахиснаар нас барсан хүмүүст туслах боломжтой байдаг. Бид ёслол бүрээр дамжуулан тэднийг Христтэй болон хайртай хүмүүстэйгээ хамт амьдрах мөнхийн амьдралд ойртуулдаг.
Энэ жилийн Христийн амилсны баяраар гэр бүлийнхээ гишүүний нэрийг олж, уг нэрийг ариун сүмд аваачихын тулд цаг гаргаснаар Есүс Христийн гаргасан золиосыг санаарай. Та өвөг дээдсээ гэх илүү их хайраа харуулснаар таныг гэсэн Түүний агуу их хайрыг мэдэрч эхлэх болно.
Басилио, Анжэлика хоёр хэрхэн илүү агуу хайрыг илэрхийлсэн тухай
Басилио саяхан эхнэр Анжэликадаа Ойрх Дорнодоос Колумб руу цагаачилсан өвөг дээдсийнх нь цэдгийг олоход туслах зорилго тавьсан байв. Тэд зарим нэгэн сорилттой тулгарсан хэдий ч гайхалтай зүйлийг мэдэж авчээ! Жишээ нь: тэд Анжэликагийн овгийн испани, франц, араб хэл дээрх өөр өөр хувилбарыг олсон нь модонд шинэ нэр нэмж оруулахад нь тусалсан аж. Ийм ахиц гарсан нь тэдэнд илүү олон гэр бүлийн гишүүд нь олдохыг хүлээж байна гэсэн найдварыг төрүүлсэн.
Басилио, Анжэлика хоёр өвөг дээдсийнхээ түүхийг судалж байхдаа энэ аялал нь модонд нэр нэмэхээс илүү чухал болохыг ойлгожээ. Тэд илүү агуу хайраа харуулах гэдэг нь юу болохыг мэдэж авав. Өвөг дээдсийнхээ төлөө цаг зав, хүч чармайлтаа золиосолсон нь Аврагчийн бид бүгдийн төлөө хийсэн агуу золиосны өчүүхэн жижиг тусгал юм.
Энэ бүгдийг хийх явцад тэдний гэр бүлийнхэн хоорондоо улам ойртсон байна. Басилио, Анжэлика хоёр хүүхдүүддээ FamilySearch-ийн бүртгэл нээхэд тусалсан бөгөөд хүүхдүүд нь Анжэликагийн ургийн модны дутуу холбоосуудыг олох ажилд идэвхтэй оролцож байв. Ууган хүү Симон нь ариун сүмийн баптисм, гишүүний баталгаанд аль хэдийн оролцож, дүү нар нь түүний үлгэр жишээг даган, өөрсдийн өвөг дээдэстэй холбогдох хүсэлтэй байна.
Басилио, Анжэлика хоёр ариун сүмийн гэрээнүүдийн талаарх гэрчлэл нь хүчирхэгжсэнийг бас анзаарчээ. Тэдний ийм гэрчлэл өвөг дээдсийнхээ төлөө ёслолуудыг гүйцэтгэхийн ач холбогдлыг гүн гүнзгий ойлгуулжээ. Энэ Христийн амилсны баяраар тэд урьд өмнөхөөсөө илүүтэй гэрээнүүдээ хүндэтгэн, бусдад Христийн хайрыг мэдрэхэд нь тусалж, Түүнд илүү ойртох шийдвэр төгс байна.
Та хэрхэн илүү агуу хайрыг үзүүлж болох вэ?
Өвөг дээдсийнхээ төлөө гэр бүлийн түүхээ судалж, Их Эзэний өргөөнд үйлчлэх нь ариун нандин ажил юм. Бид өвөг дээдэстээ тусалснаар Есүс Христийн талаарх гэрчлэлээ хүчирхэгжүүлдэг.
Басилио, Анжэлика, тэдний хүүхдүүдийн гаргасан шиг өдөр тутмын эдгээр жижиг золиос гэр бүлүүдийг ойртуулж, сүнслэг холбоог гүнзгийрүүлж, өвөг дээдсээ Түүнд авчрах үедээ Түүний хайрыг мэдрэхэд бид бүгдийг урьдаг.
Энэ жилийн Христийн амилсны баяраар өвөг дээдэстээ илүү агуу хайраа харуулж болох зарим санааг доор өгөв. Үүнд:
- Утсан дээрээ Family Tree аппликэйшныг нээ эсвэл FamilySearch.org руу ор.
- Дараагийн удаа Их Эзэний өргөөнд хийх ёслолыг сонго.
- Гэр бүлийнхээ нэрийн картыг хэвлэж ав эсвэл ариун сүмд очоод, хэвлэж авахын тулд гар утсандаа кодыг нь хадгал.
FamilySearch дээр бид таныг гэр бүлтэй чинь холбож, хөгжилтэй танин мэдэхүй болон гэр бүлийн түүхийн үйлчилгээг санал болгодог. Яагаад? Учир нь бид гэр бүлүүдийг нандигнаж, үе удмуудыг хооронд нь холбох нь бидний амьдралыг одоо болон үүрд сайжруулдаг гэдэгт итгэдэг. Бид Есүс Христийн Хожмын Үеийн Гэгээнтнүүдийн Сүмээс санхүүждэг ашгийн бус байгууллага юм. Бидний итгэдэг зүйлсийн талаар дэлгэрэнгүй мэдэхийг хүсвэл энд дарна уу.
