FamilySearch гэр бүлийн мод дээр хэрэглэгчид нэрийг ямар хэлээр оруулж байгааг зааж өгөх боломжтой (Жишээлбэл: Испани, хятад гэх мэт). 2023 оноос эхлэн бичгийн систем дэх нэр болон нэрийн хэлний загвар дахь нэр хоорондоо тохирохгүй байгаа тохиолдолд гэр бүлийн мод нь шинэ өгөгдлийн асуудал гэсэн мэдэгдлийг харуулах болно.
Энэхүү мэдэгдэл нь ялангуяа Хятад, Япон, Солонгос, Орос, Тайланд гэсэн бичгийн системээр өвөг дээдсийнхээ нэрийг оруулж буй хэрэглэгчдэд хэрэгтэй. Гэр бүлийн мод нь ашигласан бичгийн системийг таних бөгөөд хэлний загвартай таарахгүй тохиолдолд харуулах болно. Өвөг дээдсийн нэрийг зөв хэлний загвараар оруулах нь тухайн нэрийн хэлэнд тохирсон сонголтыг хэрэглэгчдэд харуулж мөн нэрийг гэр бүлийн модон дээр зөвөөр харуулж, хайлт хийх боломжийг олгодог.
Өгөгдлийн асуудлын мэдэгдлийн харагдах байдал нь ямар вэ?
Энэ өгөгдлийн асуудал нь улаан анхаарлын тэмдэгтэй гарч ирэх бөгөөд “Нэрийн хэлний асуудал” гэсэн гарчигтай байна.
Таныг гэр бүлийн модонд шинэ хувь хүн үүсгэх үед тухайн бичсэн хэл тохирохгүй байгааг таньсан тохиолдолд өгөгдлийн асуудлын мэдэгдэл шууд гарч ирнэ.
Та гэр бүлийн модон дахь хувь хүний хуудсанд байх үедээ иймэрхүү өгөгдлийн алдаа байгаа эсэхийг Дэлгэрэнгүй таб руу орж, баруун талын тусламж хайх хэсэг рүү очсоноор харах боломжтой.
Хэрэв таны шүүлтүүр дээр өгөгдлийн асуудлыг харуулахаар тохируулсан бол та үүнийг модны харагдцаас бас харж болно:
Өгөгдлийн асуудал юунаас болсон бэ?
“Нэрийн хэлний асуудал” гэсэн өгөгдлийн асуудал нь дараах 3 шалтгаанаас болж үүссэн байх магадлалтай:
Хэлний тохиргоо нь нэрийг бичихэд ашигласан бичвэртэй тохирохгүй байна.
Бичвэрийг буруу талбарт оруулсан байна.
Талбар нь олон төрлийн бичвэрийг агуулдаг.
Энэ өгөгдлийн асуудлыг яагаад засварлах ёстой вэ?
“Нэрийн хэлний асуудал” гэсэн өгөгдлийн асуудлыг засварласнаар гэр бүлийн модыг ашиглах үйл явц дараах байдлаар сайжирдаг:
- Энэ нь танд удмын бичгийн харагдац дээр өвөг дээдсийн нэрс хэрхэн харагдахыг илүү ихээр хянах боломжийг олгодог. Тохиргоо дотроосоо та аль бичвэрийг харуулахаа сонгох боломжтой.
- Энэ нь гэр бүлийн модны хайлтын үр дүнг сайжруулдаг.
- Энэ нь боломжит давхардлыг илүү нарийвчлалтайгаар тодорхойлоход тусалдаг.
- Ирээдүйд илүү олон бүртгэлийг дижитал болгож, индексжүүлснээр гэр бүлийн модноос илүү сайн бүртгэлийн зөвлөмжийг хайж олох боломжтой болно.
Өгөгдлийн асуудлыг хэрхэн засварлах вэ?
“Нэрийн хэлний асуудал” гэсэн өгөгдлийн асуудлыг засварлахын тулд дараахыг хийнэ. Та хэлний загварт тохирох бичвэрийг ашиглахын тулд зүгээр л нэрийг өөрчлөх хэрэгтэй эсвэл хэлний загварын тохиргоог өөрийн нэртэй тохируулан өөрчлөөрэй.
Түгээмэл асуудаг асуултууд
Хэрэв хэн нэгэн хэлний загварыг өөрчилбөл энэ нь өөрчлөлтийн түүхэнд тэмдэглэгдэж, тухайн өвөг дээдсийг хянаж байгаа хэрэглэгчид мэдэгдэл хүлээн авах болно.
