Хайртай хүнийхээ тухай дурсамжийг FamilySearch-д нэмэх

Нас барсан хайртай хүмүүсийнхээ тухай дурсамжийг хуваалцах нь сэтгэлийн шархаа эдгээхэд туслах оновчтой арга зам байж болох юм. FamilySearch дээрх гэр бүлийн модоо гаргаад, хайртай хүнийхээ нэр, дурсамжийн таб дээр даран, хамгийн нандин дурсамжуудаа харах сайхан. Түүнчлэн тэдгээр дурсамжийг өөрөө нэмэх, мөн хэрхэн мод руу нэмж, хайраа хуваалцсанаа харах сайхан.

Хайртай хүмүүсийнхээ тухай дурсамжийг FamilySearch дээр хуваалцах олон арга зам бий. Та дурсамжаа ярьж эсвэл бичсэнээр FamilySearch-д байршуулах, гашуудлын мэдээг оруулах юм уу гэрэл зургууд нэмж болно. Тэр ч бүү хэл оршуулгын хөтөлбөрийг мөн хайртай хүнийхээ авсан шагнал урамшуулал, гэрчилгээ, бүр онцгой жор зэрэг дурсгалт зүйлсийг нь нэмж болно.

Та тэдгээрийн аль нэгийг нэмэхдээ хэн ч харж болохуйц олон нийтэд нээлттэй, аль эсвэл бүр нууц байлгахаар сонгож болно.

Тэдгээр бүх өөр сонголтыг хэрхэн сонгохыг харуулсан богино зааврыг бид доор хуваалцав.

Эхэл

FamilySearch-ийн Дурсамжид олон төрлийн файл байршуулж болдог. Тэдгээрт зураг, аудио, баримт бичиг орно. Та тэдгээрийг FamilySearch вэбсайт дээрх Дурсамж галерейгаар дамжуулан, шууд гэр бүлийн модноосоо эсвэл Memories гар утасны аппликэйшныг ашиглан байршуулж болно. Энэ гурвыг гурвууланг нь ашиглах зааврыг доор өгөв.

Анхаар: Аливаа зүйлийг байршуулахын өмнө хүлээн зөвшөөрсөн мэдүүлэг унших нь чухал. Энэ нь байршуулсан зүйлийг тань болон өөр бусад чухал мэдээллийг хэрхэн харуулж болох талаар хэлж өгнө.

Дурсамжийг FamilySearch дээрх Галерейг ашиглан байршуулахдаа:

1. FamilySearch.org-ийн дээд хэсэг рүү орж, Дурсамж дээр дар. Дараа нь доош буудаг цэсийн Галерей дээр дар.
2. Нэвтэрч ор, эсвэл FamilySearch бүртгэл үүсгэ (энэ нь үнэ төлбөргүй!). 
3. Та өөрийн Дурсамж галерей руу орсон бол нэмэх тэмдэг (+)-тэй ногоон дугуй дүрс дээр дар.
4. Компьютероосоо мэдээллийг дэлгэц рүү зөөж авчир эсвэл компьютер дээрх файлаа сонгох бол Файл сонгох дээр дар.

Хайртай хүмүүсийнхээ хуудсан дээрх дурсамжийг Гэр бүлийн модон дээр байршуулахдаа:

1. FamilySearch.org дээрх Гэр бүлийн мод руу очиж, модон дээрх гэр бүлийн гишүүдээ олж хар. (Та тэднийг Гэр бүлийн мод руу нэмээгүй бол, нэмж оруулахад амархан! Зааврын эндээс олж авна уу.)
2. Хайртай хүнийхээ нэрэн дээр дараад, дараа нь хуудсыг бүтнээр нь гаргах бол гарч ирэх цонхон дээрх нэрэн дээр дахин дарна.
   

   

3. Дурсамжаа нэмэхийн тулд Дурсамж таб дээр дар.
   

   

4. Зураг байршуулах, Бичиг баримт байршуулах хоёрын аль нэг дээр дараад, компьютероосоо файлаа сонго. 
5. Аль хэдийн байршуулсан зүйлээ хайртай хүнийхээ хуудсан дээр нэмэх бол Галерейгаас сонгох дээр дар. 

Олон зургийг нэгэн зэрэг байршуулах бол, зааварчилгааг эндээс авна уу.

Гар утасны аппликэйшныг ашиглан дурсамж байршуулахдаа:

Та Memories болон Family Tree гар утасны аппликэйшны аль алинаас нь дурсамжийг оруулж болно. Дараах алхмуудын дагуу Memories гар утасны аппликэйшнаас дурсамжийг оруулна. Үүнд:

1. Нэмэх тэмдэг (+)-тэй дугуй дүрс дээр товш. 
2. Баримт нэмэх эсвэл Зураг нэмэх дээр товш. 
3. Дараах 2 сонголтоос нэгийг нь сонго. Үүнд:
   
   1. Хэрэгслээсээ нэг файл сонгоод, Байршуулах дээр товш. 
   2. Зургийн аппарат функцийг ашиглан агуулгынхаа зургийг ав. Зургаа засварлаад, Хадгалах дээр товш. 

Дараах алхмуудын дагуу Family Tree гар утасны аппликэйшнаас дурсамжийг оруулна.

1. Хувь хүн дээр товшиж, тухайн хувь хүний дэлгэрэнгүй мэдээлэлтэй хуудсыг нээнэ.
2. Дурсамж дээр товш.
   
   1. Нэмэх тэмдэг (+) дээр товш.
   2. Баримт нэмэх эсвэл Зураг нэмэх дээр товш.
   3. Дараах 2 өөр сонголтоос нэгийг нь сонго. Үүнд:
      
      1. Хэрэгслээсээ нэг файл сонгоод, Байршуулах дээр товш.
      2. Зургийн аппарат функцийг ашиглан агуулгынхаа зургийг ав. Зургаа засварлаад, Хадгалах дээр товш.

Memories аппликэйшн нь яг тухайн цагт, хаана ч байсан бичиж тэмдэглэн, байршуулахад тусалдаг.

Хайртай хүмүүсийнхээ тухай дурсамжаа гар утасны аппликэйшн дээр байршуулахад байршуулсан зүйл тань вэбсайт дээрх дурсамж дээр тань гарч ирнэ. Энэ аппликэйшны хамгийн сайн үйлдэл бол түүхийг тухайн цаг мөчид ярьж байршуулах боломж юм. Та аппликэйшныг нээгээд, нэвтэрч орон, баруун гар талд байх нэмэх тэмдэг дээр дарахад л хангалттай. Аудио шигтгээ зургийг сонгоход дэлгэцэн дээр сэдэв сонгохыг хүссэн цонх гарч ирнэ. Мөн та Бичлэг хийж эхлэх дээр дарж хүссэн сэдвээрээ бичлэгээ чөлөөтэй хийж болно.

Энэ бол хайртай хүмүүсийнхээ талаар ярихыг сонгох хэсэг юм. Та тэдний талаарх богино түүх, бичиж үлдээсэн ямар нэгэн зүйл эсвэл хүссэн аль нэгэн дурсамжаа хуваалцаж болно. Танд уг дурсамжийнхаа бичлэгийг хийх 5 минут байх бөгөөд дараа нь хүссэнээрээ гарчиглан хадгалах боломжтой. Үүнийг хийж дууссан бол бичлэг хийх дээр дарж, тэднийг тэмдэглэх замаар тэдний дурсамжийн табад хавсаргаж болно.

Та мөн хайртай хүнийхээ гэрэл зурган дээр дарж, аудио зохиомж нэмж болно.

Memories аппликэйшн дээр Facebook, Instagram-аас эсвэл өөрийн гэрэл зургийн галерейгаас зургууд байршуулж болно. Энэ нь сэтгэлээр унасан үедээ зургуудаа гүйлгэн үзэх хэдэн хором гаргаснаар уй гашуугаа даван гарахад туслах гайхалтай сайхан арга зам юм. Тэдгээрийг Memories аппликэйшн дээр нэмэх нь өөр хүмүүст зургийг харах, бүгдийг нь нэг газар байршуулан өөрөө үзэж, сэтгэлээ сэргээх боломж олгоно.

Memories аппликэйшны талаар илүү ихийг олж мэд.

Дурсамждаа хавчуурга хийх, зарим дурсамжаа нууц байлгах, мэдээлэл нэмж оруулах

Та мөн Memories аппликэйшн болон Дурсамж табаар дамжуулан хайртай хүмүүсийнхээ талаарх дуртай дурсамждаа хавчуурга хийн тэдний хуудас руу амархан бөгөөд хурдан орох боломжтой. Эндээс хэрхэн үүнийг хийхийг сурч мэд.

Танд хуваалцахад бэлэн болтлоо хэсэг хугацаанд нууц байлгах хүсэлтэй зарим дурсамж байж болох юм. Суурин компьютер дээрээ үүнийг хийх амархан.  Зурган дээр очоод, хулганынхаа баруун товчлуур дээр дарахад сонголтын жагсаалттай цэс гарч ирэх ба цэсийн Нууц байлгах гэсэн дээр дарна уу. Эндээс хэрхэн дурсамжийг нууц байлгах талаар сурч мэд.

Дурсамжийг олон нийтэд нээлттэй аль эсвэл нууц байлгахаас үл хамааран үүнийг хөтлөх хамгийн сайн арга замын нэг бол хайртай хүмүүсээ гэрэл зурган дээр тэмдэглэх явдал юм. Ингэснээр гэрэл зургийг Гэр бүлийн модон дээрх тэдний Дурсамжийн хуудсан дээр хадгалах боломжтой. Дурсамж олон нийтэд нээлттэй байх нь бусдад мөн уг дурсамжийг харах боломжийг олгоно. Зурган дээрх таних хүнээ тэмдэглэх нь тухайн хүн хэн байсныг мартахгүй байхад туслахаас гадна Гэр бүлийн модыг харж байгаа хүмүүсийн хувьд уг дурсамжийг илүү утга учиртай болгоход тусална.

Дурсамж дээр зураг бүрд тайлбар нэмэх өөр нэгэн сонголт бий. Та зурган дээр юу болж байгааг дүрсэлсэн дэлгэрэнгүй тайлбар, тухайн зурагтай холбоотой хөгжилтэй түүх хуваалцах эсвэл уг зураг таны хувьд ямар утга учиртай болохыг бичиж болно.

Хайртай хүмүүсийнхээ дурсамжаар Слайд үзүүлбэр хийх

Ихэнх хүнд хайртай хүмүүсийнхээ дурсамжийг ашиглан слайд үзүүлбэр хийх сонголт таалагддаг. Энэ гайхалтай үйлдэл Дурсамж таб эсвэл Memories аппликэйшн дээр байгаа. Хайртай хүнийхээ Дурсамж таб дээрээс слайд үзүүлбэр хийхэд ашиглахыг хүсэж байгаа зургийн цомог, танд зориулан гарч ирж байгаа өөр зураг, дурсамжийг сонгон, слайдаа өөрийн хүссэн дэс дараалалд оруулна. Та мөн тэр слайд үзүүлбэрээ хуваалцах боломжтой! Энд дарж илүү ихийг мэдэж ав.

Таны харж байгаагаар олон арга замаар хайртай хүнийхээ талаарх дурсамжаа нэмэх, түүний амьдралыг хуваалцах боломжтой. Memories аппликэйшн эсвэл манай вэбсайтын Дурсамж таб дээрх дурсамжаа цаг гарган харах нь хайртай хүнээ хайрлан дурсах, тэдэнтэй өнгөрүүлсэн онцгой цаг мөчөө эргэн санахад танд тусална.