Нас барсан хамаатныхаа төлөө ариун сүмийн баптисм гүйцэтгэх нь гайхалтай туршлага байж болно. Гишүүд төлөөлөн гүйцэтгэх баптисмыг гүйцэтгэхээр анх удаа ариун сүмийн зөвшөөрлийн бичиг авах эсвэл хэсэг хугацааны дараа ариун сүмд дахин орох, магадгүй анх удаа гэр бүлийн нэрээ ариун сүм рүү авч очих гэж буй үед тэдэнд туслах сайхан боломж удирдагчдад бий болдог. Гэр бүлийн нэрийн туслах нь Удирдагч, бичиг хэргийн ажилтны мэдээллийн санд буй энгийн, шинэ хэрэгсэл бөгөөд энэ нь удирдагчид болон гишүүдэд гэр бүлийн нэрийн картуудаа бэлтгэх, хэвлэхэд нь гишүүдэд хэрхэн туслах зааврыг удирдагчдад дэс дараатайгаар зааж өгдөг. Уг хэрэгслийг ашиглахад хялбар бөгөөд үйл явц нь хэдхэн минут үргэлжилдэг.
Гэр бүлийн нэрийн туслах нь бишопын зөвлөлийн гишүүд болон салбарын ерөнхийлөгчдөд ариун сүмийн зөвшөөрлийн бичиг олгох уулзалтын үеэр гишүүдэд гэр бүлийн нэрийн картыг нь шууд өгөх боломжийг олгодог. Бусад удирдагч мөн адил уг хэрэгсэл рүү нэвтэрч, гишүүдэд туслах боломжтой. Гэр бүлийн нэрийн туслах нь гэр бүлийн нэрийг бэлтгэх явцад боловсруулах болон шалгах шаардлагатай ажлын ихэнх хувийг хялбаршуулж, автоматжуулдаг ба түүнд тусалж буй гишүүн, удирдагчид сүнслэг яриа өрнүүлэх боломжийг олгодог. Удирдагчид болон гишүүд Аврагчид болон ариун сүмийн үйлчлэлээр мөнхийн гэр бүлд ирэх баяр баясгаланд анхаарлаа хандуулж чадна.
Зарим удирдагч Удирдагч, бичиг хэргийн ажилтны мэдээллийн сангаар дамжуулан уг хэрэгсэлд нэвтэрч чадна.
Энэхүү шинэ хэрэгсэл нь ариун сүмийн зөвшөөрлийн бичиг олгох үйл явцад нэмэгдсэн ч өөр хэд хэдэн газраас уг хэрэгсэл рүү нэвтэрч болно. Гэр бүлийн нэрийн туслах хэрэгсэл нь маш бага хугацаа шаарддаг тул гишүүнд ариун сүмд орохоор бэлтгэхэд нь тусалж буй бишоп, салбарын ерөнхийлөгчид үүнийг ашиглавал зохино. Тэд мөн Удирдагч, бичиг хэргийн ажилтны мэдээллийн санд нэвтрэх боломжтой дараах дуудлага бүхий удирдагчийг уг хэрэгслийг ашиглахад урьж болно. Үүнд:
- Бишопын эсвэл салбарын ерөнхийлөгчийн зөвлөхүүд
- Тойргийн гүйцэтгэх нарийн бичиг эсвэл тойргийн бичиг хэргийн ажилтан
- Ахлагчийн чуулгын эсвэл Халамжийн нийгэмлэгийн ерөнхийлөгч
- Залуу эмэгтэйчүүдийн ерөнхийлөгч
- Ням гаргийн анги эсвэл Хүүхдийн хэсгийн ерөнхийлөгч
- Тойргийн номлолын удирдагч
- Ариун сүм, гэр бүлийн түүхийн удирдагч
Удирдагч, бичиг хэргийн ажилтны мэдээллийн сан (УБХАМС)-аас , ариун сүмийн зөвшөөрлийн бичиг хариуцсан бишопын зөвлөлийн гишүүн эсвэл салбарын ерөнхийлөгч нь төлөөлөн гүйцэтгэх баптисмын зөвшөөрлийн бичиг олгохдоо Гишүүнчлэл цэсийн Ариун сүмийн зөвшөөрлийн бичиг хэсгээс Гэр бүлийн нэрийн туслах хэрэгслийг олж болно.
2024 оны 3, 4-р сараас эхлэн тойргийн зөвлөлийн гишүүд Удирдагч, бичиг хэргийн ажилтны мэдээллийн сангийн Ариун сүм цэс дэх Гэр бүлийн нэрээ хэвлэхэд гишүүнд туслах хэсгээс үүнийг олж үзэх боломжтой болно.
Удирдагч руу Удирдагч, бичиг хэргийн ажилтны мэдээллийн сангаас гишүүнд туслах урилга илгээхэд Мэссэж хэсгийн доор тухайн удирдагчийн УБХАМС Харилцаа холбоо гэсэн нүдэнд мэдэгдэл ирэх болно. Урилгад хэрэгслийн холбоосыг багтаасан байна.
Бусад туслагч Удирдагч, бичиг хэргийн ажилтны мэдээллийн сангаас тусдаа энэ хэрэгслийг ашиглах боломжтой.
Ариун сүм, гэр бүлийн түүхийн зөвлөхүүд, тохинуулагч ах, эгч нар болон бусад хүн анх удаа картаа хэвлэж буй гишүүдэд туслахдаа энэ хэрэгслийг ашиглаж болно. Гишүүд энэ хэрэгслийг өөрсдөө ашиглаж болох ч удирдагчид шаардлагатай үед туслах хэн нэгэн байгаа эсэхэд анхаарал тавьж болно.
Удирдагчид болон бусад туслагч шинэ гишүүнд нас барсан гэр бүлийн гишүүддээ ариун сүмд үйлчилж болох талаар дэлгэрэнгүй мэдээлэл олж авахад нь туслахын тулд өөр хоорондоо хамтарч ажиллах хэрэгтэй бөгөөд боломжтой бол тэдэнтэй хамт ариун сүмд орж болно.
Удирдагч, бичиг хэргийн ажилтны мэдээллийн санд нэвтрэх эрхгүй туслагчид Гэр бүлийн нэрийн туслах руу эндээс нэвтэрч болно.
Шинэ гишүүд, өсвөр үеийнхэн эсвэл хишиг хүртээгүй насанд хүрэгчид Гэр бүлийн нэрийн туслах руу эндээс нэвтэрч болно.
Хэрэгслийн сануулгууд нь анх удаа ашиглаж байгаа үед ч ашиглахад хялбар байдаг. Уг туршлагын товч тоймыг харуулсан урьдчилан харах хуудас энд байна.
Гэр бүлийн нэрийн туслахыг хэзээ ашиглах вэ?
Гишүүн гэр бүлийн нэрээ эхний хэдэн удаа хэвлэж байгаа тохиолдолд энэ шинэ хэрэгслийг ашиглана уу. Энэ нь ойрын хамаатныхаа (өвөө эмээ, эцэг эх, эхнэр нөхөр, ах эгч, дүү, хүүхдийн) нэрийг бэлтгэхэд тусалж, гишүүний одоо мэдэж байгаа мэдээлэл дээр л тулгуурладаг учраас гүнзгий хайлт шаардлагагүй. Хэрэв гишүүн нас барсан ойрын хамаатнаа санахгүй байвал Ургийн модон дээрх баптисм, гишүүний баталгааны ёслол хийх боломжтой холын хамаатнуудаа хайж олох эсвэл ариун сүмтэй хуваалцсан нэрсийг олохын тулд Ёслолууд нь бэлэн функцыг ашиглах сонголтыг уг хэрэгсэлд багтаасан.
Гэр бүлийн нэрийн картыг бэлтгэх үед энэ хэрэгсэл нь гишүүнд эдгээр алхмыг хялбаршуулж өгдөг. Үүнд:
- FamilySearch аккаунт үүсгэх эсвэл олон нийтийн аккаунтыг Сүмийн бүртгэлийн дугаартай холбох ажлыг автоматжуулдаг.
- FamilySearch Ургийн модонд хадгалагдсан гэр бүлийн гишүүдийн тухай мэдээллийг хялбар нэмдэг.
- Давхардлыг шалгаж, ёслолууд бэлэн эсэхийг автоматаар тодорхойлдог.
- Ариун сүмийн ёслолд зориулж нэрсийн захиалгыг автоматаар хийж, гэр бүлийн нэрийн картыг хялбар хэвлэдэг.
Гишүүдэд сүнслэг зарчмууд болон ариун сүмд бэлтгэх зөвлөмжүүдийг танилцуулахад нь удирдагчдад туслах сануулгууд энэ хэрэгсэлд багтсан байдаг.
Гэр бүлийн нэрийн туслах нь гишүүний FamilySearch дээр өмнө нь оруулсан байж магадгүй мэдээллийг таньж, ашиглах болно. Гэр бүлийн нэрийн туслах хэрэгслийг ашиглан оруулсан хэрэглэгчийн бүх зүйл FamilySearch-д автоматаар хадгалагдах бөгөөд дараа нь гишүүн FamilySearch аккаунтаараа дамжуулан эдгээрт нэвтрэх боломжтой.
Гишүүн ойрын хамаатан садныхаа өмнөөс төлөөлөн гүйцэтгэх ёслолуудыг гүйцэтгэж, анхны хэдэн оролтоороо ариун сүмийн талаар мэдлэгтэй болсны дараа удирдагчид нь ариун сүмийн болон гэр бүлийн түүхийн зөвлөхүүд, тохинуулагч ах, эгч нар болон бусад хүнтэй хамтран ажиллаж, FamilySearch.org дээр гэр бүлийнхээ тухай дэлгэрэнгүй мэдээллийг оруулахад нь гишүүдэд туслах хэрэгтэй. Гишүүд бэлэн болсон үедээ FamilySearch-д илүү дэлгэрэнгүй мэдээлэл оруулах нь ариун сүмд орохдоо Ёслолууд нь бэлэн функцийг тогтмол ашиглах боломжийг бий болгодог. Тойргийн туслагчид нас барсан гэр бүлийн гишүүдийнхээ мэдээллийг олоход хэцүү үед хэрхэн хайх талаар эсвэл ариун сүмийн ёслолуудад зөвшөөрөл хэрэгтэй харилцааг хэрхэн нэмж оруулах талаар гишүүдэд заах чухал үүрэгтэй.
2024 оны Ариун сүм, гэр бүлийн түүхийн удирдлагын зааварчилгаанаас илүү дэлгэрэнгүй мэдээлэл авах боломжтой.
Туршилтын үе шатуудад Гэр бүлийн нэрийн туслах хэрэгсэл нь гишүүд болон удирдагчдад гайхалтай тус болж байна. Зөвшөөрлийн бичгээ аваад маргааш нь шууд ариун сүм рүү явж байсан гишүүд гэр бүлийн нэрийн картаа авч, гэр бүлийн гишүүдийнхээ өмнөөс төлөөлөн гүйцэтгэх ёслолуудыг хийх боломжтой байсан. Энэ нь хайртай хүмүүсийнхээ тухай болон ямар нэрсийг ариун сүм рүү авч явах талаар бодоход нь тусалж, гишүүдтэй ярилцах үед Елиагийн сүнсийг авчрахад тусалсан гэж удирдагчид үзсэн.
2024 оны Ариун сүм, гэр бүлийн түүхийн удирдлагын зааварчилгааны үеэр ахлагч Нийл Л.Андэрсэн, ахлагч Гэррит В.Гонг, ахлагч Кэвин С.Хамилтон нар энэ хэрэгслийн талаар болон үүнийг гишүүдэд хэрхэн ашиглаж болох талаар маш сайн танилцуулсан юм. Та уг зааварчилгааг эндээс үзэж болно.
Дэлхий даяар ариун сүмүүд баригдахын хэрээр улам олон гишүүн хамаатан садныхаа өмнөөс төлөөлөн гүйцэтгэх ёслолын ажлыг гүйцэтгэхдээ баяртай байх болно. Гэр бүлийн нэрийн туслах нь гэр бүлийн нэрсийг бэлтгэж, хэвлэхэд нь илүү хялбар арга замаар туслах боломжийг удирдагчдад олгодог. Ерөнхийлөгч Нэлсон өнгөрсөн ерөнхий чуулган дээр ийн хэлсэн. “Их Эзэний бидний төлөө хийж буй бүхнээс хараагаа салгахгүй байцгаая. Тэрбээр ариун сүмүүдээ улам хүртээмжтэй болгож байна. Тэрээр бидний ариун сүм барих явцыг улам хурдасгаж байна. Тэр Израилыг цуглуулахад туслах чадварыг маань улам нэмэгдүүлж байна. Тэр мөн бидний хүн нэг бүрийн сүнслэгээр цэвэршүүлэгдэх үйл явцыг улам хялбарчилж байна. Ариун сүмд илүү их цагийг өнгөрүүлэх нь юу юунаас илүүтэй амьдралыг тань адислах болно гэдгийг би амлаж байна” (“Ариун сүмд анхаарлаа төвлөрүүл,” Лиахона, 2022 оны 11-р сар, 121).
FamilySearch дээр бид таныг гэр бүлтэй чинь холбож, хөгжилтэй танин мэдэхүй болон гэр бүлийн түүхийн үйлчилгээг санал болгодог. Яагаад? Учир нь бид гэр бүлүүдийг нандигнаж, үе удмуудыг хооронд нь холбох нь бидний амьдралыг одоо болон үүрд сайжруулдаг гэдэгт итгэдэг. Бид Есүс Христийн Хожмын Үеийн Гэгээнтнүүдийн Сүмээс санхүүждэг ашгийн бус байгууллага юм. Бидний итгэдэг зүйлсийн талаар дэлгэрэнгүй мэдэхийг хүсвэл энд дарна уу.
