Ихэнх хүмүүс гэр бүлийн түүхийг бусад хүний тухай гэж боддог. Гэхдээ магадгүй гэр бүлийн түүхдээ таны оруулж буй хамгийн чухал хувь нэмэр нь өөрийн түүхээ баримтжуулан үлдээх явдал байж болох юм. Танд хуваалцах сонирхолтой түүх байхгүй гэж та бодож болох ч таны одоогийн болон ирээдүйн гэр бүлийн гишүүд таны тухай, таны амьдралын талаар цөөхөн хэдэн зүйлийг ч болов мэдэхийг хүсэх болно. Таны хамгийн их хайрладаг хүмүүс таныг дурсан санаж болохын тулд таны хийж болох дараах таван санаа байна.
Даалгавар 1—Өөрт хамгийн чухал гэсэн гэрэл зураг, бичиг баримтаа цуглуул
Дурсамжаасаа эхэл Өөрийн гаргасан амжилтыг эсвэл дурсамжийг харуулсан гэрэл зураг, бичиг баримтаа сонго. Үүнийг биелүүлэх энгийн арга зам нь амьдралын товч намтраа бүтээх байж болно. Амьдралын товч намтраасаа 10 чухал үйл явдлыг сонгон оруулж, тэдгээрийг гэрэл зураг, бичиг баримтаар дүрслэн харуулж болно.
Даалгавар 2—Цөөн хэдэн түүхийг бич
Дурсамжаа сэргээснийхээ дараа бичиж болох хэдэн түүхийг бодоорой. Үүнийг хийх хамгийн хялбар арга бол сонгосон зургуудаа харж, тэдгээрийн талаар бичих явдал юм. Хэрэв танд эхлэхэд тусламж хэрэгтэй бол доорх холбоосонд юуны тухай бичих талаар хэд хэдэн сайхан санааг өгсөн байгаа. Түүхээ бичиж байхдаа өөрийн ухаарсан “амьдралын сургамжаа” заавал хуваалцаарай. Зарим түүх ердөө л нэг догол мөр, харин зарим нь хэд хэдэн хуудас ч байж болно. Таны түүх хэр урт байх нь хамаагүй—зүгээр л бичээрэй! #52Stories
Даалгавар 3—Дуу хоолойгоо бич
Дуу хоолой нь хэн нэгнийг санах хүчирхэг зэмсэг юм. Та түүхээ хуваалцаж байхдаа өөрийнхөө дууг хурааж болох юм. Эсвэл та туршлагаа видео бичлэгээр хуваалцаж болно. Ихэнх утсанд дууны функц нь цаанаасаа өгөгдсөн байдаг. Зарим аппликэйшнийг ашиглан, зураг дээр аудио хэлбэрээр сэтгэгдэл үлдээж болдог. Хэдийгээр үүнийг хийх эсэх нь таны шийдэх хэрэг ч хувийн түүхээ бүтээхэд дуу хоолойгоо бичиж үлдээх нь сайхан боломж юм шүү.
Даалгавар 4—FamilySearch дээр мэдээллээ хадгал
FamilySearch нь зөвхөн нас барсан хүмүүсийн мэдээллийг хадгалдаг хэрэгсэл биш юм. Та үнэгүй аккаунтаа үүсгэснийхээ дараа вэб сайтад өөрийнхөө дурсамжийг нэмж болно. FamilySearch нь 15МВ хүртэлх хэмжээтэй .jpg, .tif, .bmp, .png, .pdf, .mp3, .m4a, .wav, файлуудыг хүлээн авдаг. Та FamilySearch.org эсвэл гэр бүлийн модны аппликэйшн ашиглан, дурсамжаа бичиж үлдээх эсвэл зураг, түүх, аудио бичлэг оруулах боломжтой. Таныг дурсамжаа оруулмагц FamilySearch тэдгээрийг үүрд хадгалах болно.
Даалгавар 5—Дурсамжаа хуваалц
Биднийг дурсамжаа хуваалцах үед түүний хүч ажиллаж байдаг. Судалгаагаар хүүхдүүд гэр бүлийнхээ түүхийг мэдэх нь сэтгэлийн бухимдлаа даван туулахад нь тусалдаг гэдгийг харуулжээ. Зарим судалгаанаас сэтгэлийн шархтай хүүхдүүд гэр бүлийнхээ талаар түүх хуваалцах замаар эдгэрдэг гэдгийг харж болно. Таны хайртай хүмүүс таныг дурсан санахыг хүсэх ба та өөрөө түүхээ хуваалцах үед тэд илүү их баярлах болно. Өөрийн бичсэн түүхээ гэр бүл, хайртай хүмүүстээ хуваалц. Бусдад түүхээ хуваалцах нь үүрд мөнхөд үргэлжлэх холбоог бий болгож, бэхжүүлэх болно.
Та биднийг Facebook, Twitter болон Instagram-аас олох боломжтой.
#Тэмдэглэл , #Гарутас , #Гэрэлзургууд
