FamilySearch-ийн тусламжийн цэс нь гэр бүлийн түүх дээрээ ажиллаж байхад хэрэгтэй тусламжаа олж авах ажлыг хялбаршуулдаг. Зам дээрх саадаа даван гарч, зорилгодоо хүрэхийн тулд цэсийг хэрхэн ашиглаж болохыг мэдэж ав.
Хувь хүнд зориулсан тусламж болон санал болгох сэдвүүд
Тусламжийн цэс нь FamilySearch веб хуудсан дээр байгаа. Дэлгэцийн баруун дээд булан руу хараад, асуултын тэмдэгтэй жижиг тойрог дээр дар. FamilySearch.org дээр хаана ч байсан дээд талд жижиг цэсийн цонх нээгдэх бөгөөд энэ нь та ажиллаж байгаа хуудаснаасаа гарахгүйгээр тусламжийн сонголтуудыг судлах боломжтой гэсэн үг юм.
Цэсийн дээд хэсэгт та хайлтын цонх байгааг харна. Тусламж авахыг хүсэж буй сэдвийнхээ эсвэл асуудлынхаа түлхүүр үгийг оруулснаар хайлтын үр дүн тусламжийн цэсийн цонхонд гарч ирнэ. Хэрэгтэй тусламжаа олоод, дэлгэцүүд хооронд нааш цааш сэлгэхгүйгээр өмнөө байгаа ажилдаа хэрэглэ.
Хайлтын цонхон доор “Санал болгосон сэдвүүд” гэсэн хэсэг байгаа. Тэнд харагдаж байгаа бүх холбоосыг таны орж байгаа хуудасны харагдах байдалд тохируулсан байна. Жишээлбэл: Та FamilySearch.org-ын үндсэн хуудсанд байгаа ч нэвтэрч ороогүй байна гэж бодъё. Санал болгосон сэдвүүд нь нууц үгээ шинэчлэх, хэрэглэгчийн нэрээ сэргээх, аккаунттай холбоотой бусад асуудалд чиглэсэн байх юм.
Эсвэл та Гэр бүлийн модон дээр ажиллаж байж болно. Энэ тохиолдолд санал болгож буй сэдвүүд нь тухайн хуудсан дээр гүйцэтгэж болох үйл ажиллагаа эсвэл ажилд төвлөрөх болно. Тухайлбал: Гэр бүлийн гишүүний тухай мэдээлэл нэмэх, эсвэл угийн бичгийнхээ харагдах байдал, төлөвийг өөрчлөх гэх мэт.
Тусламжийн цэсийг нээх үедээ, санал болгож буй сэдвүүдийг эхлээд гүйлгэн харахыг бид танд зөвлөж байна. Хүмүүст ихэвчлэн ижил төстэй асуултууд байдаг бөгөөд гарч буй нийтлэлүүдийг тэдгээр асуултыг харгалзан бэлдсэн байдаг.
Хэд хэдэн тусламжийн сонголтоос сонгох боломжтой
Заримдаа танд асуулт байвал энэ талаар өөр хэн нэгэнтэй ярилцмаар байдаг. Өөр тохиолдолд та энгийн хариулт биш, харин сонирхсон сэдвээр тань өгсөн тайлбар эсвэл судалгааны нийтлэл хайж байж болно. Ийм нөхцөлд тусламжийн цэс таныг зөв чиглэл рүү хөтөлнө.
Энэ удаад та санал болгож буй сэдвүүдийн доор, нээгдэн гарч ирэх тусламжийн цэсийн хайрцгийн хамгийн доод хэсгийг хар. Тэнд хэд хэдэн сонголт байгааг та харна. Тэдгээр нь бүгд өөр өөр тусламж руу таныг аваачна. Өөрт хэрэгтэйгээ ашигла.
Тусламжийн төвийг FamilySearch тусламжийн материалын онлайн сан гэж бод. Санал болгож буй сэдвүүдэд таны хайж байгаа зүйл байхгүй, хайлтын илэрц хоосон гарч ирвэл тусламжийн төвийн мэдээлэлтэй танилцана уу. Цөөн хэдийг дурдвал мэдээллийг гэр бүлийн мод, дурсамж, индексжүүлэлт зэрэг ангилалд хуваадаг. Та сэдвээ сонгоод, агуулгыг нь үзэж эхлэх боломжтой. Мөн та тусламжийн төвөөс гэр бүлийн түүхийн янз бүрийн сэдвээр үнэ төлбөргүй онлайн сургалтуудыг санал болгодог манай сургалтын төв руу хандаж болно.
Тусламжийн төвд байгаа ихэнх материал анх англи хэл дээр бичигдсэн байдаг. Хэрэв та FamilySearch.org сайтыг англиас өөр хэлээр үзэж байвал мөн тухайн нийтлэл хараахан орчуулагдаагүй бол оронд нь англи хувилбарыг харж болох юм. Бид төвөг удсандаа хүлцэл өчиж байна. Бид туслах материалын сангаа аль болох олон хэл рүү орчуулж, өргөжүүлэхийн төлөө хичээнгүйлэн ажиллаж байгаа гэдэгт итгээрэй.
Нийтийн сонголт нь нийтлэг сонирхолтой, туршлагаа хуваалцах хүсэлтэй бусад хүнтэй харилцахад зориулсан хэрэгсэл юм.
Бидэнтэй холбоо барих гэсэн сонголт нь FamilySearch-тэй холбогдох эсвэл дэлхий даяарх манай гэр бүлийн түүхийн олон төвийн аль нэгийг олох мэдээлэл бүхий хуудас руу аваачна. Есүс Христийн Хожмын Үеийн Гэгээнтнүүдийн Сүмийн гишүүд тойргийнхоо ариун сүм, гэр бүлийн түүхийн зөвлөхүүдийн холбоо барих мэдээллийг харна. Энэ хэсэгт та мөн FamilySearch-ийн тусламжтай одоо болон өмнө нь харилцаж байсан ярилцлагынхаа жагсаалтыг олж болно.
Туслагчид зориулсан эх сурвалж сонголт нь таныг гэр бүлийн түүхийн талаар сонирхож буй зүйл, тавьсан зорилгодоо хүрэхэд нь бусдад тусалдаг хүмүүст зориулсан FamilySearch хуудас руу аваачна. Үүнийг сонгох нь танд FamilySearch вэбсайтын шинэчлэлтүүд, хэн нэгэнд туслахад ашиглаж болох хэрэгслүүдийн талаар чухал мэдээлэл өгнө. Есүс Христийн Хожмын Үеийн Гэгээнтнүүдийн Сүмийн гишүүд Сүмийн үүрэг хариуцлагын талаарх мэдээллээ олох бөгөөд Төлөвлөгч рүү орох боломжтой.
Тусламж ирж байна.
Цаг гарган тусламжийн цэсийн талаар илүү ихийг мэдсэн танд баярлалаа. FamilySearch дээр гэр бүлийн түүхээ хөтөлж байгаа хүнд дөнгөж эхэлж байна уу аль эсвэл мэргэжилтэн байна уу гэдгээс үл хамааран эрт орой хэзээ нэгэн цагт бага ч гэсэн тусламж авах хэрэг гардгийг бид ойлгодог. Дараагийн удаа та гэр бүлийн түүхээ хийхэд саад гарч ирвэл сэтгэлээр унаж, бууж өгөх хэрэггүй!
Зүгээр л тусламжийн цэс рүү очно уу. Энд таны хайж буй зүйл байх магадлал өндөр. Наад зах нь энэ нь таныг бүгд амжилтад хүргэхийг хүсэж буй сайн дурынхан, харилцагчийн үйлчилгээний ажилтнуудтай болон өөр бусад туслахтай холбоно.
