Та FamilySearch.org дээр үндсэн хуудасны дээд талын табуудын нэг дээр дарснаар гарч ирдэг дурсамжууд-ыг аль хэдийн мэддэг болсон байх. Та зураг, бичиг баримтууд, түүх, аудио клип хадгалахтай холбоотой үүний санал болгодог сонголтуудыг харж болно. Гэхдээ та гэр бүлийн дурсамжаа FamilySearch.org руу оруулахад урьд өмнөхөөсөө илүү амар, хялбар болгосон мобайл аппликэйшн гарсныг мэдсэн үү?
Үнэгүй Memories апп татаж авах бол familysearch.org/mn/blog/familysearch-mobile-apps-mn вэбсайтаар зочилно уу. Та үүнийг утсан дээрээ татаж авснаар ороход бэлэн боллоо гэсэн үг!
Та аппаа нээхдээ зураг, түүх, аудио тус бүрд зориулсан гурван шигтгээ зураг олж харна. Ажиллуулахын тулд гурван шигтгээ зургийн нэг дээр товшоод, ангиллынх нь дагуу нэмэхийн тулд аппликэйшны баруун дээд буланд буй тэмдэг нэмэх дээр товш.
1. Зураг Та утсан дээрх зургуудаасаа сонгож эсвэл шинэ зураг авч болно. Дэлгэцэн дээрээ зургаа оруулсан бол модон дахь хүмүүсээ тааглах юм уу, гарчиг нэмж болно. Хэн нэгнийг таагласнаар зургийг модон дээрх хүнтэй нь холбоно. Шинэ зургууд бас FamilySearch Дурсамж Галерей дээр харагдана.
2. Түүхүүд Гэр бүлийн түүхээ утас руугаа шууд оруул. Хэрэв та хүсвэл түүхтэйгээ зураг хавсаргаж болно. Модон дахь бүртгэлд хавсралт оруулахдаа уг түүхийн эзнийг таагла.
3. Аудио Шигтгээ зураг нэмэх дээр, дараа нь Бичлэг хийж эхлэх дээр товшоод, гэр бүлийн түүх, дурсамж, зөвлөгөө эсвэл наргианаа оруул. Клипнүүдийг сонсоход амар болгох үүднээс (бичлэг урт байсан ч хамаагүй) таван минутад багтаахыг хичээ. Үүнээс гадна аудио клип хэнийх вэ гэдгийг тодорхойлж, модон дээрх хүнтэй нь холбо.
Дурсамж апп-ын нэг гайхалтай зүйл нь гэвэл интернэтэд холбогдсон л бол FamilySearch.org руу шинэ мэдээллийг автоматаар, хурдан нэмдэгт оршино. Хэрвээ интернэтэд холбогдоогүй бол холбогдсон даруйд өөрчлөлтүүд нэмэгдэж орно.
Эдгээрийг утаснаасаа хийх боломж бүрдсэнээр гэр бүлийн дурсамжуудаа хадгалахад улам уян хатан болж байгаа юм. Тэгвэл оролдоод үзэх үү? Дараа нь гэр бүлээрээ оройн хоол идэхдээ өвөө, эмээ хоёрынхоо анх танилцаж байсан түүхийг бичиж оруул. Ингэснээр үүнийг үр удам тань бас сонсох боломжтой болох юм. Удахгүй болох төгсөлт эсвэл бусад чухал үйл явдлаар хэдэн зураг дараад, модондоо оруулснаар үүрд гэр бүлийнхээ нэгэн туршлага болгон хадгалах боломжтой. Хэдхэн хормын дотор та гэр бүлийнхээ эдгээр чухал дурсамжийг хэзээ ч алга болохооргүй болгож байгаа юм.
Та энэ болон бусад сэдвээр нэмэлт мэдээлэл авах бол онлайн Тусламж төв-өөр зочилно уу.
