ការអញ្ជើញឱ្យដាក់ស្នើបទបង្ហាញសម្រាប់កម្មវិធី RootsTech ឆ្នាំ ២០២៧
កាលបរិច្ឆេទឈប់ទទួលការដាក់ស្នើ៖ ថ្ងៃទី ២៩ ខែមិថុនា ឆ្នាំ ២០២៦
ដាក់ស្នើគម្រោងសំណើរបស់អ្នក
តើលោកអ្នកមានគំនិតចង់ចែករំលែកដែរឬទេ? ចុចទីនេះដើម្បីចាប់ផ្ដើម!
ការអញ្ជើញឱ្យដាក់ស្នើបទបង្ហាញបានបើកហើយ!
យើងខ្ញុំមានសេចក្តីសោមនស្សរីករាយក្នុងការប្រកាសពីការអញ្ជើញឱ្យដាក់ស្នើបទបង្ហាញសម្រាប់កម្មវិធី RootsTech ឆ្នាំ ២០២៦ ដែលនឹងត្រូវប្រារព្ធឡើងតាមអនឡាញ និងនៅទីក្រុង Salt Lake នៃរដ្ឋ Utah ចាប់ពីថ្ងៃទី ៤ ខែមីនា?ថ្ងៃទី ៦ ឆ្នាំ ២០២៧។
កម្មវិធី RootsTech មានគោលបំណងចងក្រងអ្នកដែលស្រឡាញ់ចូលចិត្តសិក្សាពីមែកធាងគ្រួសារ អ្នកប្រវត្តិវិទូ អ្នកស្រាវជ្រាវ និងអ្នកជំនាញមកពីមជ្ឈដ្ឋានផ្សេងៗគ្នា ដើម្បីចែករំលែកនូវការយល់ដឹង និងបទពិសោធន៍ដ៏មានតម្លៃរបស់ពួកគេ។
យើងខ្ញុំសូមអញ្ជើញអ្នកអាជីព បញ្ញវន្ត និងអ្នកជំនាញមែកធាងគ្រួសារដែលមានជំនាញច្បាស់លាស់ មកដាក់ស្នើសម្រាប់ការផលិតវីដេអូដែលថតទុកមុន ការសិក្សាតាមវេបសាយ ការធ្វើបទបង្ហាញ និងការពិភាក្សាជាក្រុម។ យើងខ្ញុំស្វែងរកវាគ្មិនដែលមានបទពិសោធន៍ មានចិត្តរំភើបស្រឡាញ់ និងមានភាពប៉ិនប្រសប់ក្នុងការទាក់ទាញអ្នកស្ដាប់មកពីគ្រប់ភាសា និងគ្រប់មជ្ឈដ្ឋាន។ យើងខ្ញុំកំពុងស្វែងរកថ្នាក់រៀនដែលផ្តោតលើអ្នកជំនាញមែកធាងគ្រួសារកម្រិតដំបូង កម្រិតមធ្យម កម្រិតខ្ពស់ និងកម្រិតអាជីព។
យើងខ្ញុំលើកទឹកចិត្តឱ្យមានការដាក់ស្នើ ដែលបង្ហាញពីការស្រាវជ្រាវថ្មីៗ បច្ចេកវិទ្យាទំនើបៗ វិធីសាស្រ្តអនុវត្តជាក់ស្តែង និងទស្សនវិស័យថ្មីៗ ដែលអាចចូលរួមចំណែកដល់លើកកម្ពស់ផ្នែកការរីកចម្រើនចំពោះចំណេះដឹង និងការអនុវត្តការងារមែកធាងគ្រួសារឱ្យកាន់តែប្រសើរឡើង។ យើងខ្ញុំក៏ចង់ដឹងពីអ្វីដែលជាការលើកទឹកចិត្តដល់លោកអ្នកក្នុងការធ្វើកិច្ចការប្រវត្តិគ្រួសារ និងរបៀបដែលលោកអ្នកអាចចែករំលែកវាទៅកាន់អ្នកដទៃ។
ប្រធានបទសក្តានុពលដែលគួរឱ្យចាប់អារម្មណ៍ រួមមានជាអាទិ៍៖
- វិធីសាស្ត្រស្រាវជ្រាវមែកធាងគ្រួសារ ��ិងការអនុវត្តល្អបំផុត
- ការចាប់ផ្ដើមស្វែងយល់ពីប្រវត្តិរូបគ្រួសារ
- ការស្វែងយល់អំពីកំណត់ត្រាប្រវត្តិសាស្ត្រ និងឯកសារបណ្ណសារ
- ការថែរក្សាទុក និងការរៀបចំទិន្នន័យមែកធាងគ្រួសារ
- ការប្រើប្រាស់បច្ចេកវិទ្យា រួមមានជាអាទិ៍ការប្រើប្រាស់បញ្ញាសិប្បនិម្មិត សម្រាប់ការស្រាវជ្រាវមែកធាងគ្រួសារ។
- ពន្ធុវិទ្យាមែកធាងគ្រួសារ និងការយកទៅប្រើប្រាស់វា
- មែកធាងគ្រួសារផ្អែកលើជាតិពន្ធុ និងវប្បធម៌
- ការស្រាវជ្រាវពូជពង្ស និងការតភ្ជាប់ខ្សែស្រឡាយដូនតា
- កិច្ចសហការ និងការបង្កើតបណ្តាញក្នុងកិច្ចការមែកធាងគ្រួសារ
- ការរក្សាទុករូបថត និងប្រវត្តិរឿងរ៉ាវផ្សេងៗ
- ប្រវត្តិនិទានផ្ទាល់មាត់
គោលការណ៍ណែនាំសម្រាប់ការដាក់ស្នើ
- ចំណងជើងថ្នាក់រៀនដែលបានដាក់ស្នើឬ?សង្ខេបខ្លី (ត្រឹម ៧៥ តួអក្សរ ឬតិចជាងនេះ) និងគួរឱ្យចាប់អារម្មណ៍។ សាធារណជនគួរតែអាចដឹងពីខ្លឹមសារនៃថ្នាក់រៀនដោយគ្រាន់តែមើលចំណងជើង។ នេះគឺជាចំណងជើងដែលអ្នកចូលរួមនឹងមើលឃើញក្នុងបញ្ជីវគ្គនីមួយៗ។
ការពណ៌នាអំពីថ្នាក់រៀន៖ សូមពណ៌នាអំពីថ្នាក់រៀនក្នុងកម្រិត ២០០ ពាក្យ ឬតិចជាង ដើម្បីឱ្យអ្នកចូលរួមបានដឹង។ នេះគឺជាអ្វីដែលអ្នកចូលរួមនឹងមើលឃើញនៅក្នុងបញ្ជីវគ្គសិក្សា។- ចំណុចនេះ មានសារៈសំខាន់ឬ?តើបញ្ហាអ្វីដែលត្រូវដោះស្រាយ ឬកិច្ចការអ្វីដែលត្រូវធ្វើ ដែលថ្នាក់រៀននេះនឹងលើកយកមកបង្ហាញ?
- ចំណុចនេះ មានសារៈសំខាន់ឬ?តើអ្នកចូលរួមនឹងទទួលបានចំណេះដឹងអ្វី ដើម្បីយកទៅអនុវត្ត ឬធ្វើអ្វីបានខ្លះ ក្រោយពីបន្ទាប់ពីបញ្ចប់ថ្នាក់រៀននេះ?
- តើអ្នកចូលរួមចាំបាច់ត្រូវមានកម្រិតសមត្ថភាពអ្វីខ្លះ ដើម្បីអាចសិក្សាក្នុងថ្នាក់នេះបានដោយជោគជ័យ? កម្រិតដំបូង កម្រិតមធ្យម កម្រិតខ្ពស់ ឬកម្រិតអាជីព។ តើអ្នកសិក្សាគួរតែមានចំណេះដឹងមូលដ្ឋានអ្វីខ្លះជាមុន? តើអ្នកចូលរួមចាំបាច់ត្រូវយកកុំព្យូទ័រយួរដៃ ថេប្លេត ឬឧបករណ៍អេឡិចត្រូនិកមកកាន់វគ្គសិក្សាដែរឬទេ?
- តើវគ្គសិក្សានេះរៀបចំឡើងតាមទម្រង់បែបណា?
- ការពិភាក្សាជាក្រុម៖ ការពិភាក្សាជាក្រុមរយៈពេល ៦០ នាទី ដែលរួមមានការសួរ និងឆ្លើយសំណួររយៈពេល ១៥ នាទី។ សមាសភាពអ្នកចូលរួមក្នុងក្រុមប្រឹក្សាទាំងអស់ត្រូវតែកំណត់អត្តសញ្ញាណនៅពេលដាក់ស្នើសំណើ។
- ការបង្រៀន៖ វគ្គសិក្សាបែបការបង្រៀនរយៈពេល ៦០ នាទី។ វគ្គនេះគួរតែរួមបញ្ចូលវគ្គសួរ និងឆ្លើយសំណួររយៈពេល ១៥ នាទី។
- ម៉ោងសិក្សាសកម្ម៖ វគ្គសិក្សារយៈពេល ៦០ នាទី ដែលមានសន្ទុះលឿន និងពោរពេញដោយថាមពល។ វគ្គនេះគួរតែរួមបញ្ចូលវាគ្មិន ៣ រូប ដែលម្នាក់ៗចំណាយពេល ១៥ នាទី ដើម្បីបកស្រាយអំពីចំណុចណាមួយនៃប្រធានបទជារួម។ រាល់ម៉ោងសកម្មនីមួយៗ គួរតែរួមបញ្ចូលវគ្គសួរ និងឆ្លើយសំណួររយៈពេល ១៥ នាទីនៅពេលបញ្ចប់។
- សិក្ខាសាលាតាមអ៊ីនធឺណិតមានរយៈពេល ៦០ នាទី រួមមានវគ្គសួរ និងឆ្លើយរយៈពេល ១៥ នាទី ហើយបានធ្វើឡើងតាមអនឡាញពីគ្រប់ទីកន្លែងក្នុងពិភពលោក ដែលលោកអ្នកមានការតភ្ជាប់អ៊ីនធឺណិតប្រកបដោយស្ថិរភាព។
- វគ្គសិក្សាដែលបានថតទុកជាមុន មិនគួរមានរយៈពេលលើសពី ២០ នាទីឡើយ ហើយគួរផ្ដោតលើប្រធានបទ ឬគំនិតតែមួយប៉ុណ្ណោះ។
សូមដាក់បញ្ចូលគ្រោងមេរៀនសង្ខេបនៃថ្នាក់រៀន ដើម្បីឱ្យយើងងាយស្រួលយល់អំពីសំណើរបស់អ្នក។
ចំណាំ៖ ចាំបាច់ត្រូវមានកម្មវិធីសិក្សាសម្រាប់វគ្គសិក្សានីមួយៗ។ - សូមដាក់បញ្ចូលជីវប្រវត្តិសង្ខេប និងព័ត៌មានទំនាក់ទំនងសម្រាប់វាគ្មិនទាំងអស់។ សូមដាក់បញ្ចូលប្រវត្តិរូបការងារ ក៏ដូចជាបទពិសោធន៍នៃការថ្លែងសុន្ទរកថា ជាសាធារណៈ និងការបង្រៀនរបស់អ្នក។ មូលហេតុអ្វីបានជាអ្នកជាបុគ្គល ឬជាក្រុមដែលស័ក្តិសមបំផុត ក្នុងការលើកយកប្រធានបទនេះមកពិភាក្សា?
- គម្រោងសំណើទាំងឡាយត្រូវតែដាក់ស្នើតាមអនឡាញ ឱ្យបានមុនថ្ងៃទី ២៩ ខែមិថុនា ឆ្នាំ ២០២៦ ជាដាច់ខាត។
ដំណើរការវាយតម្លៃ
រាល់សំណើដែលបានដាក់ស្នើទាំងអស់ នឹងត្រូវត្រួតពិនិត្យដោយក្រុមអ្នកជំនាញ។ លក្ខណៈវិនិច្ឆ័យនៃការវាយតម្លៃនឹងរួមមាន ភាពពាក់ព័ន្ធនៃប្រធានបទ ភាពច្នៃប្រឌិតថ្មី ភាពច្បាស់លាស់នៃសំណើ និងសក្ដានុពលក្នុងការទាក់ទាញ និងការអប់រំដល់អ្នកចូលរួមសន្និសីទ។
ហេតុអ្វីបានជាត្រូវថ្លែងសុន្ទរកថា នៅក្នុងកម្មវិធី RootsTech? ដោយមានទស្សនិកជនរាប់លាននាក់ពីគ្រប់ទិសទីលើសកលលោក កម្មវិធី RootsTech គឺជាព្រឹត្តិការណ៍លំដាប់ថ្នាក់ពិភពលោក។វេទិកាពង្សាវតារដ៏ធំបំផុតនៅក្នុងពិភពលោក។ គ្មានកន្លែងណាដែលប្រសើរជាងនេះ ក្នុងការចែករំលែកចំណេះដឹងរបស់អ្នក ជាមួយមនុស្សដែលមានចំណូលចិត្តដូចគ្នានោះទេ។ បន្ថែមលើសពីនេះ វាគ្មិននៅកម្មវិធី RootsTech ក៏ទទួលបាននូវអ្វីៗដូចខាងក្រោមផងដែរ៖
- ប្រាក់កម្រៃប្រកបដោយភាពប្រកួតប្រជែងចំនួន ១៥០.០០ ដុល្លារអាមេរិក ក្នុងមួយថ្នាក់រៀនរយៈពេល ៦០ នាទី។
- ប្រាក់កម្រៃប្រកបដោយភាពប្រកួតប្រជែងចំនួន ១០០.០០ ដុល្លារអាមេរិក ក្នុងមួយថ្នាក់រៀនដែលបានថតទុកជាមុនរយៈពេល ២០ នាទី។
- សំបុត្រចូលរួមសន្និសីទកម្មវិធី RootsTech ដោយឥតគិតថ្លៃ។
- ប្រាក់ឧបត្ថម្ភសណ្ឋាគារក្នុងមួយថ្ងៃនៃការថ្លែងសុន្ទរកថា សម្រាប់អ្នកដែលធ្វើបទបង្ហាញនៅទីក្រុង Salt Lake និងរស់នៅចម្ងាយលើសពី ៥០ ម៉ាយពីមជ្ឈមណ្ឌលសន្និបាត Salt Palace។
- វាគ្មិនដែលមានលំនៅឋានក្នុងសហរដ្ឋអាមេរិក និងកាណាដា ដែលតម្រូវឱ្យធ្វើដំណើរលើសពី ៥០ ម៉ាយ ទៅកាន់កម្មវិធី RootsTech នឹងទទួលបានប្រាក់ឧបត្ថម្ភការធ្វើដំណើរចំនួន ១០០ ដុល្លារអាមេរិក ក្នុងមួយថ្ងៃនៃការថ្លែងសុន្ទរកថា។ វាគ្មិនដែលធ្វើដំណើរមកពីបណ្តាប្រទេសផ្សេងៗ អាចនឹងទទួលបានប្រាក់ឧបត្ថម្ភការធ្វើដំណើររហូតដល់ ១,០០០ ដុល្លារអាមេរិក។
- វាគ្មិនទាំងអស់ដែលធ្វើបទបង្ហាញនៅទីក្រុង Salt Lake នឹងទទួលបានប្រាក់ឧបត្ថម្ភប្រចាំថ្ងៃចំនួន ៣៥ ដុល្លារ ដើម្បីជួយរ៉ាប់រងលើការចំណាយនានាដែលបានកើតឡើង ដូចជាថ្លៃចំណតរថយន្តនៅថ្ងៃដែលអ្នកថ្លែងសុន្ទរកថា។
សូមចំណាំ៖ យើងខ្ញុំមានអំណរគុណចំពោះម្ចាស់ឧបត្ថម្ភ និងអ្នកដាក់តាំងបង្ហាញដ៏អស្ចារ្យជាច្រើនរបស់យើង ហើយសូមស្វាគមន៍លោកអ្នកក្នុងការដាក់ស្នើគម្រោងវគ្គសិក្សា ប៉ុន្តែទោះជាយ៉ាងណាកម្មវិធី RootsTech មិនបង់ប្រាក់កម្រៃសេវាសម្រាប់ថ្នាក់រៀនដែលផ្សព្វផ្សាយពីវាគ្មិននោះទេ។និយោជក អាជីវកម្ម ឬផលិតផលរបស់វាគ្មិន។ យើងខ្ញុំមិនផ្ដល់ប្រាក់ឧបត្ថម្ភប្រចាំថ្ងៃ ការធ្វើដំណើរ ឬថ្លៃសណ្ឋាគារ ដល់វាគ្មិនដែលជានិយោជិតរបស់ម្ចាស់ឧបត្ថម្ភ ឬអ្នកដាក់តាំងបង្ហាញ ហើយនឹងត្រូវបំពេញកាតព្វកិច្ចការងារនៅកម្មវិធី RootsTech នោះទេ។
កាលបរិច្ឆេទសំខាន់ៗ
- កាលបរិច្ឆេទឈប់ទទួលការដាក់ស្នើ៖ ថ្ងៃទី ២៩ ខែមិថុនា ឆ្នាំ ២០២៦ ម៉ោង ១១:៥៩ យប់
- សេចក្ដីជូនដំណឹងស្ដីពីការអនុម័តទទួលយក៖ នៅចុងខែសីហា ឆ្នាំ ២០២៦
- ថ្នាក់រៀនដែលបានថតទុកជាមុន ត្រូវដាក់ស្នើត្រឹមថ្ងៃទី ៣០ ខែវិច្ឆិកា ឆ្នាំ ២០២៦
- មាតិកាមេរៀនសម្រាប់ថ្នាក់រៀនផ្ទាល់ ត្រូវដាក់ស្នើត្រឹមថ្ងៃទី ២៥ ខែមករា ឆ្នាំ ២០២៧
- កាលបរិច្ឆេទសន្និសីទ៖ ថ្ងៃទី ៤ ខែមីនាដល់ទី ៦ ខែមីនា ឆ្នាំ ២០២៧
យើងខ្ញុំរង់ចាំទទួលសំណើប្រកបដោយភាពវៃឆ្លាតរបស់អ្នក។ សន្និសីទនេះ សន្យាថានឹងក្លាយជាប្រព័ន្ធដ៏រស់រវើកសម្រាប់ផ្លាស់ប្តូរចំណេះដឹង ការបង្កើតបណ្តាញទំនាក់ទំនង និងកិច្ចសហការនៅក្នុងសហគមន៍ពង្សាវតារ។ ប្រសិនបើលោកអ្នកមានចម្ងល់ ឬត្រូវការព័ត៌មានបន្ថែម សូមកុំរុញរាក្នុងការទាក់ទងមកយើងខ្ញុំតាមរយៈ speakers@rootstech.org។
ដាក់ស្នើគម្រោងសំណើរបស់អ្នក
តើលោកអ្នកមានគំនិតចង់ចែករំលែកដែរឬទេ? ចុចទីនេះដើម្បីចាប់ផ្ដើម!