មែកធាងគ្រួសារនៅលើអនឡាញដោយឥតគិតថ្លៃដ៏ធំបំផុតរបស់ពិភពលោក
កម្មវិធីស្រាវជ្រាវក្រុមគ្រួសារ ជួយអ្នកឲ្យភ្ជាប់អតីតកាល បច្ចុប្បន្នកាល និងអនាគតកាល ។ បង្កើតគណនីដើម្បីបង្កើតមែកធាងគ្រួសារមួយ ស្វែងរកកំណត់ត្រាពង្សាវលី និងរក្សាពង្សប្រវត្តិរបស់អ្នកជារៀងរហូតដោយឥតគិតថ្លៃ ។
មូលដ្ឋានពង្សាវលីចិន
រុករកការណែនាំ
អ្នករុករកភូមិក្វាងដុង
ចាប់ផ្ដើមការស្រាវជ្រាវ
1:59
សូមបន្ដនូវកេរដំណែលគ្រួសាររបស់អ្នកដោយការរក្សាទុកកំណត់ត្រាទាំងឡាយ
តើកម្មវិធីស្រាវជ្រាវក្រុមគ្រួសារគឺជាអ្វី ?
កម្មវិធីស្រាវជ្រាវក្រុមគ្រួសារគឺជាអង្គការមិនរកប្រាក់ចំណេញដែលផ្តល់សេវាកម្មដោយឥតគិតថ្លៃដល់មនុស្សគ្រប់រូប ។ ធនធានពង្សប្រវត្តិដ៏សម្បូរបែបរបស់យើង ជួយមនុស្សរាប់លាននាក់នៅជុំវិញពិភពលោកឲ្យរកឃើញខ្សែស្រឡាយក្រុមគ្រសារ និងភ្ជាប់ទំនាក់ទំនងជាមួយក្រុមគ្រួសាររបស់ពួកគេ ។
បណ្ណាល័យសៀងហៃ និងកម្មវិធីស្រាវជ្រាវក្រុមគ្រួសារ បានចាប់ផ្តើមធ្វើការរួមគ្នាជាលើកដំបូងនៅបំណាច់សតវត្សរ៍ចុងក្រោយនេះ ហើយភាពជាដៃគូផ្លូវការរបស់យើងក្នុងការប្រមូល រៀបចំ ស្រាវជ្រាវ និងផ្តល់សេវាកម្មទាក់ទងនឹងពង្សាវលីវង្សត្រកូលចិន ( jiapu ) មានរយៈពេលជាង ២០ឆ្នាំ ។ ពង្សាវលីវង្សត្រកូលចងក្រងឯកសារអំពីពង្សាវតារ បុគ្គលម្នាក់ៗ និងទង្វើនៃគ្រួសារធំ ដែលមានបព្វការីជនមកពីខ្សែលោហិតដូចគ្នា ។ ពួកគាត់គឺជាផ្នែកមួយដ៏សំខាន់នៃកេរ្តិ៍ដំណែលវប្បធម៌របស់មនុស្សជាតិ និងជាឧបករណ៍ដ៏សំខាន់សម្រាប់ពង្សាវលី ការស្រាវជ្រាវផ្នែកសិក្សាធិការ និងការបង្កើតភាពសុខដុមរមនាក្នុងសង្គម ។ ការណ៍នេះគឺស្របទៅនឹងការយល់ដឹងរបស់កម្មវិធីស្រាវជ្រាវក្រុមគ្រួសារអំពីពង្សាវលីខ្លាំងណាស់ ។ហ្សូ ដីមីងអតីតនាយកស្តីទី បណ្ណាល័យសៀងហៃ
កាលពីឆ្នាំមុន ក្រុម[ កម្មវិធីស្រាវជ្រាវក្រុមគ្រួសារ ]បានធ្វើសិក្ខាសាលាតាមប្រព័ន្ធហ្សូមអំពីសង្គមពង្សាវលីនៅប្រទេសសិង្ហបុរី ដោយណែនាំសុសវែរកម្មវិធីស្រាវជ្រាវក្រុមគ្រួសារ និងមូលដ្ឋានទិន្នន័យដ៏ទូលំទូលាយរបស់កម្មវិធីនេះ ។ ការចូលរួមយ៉ាងសកម្មរបស់ពួកគេនៅក្នុងក្រុមឈែត គាំទ្រដល់សមាជិក ស.ព.ស. ក្នុងការស្រាវជ្រាវឫសគល់បុព្វការីជនរបស់ពួកគេជាច្រើន ។ វាបានបង្ហាញពីចំណង់ចំណូលចិត្ត និងវិជ្ជាជីវៈរបស់ក្រុមដ៏អស្ចារ្យនោះ ។លី ខុងគីនាយកផ្នែកអភិវឌ្ឍន៍កម្មវិធីសង្គមពង្សាវលីនៅប្រទេសសិង្ហបុរី
មានការកោតសរសើរយ៉ាងខ្លាំងពីការចូលរួមរបស់កម្មវិធីស្រាវជ្រាវក្រុមគ្រួសារ ក្នុងការដំឡើងកម្មវិធី microsite សម្រាប់បុណ្យចូលឆ្នាំចិន ឆ្នាំ២០២២ ជាមួយមជ្ឈមណ្ឌលវប្បធម៌ចិនសិង្ហបុរី ។
មែកធាងគ្រួសាររបស់ខ្ញុំភ្ជាប់បានតែបួនជំនាន់ប៉ុណ្ណោះ ប៉ុន្តែខ្ញុំបានដឹងថាសាច់ញាតិមួយចំនួនមកពីខ្សែស្រឡាយមានត្រកូលដូចគ្នានៅប្រទេសចិនដីគោកមានសៀវភៅពង្សាវលីវង្សត្រកូលដ៏ក្រាស់ ( jiapu ) ។ ឪពុករបស់ខ្ញុំបានទទួលមរណភាពទៅហើយ ហើយខ្ញុំក៏មិនស្គាល់សាច់ញ្ញាតិរបស់ខ្ញុំណាម្នាក់នៅខាងដីគោកដែរ ហើយក៏គ្មានវិធីណាដើម្បីទាក់ទងទៅពួកគេឡើយ ។ នៅពាក់កណ្តាលខែតុលា ឆ្នាំ២០២០ ខ្ញុំបានឃើញថា កម្មវិធីស្រាវជ្រាវក្រុមគ្រួសារបានមានមុខងារស្រាវជ្រាវថ្មីមួយ ដូច្នេះ ជាដំបូងខ្ញុំបានប្រើឧបករណ៍ដើម្បីស្វែងរក ដោយប្រើតួអក្សរពីជំនាន់បុព្វការីជនរបស់ខ្ញុំ ហើយបន្ទាប់ពីស្រាវជ្រាវតាមខ្សែស្រឡាយដើម្បីស្វែងរកឈ្មោះឪពុក ជីតា និងជីតាទូតរបស់ខ្ញុំ ។ ខ្ញុំបានមានអារម្មណ៍ថា ដូចជាខ្ញុំកំពុងស្វែងរកកំណប់ទ្រព្យអ៊ីចឹង ។ ខ្ញុំមិនបានដឹងថាត្រកូលរបស់ខ្ញុំនឹងមានទំហំប៉ុនណាទេ—មនុស្សដែលមានតួអក្សរត្រកូលដូចគ្នាមានបរិមាណដ៏ច្រើន—ហើយខ្ញុំត្រូវស្វែងរកដោយអត់ធ្មត់ពីមួយទំព័រទៅមួយទំព័រ ។ បន្ទាប់ពីការស្រាវជ្រាវអស់រយៈពេលពីរថ្ងៃ ទីបំផុតខ្ញុំបានរកឃើញ ។ ដួងចិត្តខ្ញុំបានពេញដោយក្តីអំណរយ៉ាងក្រៃលែង ។ នេះគឺពិតជាកំណប់ទ្រព្យដែលមិនអាចកាត់ថ្លៃបាន ។ចាង ប៉ីប៉ីអ្នកប្រើប្រាស់កម្មវិធីស្រាវជ្រាវក្រុមគ្រួសារ ជនជាតិតៃវ៉ាន់