សូមរាយការណ៍អំពីការរំលោភបំពាន ឬមាតិកាមិនសមរម្យណាមួយដែលអ្នកបានឃើញនៅលើកម្មវិធីស្រាវជ្រាវក្រុមគ្រួសារ ដោយប្រើមុខងារ « រាយការណ៍ការរំលោភបំពាន » ។
ប្រសិនបើនរណាម្នាក់ផ្ញើសារដែលអ្នកមិនចង់ទទួល នោះអ្នកអាចបិទបុគ្គលនោះបាន ។ បន្ទាប់ពីអ្នកធ្វើដូច្នោះហើយ នោះអ្នកនឹងលែងមើលឃើញសាររបស់គាត់ ឬនាងទៀតហើយ ។ សូមមើលព័ត៌មាននៅក្នុង អត្ថបទដែលទាក់ទង សម្រាប់ព័ត៌មានលម្អិត ។
តើអ្វីទៅដែលចាត់ទុកថាជាការរំលោភបំពាន ?
នៅក្នុងករណីនេះ ការរំលោភបំពានត្រូវបានកំណត់ថាជាសម្ភារទាំងឡាយណាដែលបានរក្សាទុកនៅលើកម្មវិធីស្រាវជ្រាវក្រុមគ្រួសារ ដែលនឹងចាត់ទុកថាជាការប្រមាថ ឬមិនសមរម្យ ដែលមានដូចខាងក្រោមនេះ ៖
- ភាសា ឬមាតិកាដែលប្រមាថ
- ព័ត៌មានដែលនឹងបង្កគ្រោះថ្នាក់ ឬផ្តល់ការអាម៉ាស់ដល់សាច់ញាតិដែលនៅរស់
- តំណភ្ជាប់ទៅកាន់គេហទំព័រខាងក្រៅដែលមានមាតិកាមិនសមរម្យ
- ការស្នើសុំសម្រាប់អាជីវកម្ម ឬសេវាកម្មស្រាវជ្រាវផ្សេងៗ
- ការបៀតបៀន
- សេចក្ដីថ្លែងការណ៍ខាងនយោបាយ
- ការរំលោភបំពានលើការរក្សាសិទ្ធិ
ការរំលោភបំពានលើកម្មវិធីស្រាវជ្រាវក្រុមគ្រួសារក៏មានទាក់ទងទៅនឹងការចុះផ្សាយពររបស់លោកអយ្យកោ ឬកំណត់ត្រាព្រះវិហារបរិសុទ្ធជាផ្លូវការនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ នៅកន្លែងណាមួយនៃកន្លែងអស់ទាំងនេះផងដែរ ៖
- ការពិភាក្សា
- កំណត់ចំណាំ
- កម្រងអនុស្សាវរីយ៍
- គំនូសព្រាងជីវិត
តើអ្វីទៅដែលមិនចាត់ទុកថាជាការរំលោភបំពាន ?
កំហុស ឬការផ្លាស់ប្តូរនៅក្នុងកំណត់ត្រាមិនត្រូវបានចាត់ទុកថាជាការរំលោភបំពាននោះទេ ។ ប្រសិនបើអ្នកមានសំណួរទាក់ទងទៅនឹងកំហុសដោយអចេតនា ឬការខុសឆ្គងផ្សេងៗដែលអាចកើតមាននៅក្នុងកំណត់ត្រា ដែលអ្នកមិនអាចដោះស្រាយបាន សូមទាក់ទងទៅកាន់ ជំនួយគាំទ្រនៃកម្មវិធីស្រាវជ្រាវក្រុមគ្រួសារ ។
គោលការណ៍សំខាន់របស់យើងត្រូវបានកំណត់នៅក្នុង សិទ្ធិ និងការប្រើប្រាស់ព័ត៌មានរបស់កម្មវិធីស្រាវជ្រាវក្រុមគ្រួសារ ដែលមាននៅខាងក្រោមនៃទំព័រភាគច្រើនរបស់កម្មវិធីស្រាវជ្រាវក្រុមគ្រួសារ ។
ជំហាន ( គេហទំព័រ )
- សូមទៅកន្លែងមួយនៅលើកម្មវិធីស្រាវជ្រាវក្រុមគ្រួសារ ជាកន្លែងដែលអ្នកអាចរាយការណ៍ពីការរំលោភបំពានបាន ៖
- ឧបករណ៍ ៖ នៅលើទំព័រ បុគ្គល របស់បុគ្គលម្នាក់ សូមរកមើលនៅក្រោម ឧបករណ៍ សម្រាប់តំណភ្ជាប់ រាយការណ៍ការរំលោភបំពាន ។
- ការមើលអនុស្សាវរីយ៍ ៖ នៅក្នុងការមើលចំណុចផ្សេងៗនៅក្នុងអនុស្សាវរីយ៍ សូមមើលទៅជ្រុងខាងស្តាំខាងលើសម្រាប់តំណភ្ជាប់ រាយការណ៍ការរំលោភបំពាន ។
- សារ ៖ សូមចុចលើឈ្មោះរបស់បុគ្គលដែលនៅជិតសារមួយ ហើយចុចលើ រាយការណ៍ការរំលោភបំពាន ។
- ប្រភពដើមដែលបានភ្ជាប់ទៅនឹងបុគ្គល ៖ សូមចុចលើប្រភពដើមមួយ ។ តំណភ្ជាប់ រាយការណ៍ការរំលោភបំពាន បង្ហាញនៅពីក្រោមចំណងជើងប្រភពដើម ។
- ប្រភពដើមដែលបានភ្ជាប់ទៅនឹងទំនាក់ទំនង ៖ សូមរុករកទំព័រ បុគ្គល របស់បុគ្គលម្នាក់ ។ សូមអូសទៅផ្នែក សមាជិកគ្រួសារ ហើយចុចលើ រូបតំណាងកែសម្រួល ។ សូមចុចលើប្រភពដើមមួយមកពីផ្នែក ប្រភពដើមទំនាក់ទំនង ។ រាយការណ៍ការរំលោភបំពាន មាននៅពីក្រោមចំណងជើងប្រភពដើមនោះ ។
- សូមបំពេញព័ត៌មានដែលតម្រូវឲ្យមាន ហើយចុចលើ បញ្ជូន ។ របាយការណ៍ទាំងអស់បន្ដរក្សាជាការសម្ងាត់ ។
ជំហាន ( កម្មវិធីឧបករណ៍ចល័ត )
អ្នកអាចរាយការណ៍ពីសារដែលមានការប្រមាថ ដែលអ្នកទទួលបាននៅក្នុងសារនៃកម្មវិធីស្រាវជ្រាវក្រុមគ្រួសារបាន ។
- សូមបើកកម្មវិធីស្រាវជ្រាវក្រុមគ្រួសារនៅលើទូរសព្ទរបស់អ្នក ។
- សូមចុចលើ បន្ថែមទៀត នៅលើជ្រុងស្តាំខាងក្រោមនៃអេក្រង់របស់អ្នក ។ រួចហើយសូមចុចលើ សារ ។
- សូមចុចលើសារដែលអ្នកចង់រាយការណ៍ ។
- នៅជ្រុងស្ដាំខាងលើនៃអេក្រង់របស់អ្នក សូមចុចលើ ចំណុចបី (…) រួចហើយចុចលើ រាយការណ៍ការរំលោភបំពាន ។
- សូមពន្យល់ពីមូលហេតុរបស់អ្នក ហើយចុចលើ បញ្ជូន នៅលើជ្រុងខាងស្តាំខាងលើនៃអេក្រង់របស់អ្នក ។
ជំហាន ( មែកធាងគ្រួសារមិនពេញលេញ )
មិនមានប៊ូតុងរាយការណ៍ការរំលោភបំពាននៅក្នុងមែកធាងគ្រួសារមិនពេញលេញទេ ។ តែអ្នកអាចអូសចុះទៅខាងក្រោមនៃទំព័រណាមួយ ហើយចុចលើ មតិកែលម្អ និងការគាំទ្រ ដើម្បីផ្ញើសារមកកាន់យើងអំពីការរំលោភបំពានដែលអាចកើតមានបាន ។
អត្ថបទដែលទាក់ទង
តើខ្ញុំបិទ ឬប្លក់នរណាម្នាក់មិនឲ្យផ្ញើសារមកខ្ញុំដោយរបៀបណា ?
តើអ្វីទៅជាច្បាប់សម្រាប់ការពិភាក្សា និងការផ្ញើសារ ?
តើមានច្បាប់អ្វីខ្លះដែលអនុវត្តសម្រាប់ការដាក់បញ្ចូលកម្រងអនុស្សាវរីយ៍ទៅក្នុងគេហទំព័រ FamilySearch.org ?