នៅក្នុងមែកធាងគ្រួសារ សារដូចតទៅនេះលេចឡើងនៅក្នុងប្រភពខ្លះ ៖ « កំណត់ត្រា ល.ព.អ. ដែលបានដកស្រង់នេះ ត្រូវបានប្រើប្រាស់ដើម្បីបង្កើតបុគ្គលនេះ » ។
- ព័ត៌មានអំពីបុគ្គលទាំងនេះគឺមកពីកិច្ចខិតខំនៃការធ្វើលិបិក្រមពីមុន ។ កម្មវិធីស្រាវជ្រាវក្រុមគ្រួសារ បានប្រើប្រាស់ព័ត៌មានដែលបានដកស្រង់ ដើម្បីកំណត់អត្តសញ្ញាណរបស់បុគ្គលទាំងនោះ ហើយបន្ទាប់មកបានបង្កើតជាព័ត៌មាននេះនៅក្នុង ល.ព.អ. ។
នៅក្នុងខែ វិច្ឆិកា ឆ្នាំ ២០១៤ កម្មវិធីស្រាវជ្រាវក្រុមគ្រួសារ បានបន្ថែមកំណត់ត្រាដែលបានដកស្រង់ទៅកាន់មែកធាងគ្រួសារ ។ កម្មវិធីស្រាវជ្រាវក្រុមគ្រួសារ បានភ្ជាប់កំណត់ត្រាដែលបានដកស្រង់ ទុកជាប្រភពមួយនៅលើកំណត់ត្រាមែកធាងគ្រួសារដែលមានស្រាប់ ។
- ក្នុងករណីច្រើនបំផុត ដំណើរការនេះបានដំណើរការត្រឹមត្រូវ ។ អ្នកអាចប្រាប់បាន ដោយសារព័ត៌មានលម្អិតនៅលើកំណត់ត្រាដែលបានដកស្រង់ត្រូវគ្នា ឬស្រដៀងគ្នាខ្លាំងទៅនឹងព័ត៌មានពិស្ដារនៅក្នុង មែកធាងគ្រួសារ ។
- ជួនកាលកំណត់ត្រាដែលបានដកស្រង់ហាក់ដូចជាបានភ្ជាប់ទៅនឹងបុគ្គលមិនត្រឹមត្រូវនៅក្នងមែកធាងគ្រួសារ ។ ព័ត៌មានលម្អិតអំពីកំណត់ត្រាដែលបានដកស្រង់ ខុសពីព័ត៌មានលម្អិតនៅក្នុងមែកធាងគ្រួសារ ។
បញ្ហានេះបានកើតឡើងដោយសារកំណត់ត្រាក្នុងមែកធាងគ្រួសារ ជាលទ្ធផលមកពីកំណត់ត្រាបញ្ចូលគ្នាដែលមិនត្រឹមត្រូវ ។ ប្រសិនបើអ្នកឃើញកំហុសមួយក្នុងចំណោមកំហុសទាំងនេះ សូមធ្វើតាមជំហានទាំងនេះ ៖
- ចម្លងប្រភព ល.ព.អ. ដែលបានដកស្រង់ទៅកាន់ប្រអប់ប្រភពរបស់អ្នក ។
- បំបែកកំណត់ត្រាដែលបានដាក់បញ្ចូលគ្នាដែលមិនត្រឹមត្រូវនោះវិញ ។ អំឡុងដំណើរការនេះ អ្នកបង្កើតកំណត់ត្រាថ្មីមួយនៅក្នុងមែកធាងគ្រួសារសម្រាប់បុគ្គលដែលប្រភព ល.ព.អ. ដែលបានដកស្រង់នោះត្រូវជាមួយ ។
- ភ្ជាប់ប្រភព ល.ព.អ. ដែលបានដកស្រង់ពីប្រអប់ប្រភពរបស់អ្នកទៅកំណត់ត្រាថ្មីនោះ ។