RootsTech—ដែលជាសន្និសីទពង្សាវតាដ៏ធំបំផុតនៅលើពិភពលោក—គឺជិតមកដល់ហើយ ! កម្មវិធីស្រាវជ្រាវក្រុមគ្រួសារមានបណ្ដុំសកម្មភាពទាំងឡាយនៅលើអ៊ីនធឺណិត ដែលជួយអ្នកឲ្យរៀបចំ និងរីករាយជាមួយព្រឹត្តិការណ៍ទូទាំងពិភពលោកនេះ ដែលនឹងប្រព្រឹត្តទៅនៅ ថ្ងៃទី៦–៨ ខែមីនា ។ សកម្មភាពនីមួយៗផ្តោតលើប្រធានបទសន្និសីទឆ្នាំ២០២៥ អំពី « ការរកឃើញ » ។
សូមជ្រើសរើសសកម្មភាពមួយ ( ឬពីរ ) ដែលអ្នកចាប់អារម្មណ៍ចេញពីបញ្ជីនេះ ហើយចំណាយពេលពីរបីនាទីដើម្បីរកឃើញអ្វីជាច្រើនទៀតអំពីដំណើររឿងគ្រួសាររបស់អ្នក—ជាដំណើររឿងដែលបានចាប់ផ្តើមជាមួយបុព្វការីជនរបស់អ្នក និងបន្តមកដល់សព្វថ្ងៃនេះជាមួយអ្នក និងមនុស្សជាទីស្រឡាញ់របស់អ្នកក្នុងតួនាទីនាំមុខ ។
ហើយសូមកុំភ្លេច ចុះឈ្មោះសម្រាប់ RootsTech—នៅលើអ៊ីនធឺណិត ឬដោយផ្ទាល់ ! ជាមួយនឹងថ្នាក់រៀន សិក្ខាសាលា បទបង្ហាញ និងសកម្មភាពរាប់រយដើម្បីជួយអ្នកឲ្យស្វែងរក ( និងអបអរសាទរ ) ភាពខុសគ្នា ទំនាក់ទំនងដ៏អស្ចារ្យនៅក្នុងដំណើររឿងគ្រួសាររបស់អ្នក យើងមានអ្វីមួយសម្រាប់អ្នករាល់គ្នាដើម្បីរីករាយ ។
សាច់ញាតិនៅ RootsTech
ជាសកម្មភាពមួយដែលមនុស្សជាច្រើនពេញចិត្តនៅ RootsTech អស់រយៈពេលជាច្រើនឆ្នាំ សាច់ញាតិនៅ RootsTech វិភាគមែកធាងគ្រួសាររបស់អ្នក និងកំណត់អត្តសញ្ញាណអ្នកចូលរួមតាមប្រព័ន្ធអនឡាញ និងដោយផ្ទាល់ ដែលជាប់សាច់ញាតិនឹងអ្នក ។ វាក៏ផ្តល់ឲ្យអ្នកនូវជម្រើសមួយ ដើម្បីផ្ញើសារទៅសាច់ញាតិទាំងនេះ ហើយណែនាំខ្លួនអ្នកទៅកាន់ពួកគេផងដែរ ។
នៅក្នុងសន្និសីទពង្សប្រវត្តិដែលមាន« ការរកឃើញ »ជាប្រធានបទ អ្នកប្រហែលជាមិនអាចរកឃើញសកម្មភាពនៅលើប្រព័ន្ធអនឡាញដែលល្អជាង ឬសមរម្យជាងនេះទេ មែនទេ ? តើមានវិធីណាដើម្បីស្វែងយល់បន្ថែមអំពីមែកធាងគ្រួសាររបស់អ្នក ល្អជាងការជួបសមាជិកដទៃទៀតមកពីមែកធាងគ្រួសារនោះ ? អ្នកក៏អាចដឹងរឿងថ្មីៗមួយចំនួនទៀតដើម្បីចែកចាយផងដែរ ។
មានមុខមាត់ដូចគ្នា
សំណួរ ៖ តើ doppelgänger ( មនុស្សពីរនាក់មានមុខមាត់ដូចគ្នា ) គឺជាអ្វី ? ចម្លើយ ៖ បុគ្គលដែលមានមុខដូចអ្នក ! តើអ្នកធ្លាប់ឆ្ងល់ទេថា តើមានអ្នកដែលមានមុខមាត់ដូចជាអ្នក ដែលលាក់ខ្លួននៅក្នុងមែកធាងគ្រួសាររបស់អ្នកដែរឬទេ ? ជាមួយនឹងសកម្មភាពមានមុខមាត់ដូចគ្នានៅក្នុងកម្មវិធីស្រាវជ្រាវក្រុមគ្រួសារ អ្នកប្រហែលជាអាចរកឃើញ ។
សកម្មភាពនៅលើអ៊ីនធឺណិតនេះវិភាគរូបថតរបស់អ្នក ហើយបន្ទាប់មកស្កេនមែកធាងគ្រួសាររបស់អ្នក ដើម្បីស្វែងរកមនុស្សដែលដូចគ្នា ។ ប្រសិនបើអ្នកមិនមានគណនី ឬមិនមានព័ត៌មានគ្រប់គ្រាន់ទេ សកម្មភាពនេះនឹងស្វែងរកមនុស្សដែលល្បីល្បាញដែលមើលទៅដូចជាអ្នក ។ តាមរបៀបទាំងពីរនេះ វាជាវិធីដ៏សប្បាយរីករាយមួយ ដើម្បីចងចាំមែកធាងគ្រួសាររបស់អ្នក និងមនុស្សដែលបានកើតមុនអ្នក ។
សាច់ញាតិដែលល្បីល្បាញ
សម្រាប់អ្នកដែលចូលទៅកាន់គេហទំព័រ FamilySearch.org ជាញឹកញាប់ សាច់ញាតិដែលល្បីល្បាញគឺជាអ្វីដែលអ្នកអាចហៅថាពង្សប្រវត្តិបុរាណ ។ សកម្មភាពនេះវិភាគមែកធាងគ្រួសាររបស់អ្នកទៅមុខ និងថយក្រោយ ហើយបង្ហាញអ្នកនូវទំនាក់ទំនងគ្រួសារដែលអ្នកមានជាមួយមនុស្សល្បីល្បាញមកពីជុំវិញពិភពលោក ។
ទោះបីជាអ្នកធ្លាប់បានសាកល្បងសកម្មភាពនេះពីមុនហើយក៏ដោយ ក៏វាល្អដែរក្នុងការចុចម្តងទៀតដើម្បីមើលថា តើមានសាច់ញាតិល្បីល្បាញថ្មីណាម្នាក់លេចឡើងដែរទេ ។ យើងតែងតែបន្ថែមព័ត៌មានថ្មីៗទៅក្នុងមែកធាងគ្រួសារនៃកម្មវិធីស្រាវជ្រាវក្រុមគ្រួសារជានិច្ច—ជាព័ត៌មានដែលអាចនាំឲ្យមានទំនាក់ទំនងថ្មីសម្រាប់អ្នក ។ ប្រសិនបើឫសគល់របស់អ្នកប្រសព្វគ្នា អ្នកអាចនឹងមានការភ្ញាក់ផ្អើលមួយ ។
ស្វែងរកបុគ្គលដែលដូចខ្ញុំ
ខណៈពេលដែលអ្នកប្រហែលជាមិនមានទំនាក់ទំនងជាមួយបុគ្គលល្បីល្បាញណាម្នាក់ អ្នកនៅតែអាចមានមុខមាត់ដូចពួកគេ ! សូមឆ្លើយសំណួរមួយចំនួននៅក្នុងលំហាត់សាមញ្ញនេះ ដើម្បីមើលថាតើបុគ្គលិកលក្ខណៈអ្វីខ្លះ ដែលអ្នកមានដូចគ្នាជាមួយនឹងបុគ្គលដែលល្បីល្បាញក្នុងប្រវត្តិសាស្ត្រ ។ នេះគឺជាសកម្មភាពដ៏ល្អឥតខ្ចោះមួយដើម្បីឲ្យគ្រប់គ្នារីករាយ—មិនតម្រូវឲ្យចុះឈ្មោះចូល ឬមានមែកធាងគ្រួសារនោះទេ ។
នាមត្រកូលដែលដូចគ្នា
តើមានប៉ុន្មានភាគរយទៅ ដែលនរណាម្នាក់ដែលមាននាមត្រកូលរបស់អ្នក និងនាមត្រកូលមិត្តល្អបំផុតរបស់អ្នកនឹងជួបគ្នានោះ ? ហើយទោះបីជាអ្នកមិនមែនជាបងប្អូនជីដូនមួយសាច់ឆ្ងាយក៏ដោយ តើអ្នកមានទំនាក់ទំនងភូមិសាស្ដ្ររួមដែរឬទេ ? អ្នកអាចរកឃើញបានជាមួយសកម្មភាព នាមត្រកូលដែលដូចគ្នា ។
សកម្មភាពនេះវិភាគនាមត្រកូលរបស់អ្នក និងនាមត្រកូលមិត្តភក្តិរបស់អ្នក ។ បន្ទាប់មក វាប្រាប់អ្នកពីកន្លែងដែលឈ្មោះទាំងនោះចេញមក និងប្រទេស ៣ ដំបូងគេដែលមានឈ្មោះទាំងនោះដូចគ្នា ។
តើឈ្មោះរបស់អ្នកត្រូវបានគេស្គាល់យ៉ាងច្បាស់នៅក្នុងប្រទេសអង់គ្លេសដែរឬទេ ? អ្នកណាទៅដឹងទៅ ប្រហែលជាមានមិត្តភក្តិ ២ នាក់ដែលមាននាមត្រកូលដូចគ្នានឹងអ្នកនៅប្រទេសអេស្ប៉ាញ !
អ្នករួមចំណែកច្រើនជាងគេ
សកម្មភាព អ្នករួមចំណែកច្រើនជាងគេ បង្ហាញអ្នកនូវការបន្ថែមថ្មីៗមួយចំនួនដែលមនុស្សបានបន្ថែមទៅលើទំព័ររបស់បុព្វការីជនអ្នកនៅក្នុងមែកធាងគ្រួសាររួម ។ បន្ទាប់មក វាផ្តល់ជម្រើសមួយឲ្យអ្នកដើម្បីផ្ញើការអរគុណដល់មនុស្សទាំងនោះ សម្រាប់ការចំណាយពេលចែកចាយអ្វីដែលពួកគេបានរកឃើញ ។ អ្នកក៏អាចមើលផងដែរថា តើអ្នកជាប់សាច់ញាតិនឹងពួកគេដែរឬទេ ហើយបើជាប់ តើខ្សែខាងណា !
អ្នករួមចំណែកច្រើនជាងគេ គឺជាវិធីដ៏សប្បាយរីករាយមួយដើម្បីមើលពីរបៀបដែលដំណើររឿងគ្រួសាររបស់អ្នកកំពុងពង្រីក និងមើលព័ត៌មានលម្អិតអំពីបុព្វការីជនដែលអ្នកប្រហែលជាមិនបានស្គាល់ ។ វាក៏ជាវិធីដ៏សប្បាយរីករាយមួយក្នុងការជួប និងស្វែងយល់អំពីសាច់ញាតិថ្មីផងដែរ ព្រោះនរណាម្នាក់ដែលចាប់អារម្មណ៍លើបុព្វការីជនរបស់អ្នកអាចជាកូនចៅជំនាន់ក្រោយ—ហេតុដូច្នោះហើយ ពួកគេជាបងប្អូនជីដូនមួយរបស់អ្នក !
បទពិសោធន៍ផ្សេងទៀតដែលកម្មវិធីស្រាវជ្រាវក្រុមគ្រួសារ និង RootsTech ផ្តល់ជូន
រក្សាទុក
ស្វែងយល់ពីវិធីថ្មីៗដើម្បីមើលពង្សាវតាររបស់អ្នកដោយដាក់ឈ្មោះគ្រួសាររបស់អ្នកនៅក្នុងមែកធាងគ្រួសារដែលអាចបោះពុម្ពបាន—វាល្អបំផុតសម្រាប់ការផ្តល់ឲ្យជាអំណោយ ឬព្យួរនៅលើជញ្ជាំង ។ សកម្មភាពវត្ថុអនុស្សាវរីយ៍នេះដំណើរការ មិនថាអ្នកមានគណនីកម្មវិធីស្រាវជ្រាវក្រុមគ្រួសារ ឬអត់នោះទេ ហើយវាមានការរចនាដ៏សប្បាយរីករាយ និងការច្នៃប្រឌិតជាច្រើនដើម្បីជ្រើសរើស ។
ប្រសិនបើអ្នកមានគណនីកម្មវិធីស្រាវជ្រាវក្រុមគ្រួសារ នោះសកម្មភាពវត្ថុអនុស្សាវរីយ៍នឹងចាប់ផ្តើមបំពេញមែកធាងអនុស្សាវរីយ៍របស់អ្នកដោយស្វ័យប្រវត្តិសម្រាប់អ្នក ។ អាស្រ័យលើចំនួនព័ត៌មាននៅទីនោះ អ្នកនឹងមានមែកធាងដែលត្រៀមរួចជាស្រេចដើម្បីបោះពុម្ព មុនពេលអ្នកអាចសរសេរពាក្យ « ពង្សាវតារ » បានត្រឹមត្រូវ ។
ប្រសិនបើអ្នកពុំមានគណនីទេ សូមកុំបារម្ភអី ។ ផ្ទុយទៅវិញ សូមគ្រាន់តែចុច បន្ត ហើយសកម្មភាពនេះនឹងណែនាំអ្នកតាមជំហាននៃការបង្កើតមែកធាងអនុស្សាវរីយ៍ដោយខ្លួនឯង ។ ការរចនាទាំងអស់គឺឥតគិតថ្លៃទាំងស្រុងក្នុងការប្រើប្រាស់ ។
កម្មវិធីផ្គុំរូបថត
តើអ្នកធ្លាប់មានការលំបាកក្នុងការដឹងថាត្រូវធ្វើអ្វីជាមួយរូបថតស្អាតៗទាំងអស់ ដែលបានរក្សាទុកនៅលើទូរសព្ទរបស់អ្នកដែរឬទេ ? សូមទាញយកអត្ថប្រយោជន៍ពីសកម្មភាពផ្គុំរូបថតរបស់កម្មវិធីស្រាវជ្រាវក្រុមគ្រួសារ ហើយបង្កើតអ្វីមួយដើម្បីជួយអ្នកឲ្យចងចាំអនុស្សាវរីយ៍ដែលអ្នកចូលចិត្តទាំងអស់ ។
មិនថាអ្នកមានគណនីកម្មវិធីស្រាវជ្រាវក្រុមគ្រួសារ ឬអត់នោះទេ សកម្មភាពនេះគឺសាមញ្ញខ្លាំងណាស់ ។ សូមដាក់បញ្ចូលរូបថតរបស់អ្នក ចុចប៊ូតុងតែពីរបីដង ហើយតែប៉ុណ្ណឹង អ្នកផ្គុំរូបថតដំបូងរបស់អ្នកចេញហើយ ។
ស្វែងយល់ពី RootsTech ឆ្នាំ២០២៥
RootsTech ឆ្នាំ២០២៥ មិនទាន់បានចាប់ផ្តើមនៅឡើយទេ ប៉ុន្តែមានអ្វីជាច្រើនដែលអ្នកអាចស្វែងយល់បាន !
- ចុះឈ្មោះសម្រាប់ RootsTech និងស្វែងយល់ពីថ្នាក់ដ៏គួរឲ្យរំភើបដើម្បីបំពេញកាលវិភាគរបស់អ្នក ។
- ស្វែងយល់ពីទំនាក់ទំនងគ្រួសារដែលមិននឹកស្មានដល់មកពីជុំវិញពិភពលោក ។
- ស្វែងយល់ពីសកម្មភាពដ៏អស្ចារ្យដែលអ្នកចូលចិត្តបំផុតពីបញ្ជីខាងលើ ។
- ហើយអ្វីដែលសំខាន់បំផុតគឺ រៀបចំខ្លួនអ្នកដើម្បីស្វែងរកមិត្តភក្តិថ្មី គ្រួសារ និងភាពសប្បាយរីករាយ !
ស្វែងយល់បន្ថែមទៀតអំពីអ្វីដែលសន្និសីទទូទាំងពិភពលោកទាំងអស់នេះមានផ្តល់ជូនដោយចូលទៅកាន់គេហទំព័រ RootsTech.org នៅថ្ងៃនេះ ។
តើ RootsTech គឺជាអ្វី ?
RootsTech គឺជាកន្លែងមួយដើម្បីរៀន ទទួលបានការបំផុសគំនិត និងបង្កើតទំនាក់ទំនងតាមរយៈពង្សប្រវត្តិ ។ រៀបចំដោយកម្មវិធីស្រាវជ្រាវក្រុមគ្រួសារ និងឧបត្ថម្ភដោយអង្គភាពពង្សាវលីឈានមុខគេផ្សេងទៀត យើងមានថ្នាក់ជំនាញរាប់រយ វីដេអូអំពីគន្លឹះ និងដំណោះស្រាយ និងដំណើររឿងដ៏បំផុសគំនិតជាច្រើន ដែលអាចជួយអ្នកឲ្យទទួលបានបទពិសោធន៍ពង្សប្រវត្ដិដែលអ្នកមិនធ្លាប់មានពីមុនមក ។ សូមចូលមើលបណ្ណាល័យសិក្សារបស់យើងនៅពេលណាក៏បាន ឬដាក់ផែនការដើម្បីចូលរួមនឹងយើងសម្រាប់ព្រឹត្ដិការណ៍សន្និសីទតាមអនឡាញ ឬដោយផ្ទាល់ ។
