វាជាពេលវេលាសម្រាប់ស្នូរកណ្តឹង និងសូរសំនៀងពួកទេវតា ។ ខែធ្នូគឺជាខែដែលមមាញឹកមក្នុងការទិញទំនិញ ច្រៀងសរសើរ ភ្លើងពណ៌ និងប្រពៃណីនានា ។ ឆ្នាំនេះ ចូរយើងបន្ថែមពន្លឺផ្ទាល់ខ្លួនរបស់យើងទៅក្នុងពិធីបុណ្យគ្រីស្ទម៉ាស់ ក្នុងពេលមានភាពមមាញឹក និងអ៊ូអរនៃសកម្មភាពនានានៃពិធីបុណ្យនេះ ។
#បំភ្លឺពិភពលោក គឺជាការអញ្ជើញពីសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ដើម្បីបំប្លែងពិធីបុណ្យគ្រីស្ទម៉ាស់ទៅជារដូវកាលនៃការបម្រើដល់គ្រួសារ មិត្តភក្តិ និងសូម្បីតែដល់មនុស្សមិនធ្លាប់ស្គាល់គ្នា ។ ប្រធានបទសម្រាប់ការប្រារព្ធពិធីឆ្នាំនេះគឺ « ដកពិសោធន៍ពន្លឺរបស់ទ្រង់ » ដោយយោងទៅពន្លឺដែលព្រះយេស៊ូវគ្រីស្ទបាននាំមកដល់ពិភពលោកតាមរយៈគំរូនៃសេចក្តីស្រឡាញ់ និងសេចក្ដីសប្បុរសរបស់ទ្រង់ ។
មានវិធីជាច្រើនដើម្បីចែកចាយពន្លឺរបស់ទ្រង់ជាមួយអ្នកដទៃក្នុងរដូវកាលនេះ ប៉ុន្តែប្រសិនបើអ្នកកំពុងស្វែងរកគំនិតមួយចំនួនដែលទាក់ទងនឹងពង្សប្រវត្តិ សូមអានបន្ត ។
១. បន្ថែមអ្វីដែលអ្នកដឹងទៅក្នុង FamilySearch
តើការបន្ថែមព័ត៌មានទៅ FamilySearch ជួយអ្នកដទៃយ៉ាងដូចម្តេច ? ប្រសិនបើអ្នកធ្លាប់ជាមនុស្សដែលទទួលតំណភ្ជាប់ ដំណើររឿង ឬរូបថតដែលមិនបានរំពឹងទុក ភ្ជាប់ទៅនឹងបុព្វការីជនម្នាក់របស់អ្នក នោះអ្នកដឹងពីអំណាចនៃការរកឃើញព័ត៌មានថ្មីអំពីគ្រួសាររបស់អ្នកហើយ ។ អ្នកអាចផ្តល់បទពិសោធន៍នេះដល់អ្នកប្រើប្រាស់ FamilySearch ផ្សេងទៀត នៅពេលអ្នកបន្ថែមអ្វីដែលអ្នកដឹងទៅក្នុង មែកធាងគ្រួសារ ។
ព័ត៌មានបន្ថែមរបស់អ្នកគឺជាប្រេងដែល FamilySearch ប្រើដើម្បីបង្កើតការភ្ជាប់ទំនាក់ទំនងសម្រាប់អ្នកដទៃ ។ ការភ្ជាប់ទំនាក់ទំនទាំងនោះត្រូវបានធ្វើឡើងដោយក្បួនដោះស្រាយកុំព្យូទ័រដ៏មានឥទ្ធិពលរបស់ FamilySearch ដែលរកឃើញតំណភ្ជាប់រវាងបំណែកផ្សេងគ្នានៃព័ត៌មាន ។ វត្ថុធាតុដើមសម្រាប់បង្កើតការភ្ជាប់ទំនាក់ទំនងទាំងនោះបានមកពីអ្នក និងមនុស្សរាប់លាននាក់ផ្សេងទៀតដែលរួមចំណែកអំពីអ្វីដែលពួកគេដឹងអំពីគ្រួសាររបស់ពួកគេទៅកាន់មែកធាងគ្រួសាររបស់ FamilySearch ។
សម្រាប់វិធានការល្អ សូមជួយអ្នកដទៃនៅក្នុងគ្រួសារ ឬរង្វង់មិត្តភក្តិរបស់អ្នកដើម្បីបន្ថែមអ្វីដែលពួកគេដឹងផងដែរ !
២. ចែកចាយអនុស្សាវរីយ៍ដ៏ផ្អែមល្ហែមជាមួយមនុស្សជាទីស្រឡាញ់
បង្ហាញការដឹងគុណ និងក្តីស្រឡាញ់ពិតប្រាកដចំពោះសមាជិកគ្រួសារ និងមិត្តភក្តិរបស់អ្នក ។ ការរំឭកអ្នកដទៃអំពីការចងចាំដែលបានចែកចាយបង្ហាញពួកគេថា អ្នកកំពុងគិតអំពីពួកគេ ។ តើមានវិធីណាល្អជាងនេះក្នុងការចែកចាយពន្លឺដោយអារម្មណ៍ភ្លឺថ្លារបស់អ្នកដែលមានន័យបំផុតចំពោះអ្នកនោះ ?
- កត់ត្រា និងបង្ហោះដំណើររឿងមួយទៅកាន់ FamilySearch Memories អំពីពេលវេលាដែលពិតជារំជួលចិត្ត នៅពេលដែលសមាជិកគ្រួសារបាន ធ្វើឲ្យមានឥទ្ធិពលជាវិជ្ជមានដល់ជីវិតរបស់អ្នក ។ សរសេរប្រពៃណីថ្ងៃបុណ្យរបស់គ្រួសារអ្នក ហើយផ្ទុកវាទៅក្នុង FamilySearch Memories ។ កូនចៅជំនាន់ក្រោយនឹងចង់ដឹងពីរបៀបដែលអ្នកបានប្រារព្ធរដូវបុណ្យនេះជាមួយមនុស្សជាទីស្រឡាញ់ !
- ស្វែងរករូបថអនុស្សាវរីយ៍នៃពិធីបុណ្យគ្រីស្ទម៉ាស់ដ៏មានតម្លៃ ។ ផ្ញើរូបថតទៅមនុស្សជាទីស្រឡាញ់ដែលអ្នកមានអនុស្សាវរីយ៍ជាមួយគ្នា ។
- សូមអរគុណឪពុកម្តាយ ជីដូនជីតា ឬសាច់ញាតិផ្សេងទៀតសម្រាប់មេរៀនដែលគាត់ធ្លាប់បង្រៀនដល់អ្នក ។
- សរសេរ និងផ្ញើកាតចេញពីដួងចិត្តទៅកាន់សមាជិកគ្រួសារដែលអ្នកចង់អរគុណសម្រាប់ការក្លាយជាផ្នែកមួយដ៏សំខាន់ក្នុងជីវិតរបស់អ្នក ។
- ចែកចាយជាមួយសមាជិកគ្រួសារផ្សេងទៀតនូវគន្លឹះ ឬវិធីសាស្រ្តដែលជីតារបស់អ្នកបានបង្រៀនអ្នក ។
- សូមពិចារណាអំពីគុណសម្បត្តិដែលអ្នកកោតសរសើរឪពុកម្តាយរបស់អ្នក ឬមេរៀនជីវិតដែលអ្នកបានរៀនពីពួកគាត់ ។ ចែកចាយការយល់ដឹងដ៏មានអត្ថន័យទាំងនេះជាមួយឪពុកម្តាយរបស់អ្នក ! កុំភ្លេចសរសេរមេរៀនទាំងនេះទុក ដើម្បីអ្នកអាចមើលនៅពេលក្រោយ ។
- សុំទោសសមាជិកគ្រួសារ ឬអត់ទោសដល់់សមាជិកគ្រួសារ ។ បុណ្យគ្រីស្ទម៉ាស់គឺជាឱកាសដ៏ល្អមួយដើម្បីបង្កើតការចាប់ផ្តើមថ្មី និងអនុស្សាវរីយ៍វិជ្ជមានជាមួយគ្នា ។
ទាញយកកម្មវិធីអនុស្សាវរីយ៍នេះដោយឥតគិតថ្លៃ !
៣. ទៅលេងអ្នកជិតខាងវ័យចំណាស់
បុណ្យគ្រីស្ទម៉ាសជាញឹកញាប់អាចជាពេលវេលាឯកោសម្រាប់អ្នកដទៃទៀត ។ ចែករំលែកភាពរីករាយនៃបុណ្យគ្រីស្ទម៉ាស់ខ្លះ និងជួយមនុស្សចាស់ជរាដែលអ្នកស្គាល់ក្នុងជីវិតរបស់អ្នកឲ្យដឹងថា ពួកគាត់មិនត្រូវបានបំភ្លេចទេ ។
- សុំជួយការងារផ្ទះ ឬការងារក្នុងទីធ្លា ។
- ជួយតុបតែងលម្អសម្រាប់បុណ្យគ្រីស្ទម៉ាស់
- ចែកចាយទេពកោសល្យតន្ត្រីរបស់អ្នកនៅមជ្ឈមណ្ឌលចាស់ជរាក្នុងមូលដ្ឋាន ឬមន្ទីរពេទ្យ ។
- កត់ត្រាដំណើររឿងអ្នកជិតខាង ឬសាច់ញាតិ ដែលដំណាលប្រាប់ពីដំណើរជីវិតរបស់ពួកគេ ។ សូមពិនិត្យមើលការចុះផ្សាយប្លក់ FamilySearch នេះ សម្រាប់សំណួរដែលត្រូវសួរ !
- ជួយផ្ទុកអនុស្សាវរីយ៍ ទៅក្នុងកម្មវិធី FamilySearch Memories ដើម្បីឲ្យកូនចៅជំនាន់ក្រោយអាចទទួលការបំផុសគំនិតដោយសារបទពិសោធន៍របស់ពួកគាត់ ។
- ជួយរៀបចំ និងបង្កើតជាឌីជីថលនូវសៀវភៅកត់ត្រា ទិនានុប្បវត្តិ និងរូបថតចាស់ៗទាំងឡាយ ។ អ្នកអាចចូលទៅកាន់មជ្ឈមណ្ឌល FamilySearch និងបង្កើតជាឌីជីថលនូវរូបថត និងឯកសារដោយឥតគិតថ្លៃ ! ស្វែងរកមជ្ឈមណ្ឌលFamilySearch នៅក្បែរអ្នក ។
៤. ជួយអ្នកដទៃស្រាវជ្រាវពង្សាវលីរបស់ពួកគេ
នៅថ្ងៃបុណ្យគ្រីស្ទម៉ាស់ មនុស្សជាច្រើនគិតអំពីគ្រួសាររបស់ពួកគេកាន់តែច្រើន ។ សូម្បីតែ ១០នាទីនៃពេលវេលារបស់អ្នកក៏អាចជួយអ្នកដទៃភ្ជាប់ជាមួយបុព្វការីជន !
- ជួយមិត្តម្នាក់បង្កើតគណនី FamilySearch មួយដោយឥតគិតថ្លៃ ។ នៅពេលដែលអ្នកផ្សេងទៀតបន្ថែមសមាជិកគ្រួសារដែលគេស្គាល់ទៅក្នុងមែកធាងគ្រួសារដែលបានចែកចាយ នោះមែកធាងផ្ទាល់ខ្លួនរបស់ពួកគេអាចមានបុព្វការីជនដែលស្ថិតនៅក្នុងមែកធាងរួមរួចហើយ ។ មគ្គុទ្ទេសក៍មែកធាងគ្រួសារអាចធ្វើឲ្យដំណើរការនេះកាន់តែងាយស្រួល
- សូមមើលពីរបៀបដែលការរួមចំណែករបស់អ្នកចំពោះមែកធាងគ្រួសារបានជួយអ្នកផ្សេងទៀតឲ្យភ្ជាប់ទៅនឹងបុព្វការីជនរួមរបស់អ្នករួចហើយ ។
- ពិនិត្យមើលឈ្មោះដែលបានធ្វើលិបិក្រមតាមកុំព្យូទ័រនៅក្នុងកម្មវិធី FamilySearch Get Involved ដើម្បីជួយធ្វើឲ្យឯកសារប្រវត្តិសាស្ត្រកាន់តែងាយស្រួលក្នុងការស្វែងរក ។
- សូមពិនិត្យមើលផ្នែកឱកាសទាំងឡាយ នៅលើគេហទំព័រ FamilySearch's Get Involved ដើម្បីចូលរួមក្នុងសកម្មភាពស្ម័គ្រចិត្តទាំងនេះ ៖
- ការពិនិត្យឈ្មោះពេញ ៖ ត្រូវប្រាកដថាឈ្មោះទាំងមូលរបស់មនុស្សម្នាក់ត្រូវបានធ្វើលិបិក្រមត្រឹមត្រូវ ។
- ការពិនិត្យគ្រួសារឡើងវិញ ៖ កំណត់អត្តសញ្ញាណសមាជិកទាំងអស់នៃគ្រួសារនៅក្នុងឯកសារប្រវត្តិសាស្ត្រ ដូច្នេះពួកគេអាចត្រូវបានបន្ថែមរួមគ្នាទៅក្នុងមែកធាងគ្រួសាររួម ។
- ផ្ទៀងផ្ទាត់កន្លែង ៖ កែលម្អភាពត្រឹមត្រូវនៃប្រត្តិរូបបុគ្គលនៅក្នុងមែកធាងគ្រួសាររួម ដោយភ្ជាប់ទីកន្លែងបទដ្ឋានទៅកន្លែងដែលមិនបានផ្ទៀងផ្ទាត់ ។
ទាញយក Get Involved App នេះដោយឥតគិតថ្លៃ !
៥. ស្វែងយល់ពីរបៀបដែលវប្បធម៌មួយផ្សេងទៀតប្រារព្ធពិធីបុណ្យគ្រីស្ទម៉ាស់
ចំណាយពេលខ្លះដើម្បីភ្ជាប់ជាមួយកេរតំណែលរបស់អ្នកនៅបុណ្យគ្រីស្ទម៉ាស់នេះ ។ តើអ្នកដឹងទេថា បុព្វការីជនរបស់អ្នកមកពីណា និងរបៀបដែលពួកគាត់អាចនឹងប្រារព្ធថ្ងៃបុណ្យនានា ? គោរពអនុស្សាវរីយ៍របស់ពួកគាត់ដោយរៀនពីប្រពៃណីបុណ្យគ្រីស្ទម៉ាស់មួយចំនួនពីស្រុកកំណើតរបស់ពួកគាត់ ។
បន្ទាប់មកពិចារណាថាតើប្រពៃណីអ្វីដែលអ្នកអាចចាប់ផ្តើម ឬបន្តធ្វើដែលអាចបន្ថែមអត្ថន័យដល់រដូវកាលនេះ ។
បំភ្លឺពិភពលោក
សម្រាប់គំនិតបន្ថែមអំពីរបៀបបម្រើអ្នកដទៃក្នុងរដូវកាលបុណ្យនេះ សូមចុចប៊ូតុងខាងក្រោម ។ អ្នកអាចប្រើកម្មវិធីជ្រើសរើសសេចក្ដីសប្បុរសដោយព្រាវៗ ដើម្បីបង្កើតគំនិតនានា ទាញយកការបោះពុម្ពដែលមានគំនិតនៃការបម្រើចំនួន ៥០ ហើយរកមើលថាតើ giving machine នៅជិតអ្នកដែរឬទេ ។
ដូចដែល ឆាលស៍ ឌីកខិនស៍ បានមានប្រសាសន៍ថា « អ្នកដែលសម្រាលបន្ទុករបស់អ្នកដ៏ទៃ គ្មាននរណាម្នាក់គ្មានប្រយោជន៍នៅក្នុងពិភពលោកនេះទេ » ។ នៅឆ្នាំនេះ សូមតបស្នងដល់អ្នកទាំងឡាយដែលបានជួយសម្រាលបន្ទុករបស់អ្នក ។ ចែករំលែកសេចក្តីសប្បុរសគ្រប់ទីកន្លែងដែលអ្នកទៅ ។ ហើយសូមអរគុណសម្រាប់ការធ្វើឲ្យពិភពលោកកាន់តែប្រសើរឡើង ដោយទង្វើសប្បុរសធម៌មួយម្ដងៗ !
