តើអ្នកធ្លាប់ឆ្ងល់ទេថា ហេតុអ្វីបានជាពួកបរិសុទ្ធថ្ងៃចុងក្រោយសង្កត់ធ្ងន់ម្តងហើយម្តងទៀតអំពីក្រុមគ្រួសារ និងតួនាទីរបស់ក្រុមគ្រួសារក្នុងជំនឿរបស់យើង ? គ្មាន·អ្វីជាមូលដ្ឋានជាងនេះទេ ។ ក្រុមគ្រួសារមានឥទ្ធិពលលើសុភមង្គលរបស់យើង ជះឥទ្ធិពលដល់សហគមន៍របស់យើង និងជះឥទ្ធិពលដល់យើង សូម្បីតែបន្ទាប់ពីស្លាប់ក្តី ។ ក្រុមគ្រួសារ ៖ ការប្រកាសអំពីក្រុមគ្រួសារ ថ្លែងថា « ហើយថាគ្រួសារជាផ្នែកដ៏សំខាន់មួយ នៅក្នុងផែនការរបស់ព្រះដ៏បង្កបង្កើត សម្រាប់គោលដៅដ៏នៅអស់កល្បជានិច្ចនៃកូនចៅរបស់ទ្រង់ » និង « ស្វាមី និងភរិយា មានការទទួលខុសត្រូវដ៏ឧឡារិកដើម្បីស្រឡាញ់ និងថែរក្សាគ្នាទៅរិញទៅមក ព្រមទាំងកូនចៅរបស់ខ្លួនផងដែរ ។ ‹ កូនចៅជាមរដកមកពីព្រះយេហូវ៉ា › ( ទំនុកដំកើង ១២៧:៣ ) » ( « ក្រុមគ្រួសារ ៖ ការប្រកាសអំពីក្រុមគ្រួសារ » នៅលើគេហទំព័រ ChurchofJesusChrist.org ) ។
បទចម្រៀងអង្គការបឋមសិក្សាដែលមានជាយូរយារមកហើយ គឺបទ « ខ្ញុំជាកូនរបស់ព្រះ » បង្រៀនថា មនុស្សគ្រប់គ្នានៅលើផែនដីគឺជាកូនរបស់ព្រះ អ្នកត្រូវបានបញ្ជូនមកទីនេះដើម្បីរស់នៅក្នុងក្រុមគ្រួសារ ហើយអ្នកអាចត្រឡប់ទៅរស់នៅជាមួយទ្រង់វិញ ។
ខ្ញុំជាកូនរបស់ព្រះ
ហើយទ្រង់បានចាត់ខ្ញុំមក
បានឲ្យផ្ទះខ្ញុំនៅលើផែនដី
ជាមួយឪពុកម្ដាយល្អ
នាំខ្ញុំដឹកខ្ញុំដើរនៅក្បែរខ្ញុំ
ជួយខ្ញុំឲ្យរកផ្លូវ ។
បង្រៀនខ្ញុំអ្វីដែលត្រូវធ្វើ
ដើម្បីរស់នៅនឹងទ្រង់ ។
លក្ខណៈដ៏នៅអស់កល្បជានិច្ចនៃក្រុមគ្រួសារ
នៅពេលដែលគ្រួសាររបស់អ្នកជួបជុំគ្នានៅពេលក្រោយ សូមផ្តោតយកចិត្តទុកដាក់ទៅលើអារម្មណ៍ដ៏ពិសិដ្ឋដែលមានវត្តមាន ។ អារម្មណ៍សប្បុរសធម៌ ការយល់ចិត្ត និងសេចក្ដីអាណិតអាសូរគួរតែជាគោលដៅ ។ ចំណងគ្រួសារត្រូវបានពង្រឹងបន្ថែមទៀតតាមរយៈអំណាចបព្វជិតភាព នៅពេលពួកគេផ្សារភ្ជាប់ជាមួយគ្នាសម្រាប់ពេលនេះ និងដ៏អស់កល្បជានិច្ចនៅក្នុងព្រះវិហារបរិសុទ្ធ ។ អំឡុងការងារបម្រើនៅលើផែនដីរបស់ទ្រង់ ព្រះយេស៊ូវគ្រីស្ទប្រទានអំណាចដល់សាវករបស់ទ្រង់ ពេត្រុសដើម្បី « ចងទុកអ្វីៗនៅផែនដី » នោះវានឹង « ចងទុកនៅលើស្ថានសួគ៌ដែរ » ( ម៉ាថាយ ១៦:១៩ ) ។ អំណាចដែលបានស្តារឡើងវិញម្តងទៀតនេះ ត្រូវបានហៅថា អំណាចនៃការផ្សារភ្ជាប់ ។ វាគឺជាសិទ្ធិអំណាចដើម្បីបង្រួបបង្រួមក្រុមគ្រួសារជារៀងរហូត គឺជាសិទ្ធិអំណាចដើម្បីបង្រួបបង្រួមក្រុមគ្រួសារជារៀងរហូត នៅពេលអនុវត្តដោយអ្នកតំណាងដែលមានសិទ្ធិអំណាចរបស់ព្រះ ។
ទង្វើដ៏ពិសិដ្ឋនៃការផ្សារភ្ជាប់ក្រុមគ្រួសារជាមួយគ្នាអាចអនុវត្តបានតែនៅក្នុងព្រះវិហារដ៍បរិសុទ្ធរបស់ព្រះអម្ចាស់ប៉ុណ្ណោះ ។ ប្រធាន ហែនរី ប៊ី អាវរិង បានមានប្រសាសន៍ថា « តាមរយៈសេចក្ដីសញ្ញានៃការផ្សារភ្ជាប់នៅក្នុងព្រះវិហារបរិសុទ្ធ យើងអាចទទួលបានការធានាថាទំនាក់ទំនងគ្រួសារពេញដោយការស្រឡាញ់ នឹងបន្តចងភ្ជាប់គ្នាក្រោយពីសេចក្ដីស្លាប់ ហើយនៅស្ថិតស្ថេរអស់កល្បជានិច្ច » ។ ( លីអាហូណា ខែឧសភា ឆ្នាំ២០២៤ ) ។
តើអ្នកធ្លាប់បានឆ្ងល់ទេថា តើទំនាក់ទំនងគ្រួសាររបស់អ្នកមានសភាពបែបណាមុនពេលអ្នកមកកាន់ផែនដីនេះដែរឬទេ ? តើជីវិតនឹងខុសគ្នាយ៉ាងណា បើអ្នកមកដោយគ្មានឪពុកម្ដាយ បងប្អូន ឬបុព្វការីជននោះ ? ព្រះវរបិតាសួគ៌មានចំណេះដឹងលើសពីការយល់ដឹងរបស់យើង ។ ផែនការរបស់ទ្រង់អាចឲ្យយើងបន្តនៅជាក្រុមគ្រួសារលើសពីសេចក្តីស្លាប់ តាមរយៈពិធីបរិសុទ្ធដ៏ពិសិដ្ឋនៅក្នុងព្រះវិហារបរិសុទ្ធបរិសុទ្ធ ។ ក្រុមគ្រួសារដើរតួនាទីដ៏សំខាន់នៅក្នុងការជួយគ្នាទៅវិញទៅមកដើម្បីប្រឈមមុខជាមួយបញ្ហានានានៃជីវិតប្រចាំថ្ងៃ ក៏ដូចជាណែនាំដល់ការរីកចម្រើនខាងវិញ្ញាណរបស់យើងផងដែរ ។
ក្រុមគ្រួសារគឺជាសាលានៃសេចក្តីស្រឡាញ់ និងការលូតលាស់ខាងវិញ្ញាណ
មេរៀនមួយក្នុងចំណោមមេរៀនដំបូងដែលបង្រៀននៅក្នុងព្រះគម្ពីរមរមន គឺមេរៀននៃសេចក្តីស្រឡាញ់ និងទំនាក់ទំនងគ្រួសារ ។ លីហៃបានឃើញនៅក្នុងការនិមិត្តពីដើមឈើជីវិត ដែលតំណាងឲ្យ « សេចក្តីស្រឡាញ់នៃព្រះ » ( សូមមើល នីហ្វៃទី១ ១១:២១–២២ ) ។ ផ្លែឈើនៅលើដើមតំណាងឲ្យពរជ័យនៃដង្វាយធួនរបស់ព្រះគ្រីស្ទ ។ នៅគ្រាដែលលីហៃទទួលទានផ្លែឈើនោះ ហើយព្រលឹងរបស់លោកពេញដោយ « សេចក្ដីអំណរជាអតិបរមា » លោកបានខិតខំចែកចាយអំណរនោះជាមួយគ្រួសាររបស់លោក ( សូមមើល នីហ្វៃទី១ ៨:១១-១២ ) ។ នៅពេលអ្នកផ្ដោតលើទំនាក់ទំនង និង ការភ្ជាប់ទៅនឹងបុព្វការីជនទាំងឡាយក្នុងគ្រួសារផ្ទាល់របស់អ្នក នោះអ្នកអាចចែកចាយ « ផ្លែឈើ » ដែលលីហៃចង់ចែកចាយជាមួយគ្រួសាររបស់លោកជាមួយនឹងរបស់អ្នក ។
ក្រុមគ្រួសារគឺជាការកំណត់ដ៏ល្អឥតខ្ចោះសម្រាប់ការបង្រៀន និងការរស់នៅតាមដំណឹងល្អរបស់ព្រះយេស៊ូវគ្រីស្ទ ។ « ឪពុកម្តាយមានកាតព្វកិច្ចដ៏ពិសិដ្ឋ ដើម្បីចិញ្ចឹមបីបាច់កូនចៅរបស់ខ្លួនដោយក្តីស្រឡាញ់ និងសេចក្ដីសុចរិត ផ្គត់ផ្គង់សេចក្តីត្រូវការ ទាំងខាងរូបកាយនិងខាងវិញ្ញាណរបស់ពួកគេ និងបង្រៀន ពួកគេឲ្យចេះស្រឡាញ់ និងបម្រើគ្នាទៅវិញទៅមក ចេះគោរពព្រះបញ្ញាត្តិទាំងឡាយនៃព្រះ ហើយធ្វើជាពលរដ្ឋល្អ ចេះគោរពច្បាប់គ្រប់ទីកន្លែង ដែលពួកគេរស់នៅ » ( « ក្រុមគ្រួសារ ៖ ការប្រកាសដល់ពិភពលោក » នៅលើគេហទំព័រ ChurchofJesusChrist.org ) ។ នៅពេលដែលសុភមង្គលដែលផ្តោតលើព្រះគ្រីស្ទ គឺជាចំណុចសំខាន់នៃការផ្តោតយកចិត្តរបស់យើង នោះគេហដ្ឋាន និងគ្រួសារក្លាយជាប្រភពដ៏ល្អបំផុតខាងវិញ្ញាណ និងសេចក្តីស្រឡាញ់ ។
នៅក្នុងគ្រួសារ អ្នកអាចរៀនអនុវត្តសេចក្តីស្រឡាញ់ ការអភ័យទោស និងការអត់ធ្មត់។ ក្នុងដំណើររឿងកូនខ្ជះខ្ជាយ បងប្រុសមិនចង់អបអរការវិលត្រឡប់របស់ប្អូនប្រុសគាត់ទេ ។ នៅក្នុងក្រុមគ្រួសាររបស់យើង ជារឿយៗអ្នកនឹងត្រូវស្វែងរកការអភ័យទោសពីគ្នាទៅវិញទៅមក ។ ប្រធាន ជែហ្វ្រី អ័រ ហូឡិន បានពន្យល់ថា ៖ « ទុកឲ្យមនុស្សប្រែចិត្ត ។ ទុកឲ្យមនុស្សរីកចម្រើន ។ ចូរជឿថា មនុស្សអាចផ្លាស់ប្តូរ និងកែលម្អ ។ ( « ‹ Remember Lot’s Wife’: Faith Is for the Future » [ ការប្រជុំធម្មនិដ្ឋាននៅសាកលវិទ្យាល័យព្រិកហាំ យ៉ង់ ថ្ងៃទី១៣ ខែមករា ឆ្នាំ២០០៩ ] នៅលើគេហទំព័រ speeches.byu.edu )
ការអធិស្ឋានជាគ្រួសារគឺជារបៀបដ៏ល្អមួយដើម្បីជួយនាំគ្រួសាររបស់អ្នកឲ្យកាន់តែជិតស្និទ្ធជាមួយគ្នាទៅវិញទៅមក ។ ការអធិស្ឋានជាគ្រួសារមានសារៈសំខាន់ខ្លាំង ដែលនៅពេលដែលព្រះយេស៊ូវគ្រីស្ទបានយាងទៅជួបពួកសាសន៍នីហ្វៃ ទ្រង់បានបញ្ជាពួកគេឲ្យ « អធិស្ឋាននៅក្នុងក្រុមគ្រួសារអ្នកដល់ព្រះវរបិតាដោយនូវនាមយើងជានិច្ច ដើម្បីឲ្យប្រពន្ធរបស់អ្នក និងកូនចៅរបស់អ្នកអាចបានពរ » ( នីហ្វៃទី៣ ១៨:២១ ) ។ អ្នកក៏នឹងស្គាល់កង្វល់ជាក់លាក់ និងការយល់ដឹងអំពីតម្រូវការរបស់គ្នាទៅវិញទៅមកក្នុងអំឡុងពេលអធិស្ឋានជាគ្រួសារផងដែរ ។ អ្នកក៏ប្រហែលជាចង់សាកល្បងចំណាយពេលមួយភ្លែតមុនពេលអធិស្ឋាន ដើម្បីរំឭកគ្នាទៅវិញទៅមកអំពីថា តើអ្នកនឹងអធិស្ឋានអំពីអ្វី និងអធិស្ឋានឲ្យនរណា ។ សូមមើលវីដេអូ « Family Prayer isn’t Just for Praying» ដើម្បីមើលពីរបៀបដែលគ្រួសារមួយធ្វើការអធិស្ឋាន ។ ( កំណត់ចំណាំ ៖ វីដេអូនេះបានថតជាភាសាអង់គ្លេស ប៉ុន្តែការបកប្រែដោយស្វ័យប្រវត្តិដែលផ្តល់ឲ្យដោយ YouTube មានជាភាសាផ្សេងៗ ។
សូមសិក្សាព្រះគម្ពីរទាំងឡាយ មេរៀន ចូរមកតាមខ្ញុំ សុន្ទរកថាពីសន្និសីទទូទៅ ឬតន្ត្រីពិសិដ្ឋគឺជារបៀបដើម្បី « ទទួលទាននូវព្រះបន្ទូលទាំងឡាយនៃព្រះគ្រីស្ទ ( នីហ្វៃទី២ ៣២:៣ ) ។ នៅពេលអ្នក « ទទួលទាន » ពាក្យទាំងនេះ អ្នកអាចលួងលោម និងដឹកនាំសមាជិកគ្រួសារ ហើយជួយគ្នាទៅវិញទៅមកដោះស្រាយបញ្ហាទាំងឡាយ ។ « ដ្បិតមើលចុះ ព្រះបន្ទូលទាំងឡាយនៃព្រះគ្រីស្ទនឹងប្រាប់ដល់អ្នកនូវគ្រប់អ្វីទាំងអស់ដែលអ្នកត្រូវធ្វើ » ( នីហ្វៃទី២ ៣២:៣ ) ។
នៅក្នុងវីដេអូនេះ ចូវ៉ា បានចែកចាយរឿងដ៏រំជួលចិត្តមួយអំពីរបៀបដែលគ្រួសាររបស់គាត់ត្រូវបានពង្រឹង ដោយព្រោះប្អូនប្រុសទើបកើតបានស្លាប់របស់គាត់ ។ សេចក្តីស្លាប់នេះ បានប៉ះពាល់ដល់គ្រួសាររបស់គាត់យ៉ាងខ្លាំង ។ ដោយមានជំនួយ និងការគាំទ្រពីថ្នាក់ដឹកនាំសាសនាចក្រក្នុងមូលដ្ឋាន ឪពុកម្តាយ និងគ្រួសាររបស់គាត់បានផ្សារភ្ជាប់ជាមួយគ្នានៅក្នុងព្រះវិហារ ។ វាជាពេលវេលាដ៏ពិសេសបំផុតសម្រាប់មនុស្សគ្រប់គ្នាដែលបានចូលរួម ។ « យើងទទួលអារម្មណ៍ជាច្រើនដងថា ប្អូនប្រុសរបស់ខ្ញុំនៅក្បែរពួកយើង ។ ខ្ញុំទទួលអារម្មណ៍ដឹងនូវវត្តមានរបស់គាត់ ។ វាជាការល្អក្នុងការដឹងថាខ្ញុំមានប្អូនប្រុសម្នាក់ ខ្ញុំអាចទទួលអារម្មណ៍បាន ។ គាត់ជាចំណែកមួយក្នុងគ្រួសារនេះ ហើយគាត់តែងតែជាផ្នែកមួយនៃគ្រួសារតាំងពីដើមរៀងមក »។
វីដេអូនេះត្រូវបានថតជាភាសាព័រទុយហ្គាល់ និងមានអក្សររត់នៅលើអេក្រង់ជាភាសាអង់គ្លេស ។ ការបកប្រែដោយស្វ័យប្រវត្តិដែល YouTube ផ្ដល់ជាភាសាផ្សេងៗ ប៉ុន្តែអាចមានកំហុសម្តងម្កាល ។
នៅពេលអ្នកខិតខំចាប់ផ្តើមដំណើរដ៏បំផុសគំនិតនៃពង្សប្រវត្តិរបស់អ្នក សូមពិចារណាពីក្រុមគ្រួសារទាំងអស់ដែលកើតមកពីមុនអ្នក ។ សូមគិតពីកិច្ចការដែលពួកគេបានធ្វើដើម្បីរក្សាក្រុមគ្រួសាររបស់ពួកគេឲ្យមានសុវត្ថិភាព និងការពារខាងរាងកាយ និងខាងវិញ្ញាណពេញមួយឆ្នាំ ។ សូមពិចារណាពីការពលិកម្មដែលពួកគេបានធ្វើដើម្បីរក្សាកំណត់ត្រាទាំងឡាយ បង្រៀនកូនៗរបស់ពួកគេ និងបន្តនៅរឹងមាំខណៈប្រឈមមុខនឹងទុក្ខលំបាក ។
ខណៈដែលអ្នកខិតខំភ្ជាប់ទំនាក់ទំនងជាមួយសមាជិកគ្រួសារទាំងនេះតាមរយៈកិច្ចការព្រះវិហារបរិសុទ្ធ និងពង្សប្រវត្តិ សូមទាញយកកម្លាំង ជំនឿ និងភាពក្លាហានរបស់ពួកគេដើម្បីជួយអ្នកនៅក្នុងដំណើររបស់អ្នក ។ ការចែកចាយបទពិសោធន៍របស់អ្នកជាមួយសមាជិកគ្រួសារនឹងផ្ដល់ពរ និងការបំផុសគំនិតដល់ពួកគេដើម្បីចូលរួមធ្វើកិច្ចការនេះ ។ អែលឌើរ ឃ្វីនថិន អិល ឃុក បានសន្យាថា ប្រសិនបើអ្នក « ជួយដល់អស់អ្នកដែលមិនអាចជួយខ្លួនឯងបាន នោះអ្នកនឹងទទួលបានពរនូវភាពកាន់តែជិតស្និទ្ធ និងអំណរនៅក្នុងគ្រួសាររបស់អ្នក » ( Ensign ខែកុម្ភៈ ឆ្នាំ២០១៦ ) ។
អត្ថបទដែលទាក់ទង
នៅ កម្មវិធីស្រាវជ្រាវក្រុមគ្រួសារ យើងយកចិត្តទុកដាក់លើការភ្ជាប់អ្នកទៅនឹងគ្រួសាររបស់អ្នក ហើយយើងផ្ដល់ជូននូវបទពិសោធន៍រុករកដ៏រីករាយ ព្រមទាំងសេវាកម្មពង្សប្រវត្តិដោយឥតគិតថ្លៃ ។ ហេតុអ្វី ? ព្រោះយើងឲ្យតម្លៃដល់ក្រុមគ្រួសារ ហើយជឿថា ការភ្ជាប់មនុស្សជាច្រើនជំនាន់អាចធ្វើឲ្យជីវិតរបស់យើងបានកាន់តែប្រសើរឡើងនាពេលឥឡូវនេះ និងជារៀងរហូតតទៅ ។ យើងគឺជាអង្គការដែលមិនស្វែងរកប្រាក់កម្រៃ ដោយទទួលបានការឧបត្ថម្ភពីសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ ដើម្បីរៀនបន្ថែមទៀតអំពីជំនឿរបស់យើង សូមចុចត្រង់នេះ ។
