តើចង់ចូលរួមសន្និសីទ RootsTech តាមអនឡាញដោយឥតគិតថ្លៃដែរឬទេ ? សូមស្វាគមន៍មកកាន់គេហទំព័រ RootsTech ឆ្នាំ២០២៥ ! មិនថាអ្នកមកទីនេះជាលើកដំបូង ឬអ្នកជាជើងចាស់ RootsTech នោះទេ សូមមកចូលរួម កាលយើងស្វែងយល់ពីមុខងារពិសេសសំខាន់ៗចំនួន ៧ នៃបទពិសោធន៍ RootsTech ឆ្នាំ២០២៥ តាមអនឡាញជាសកល ។
១. គេហទំព័រដើម
សន្និសីទ RootsTech ចាប់ផ្តើមជាផ្លូវការនៅ ថ្ងៃព្រហស្បតិ៍ ទី៦ ខែមីនា ឆ្នាំ២០២៥ ។ មាតិកាវេទិកាចម្បងសម្រាប់សន្និសីទនេះនឹងមាននៅលើ គេហទំព័រដើមរបស់ RootsTech.org តែម្ដង ។ នៅទីនេះ អ្នកនឹងរកឃើញសម័យប្រជុំសំខាន់ប្រចាំថ្ងៃពីវាគ្មិនល្បីៗ និងសម័យប្រជុំថ្នាក់រៀនផ្សាយបន្ដផ្ទាល់ ។
២. ស្រាវជ្រាវ
ប្រសិនបើអ្នកចេះនិយាយច្រើនជាងមួយភាសា អ្នកអាចប្រើមុខងារ ស្រាវជ្រាវ ដើម្បីស្វែងរកសម័យប្រជុំរបស់យើងណាមួយក្នុងចំណោមសម័យប្រជុំចំនួន ១៥០០ ដែលមាន ៤០ ភាសា ។
៣. កាលវិភាគ RootsTech ឆ្នាំ២០២៥
សូមមើលកាលវិភាគឆ្នាំ២០២៥ ដើម្បីប្រាកដថា អ្នកមិនខកខានសម័យប្រជុំផ្សាយបន្ដផ្ទាល់ណាមួយដែលអ្នកចាប់អារម្មណ៍ឡើយ ។ អ្វីថ្មីសម្រាប់ RootsTech នៅឆ្នាំនេះ គឺសមត្ថភាពក្នុងការបង្កើតកាលវិភាគផ្ទាល់ខ្លួនរបស់អ្នកផ្ទាល់ អំពីថ្នាក់រៀនទាំងឡាយដែលអ្នកចង់ចូលរួមនៅក្នុងសន្និសីទនេះ ។ នៅពេលអ្នកបានចូលហើយ អ្នកអាចរកមើលទំព័រកាលវិភាគនៃមាតិកាផ្សាយបន្ដផ្ទាល់ និងមាតិកាតាមតម្រូវការ ហើយចុចលើ ប៊ូតុងកាលវិភាគ (+) នៃសម័យប្រជុំមួយ ដើម្បីបន្ថែមសម័យប្រជុំនោះទៅក្នុងកាលវិភាគផ្ទាល់ខ្លួនរបស់អ្នក ។
កាលវិភាគរបស់អ្នកនឹងអាចចូលប្រើបានក្នុងអំឡុងសន្និសីទនេះ ដោយការចុចលើម៉ឺនុយ ព្រឹត្តិការណ៍ RootsTech ។ អ្នកក៏អាចមើលកាលវិភាគរបស់អ្នកបានផងដែរ ដោយការចូល ហើយចុចលើ avatar របស់អ្នកនៅជ្រុងខាងស្តាំផ្នែកខាងលើនៃអេក្រង់ ហើយជ្រើសរើស កាលវិភាគរបស់ខ្ញុំ ។
៤. បញ្ជីចាក់របស់ខ្ញុំ
មុខងារពិសេសមួយទៀតសម្រាប់បទពិសោធន៍ RootsTech តាមអនឡាញឆ្នាំ២០២៥ គឺបញ្ជីចាក់របស់ខ្ញុំ ។ អ្នកអាចបង្កើតបញ្ជីចាក់ជាច្រើន ដើម្បីរៀបចំមាតិកា RootsTech ណាមួយ និងមាតិកាទាំងអស់ ។ សូមបង្កើតបញ្ជីចាក់ផ្ទាល់ខ្លួន ដូចជាបញ្ជីមួយអំពី ឌី.អិន.អេ. ឬបញ្ជីមួយអំពីការចាប់ផ្តើមពង្សប្រវត្តិ ហើយបន្ទាប់មក សូមរកមើលវីដេអូនៅលើគេហទំព័រនេះ រួចបន្ថែមសម័យប្រជុំនានាទៅក្នុងបញ្ជីរបស់អ្នក ។
បញ្ជីចាក់របស់អ្នកនឹងអាចប្រើបានរហូត ! អ្នកអាចចូលប្រើវាបាន ដោយការចុចលើម៉ឺនុយ មើលវីដេអូ នៅផ្នែកខាងលើនៃកម្មវិធីរុករករបស់អ្នក ហើយបន្ទាប់មកជ្រើសរើស បញ្ជីចាក់របស់ខ្ញុំ ។
៥. សាលពិព័រណ៍
សាលពិព័រណ៍ RootsTech ឆ្នាំ២០២៥ នឹងមានតាមអនឡាញ ក៏ដូចជាមានដោយផ្ទាល់ផងដែរ ។ ដើម្បីចូលទៅកាន់ សាលពិព័រណ៍ តាមអ៊ីនធឺណិត សូមចុចលើម៉ឺនុយ ព្រឹត្តិការណ៍ RootsTech នៅផ្នែកខាងលើនៃទំព័រនេះ ។ នៅក្រោមផ្នែក RootsTech ឆ្នាំ២០២៥ នៃបញ្ជីទម្លាក់ចុះ សូមជ្រើសរើស សាលពិព័រណ៍ ។
នៅក្នុងសាលពិព័រណ៍ អ្នកអាចរកឃើញក្រុមហ៊ុន និងអង្គការនវានុវត្តន៍នានានៅទូទាំងឧស្សាហកម្មពង្សប្រវត្តិ និងមើលការបង្ហាញផលិតផល និងថ្នាក់រៀនផ្សេងៗរបស់អ្នកលក់ ។ សូមប្រាកដថាបានពិនិត្យមើលស្តង់របស់អ្នកលក់នីមួយៗ ដើម្បីស្វែងយល់អំពីភាពពិសេសនៃសន្និសីទ ! អ្នកលក់នឹងផ្តល់ជំនួយផ្ទាល់ខ្លួន ដោយប្រើមុខងារឈែតសន្និសីទ ។
សូមប្រាកដថាទៅទស្សនាសាលពិព័រណ៍ឲ្យបានឆាប់ ដើម្បីកុំឲ្យអ្នកខកខាននូវមាតិកា និងការផ្ដល់ជូនដែលមានសម្រាប់តែសន្និសីទណាមួយប៉ុណ្ណោះឡើយ ! ដោយមានក្រុមហ៊ុនជាង ១៣០ មកចូលរួម វានឹងមានអ្វីមួយសម្រាប់អ្នករាល់គ្នាដើម្បីរីករាយ និងស្វែងយល់ ។
៦. មុខងារឈែត
មុខងារឈែតនៅលើគេហទំព័រ RootsTech នឹងមានពេញមួយឆ្នាំ ។ វាអាចរកឃើញបាន ដោយការចុចលើ រូបតំណាងសារ នៅផ្នែកខាងលើនៃគេហទំព័រនេះ ។ អ្នកអាចចូលប្រើឈែតបានចេញពីទំព័រ RootsTech ណាមួយ ។
មុខងារឈែតអាចត្រូវបានប្រើសម្រាប់ទាំងការសន្ទនាជាឯកជន និងជាសាធារណៈ ។ ការសន្ទនាជាឯកជនគឺរវាងអ្នក និងបុគ្គលម្នាក់ទៀត អ្នកលក់នៅសាលពិព័រណ៍ ឬអ្នកតំណាង RootsTech ( សូមមើលមុខងារជំនួយ សួរយើងអ្វីក៏បាន នៅក្នុងផ្នែកបន្ទាប់នេះ ) ។ ការសន្ទនាជាសាធារណៈ រួមមានក្រុមណាមួយដែលបានបង្កើតដោយអ្នកចូលរួម ក្រុមសម័យប្រជុំ ឬក្រុម RootsTech ។ ក្រុមតូចមួយដែលបានបង្កើតក្នុងចំណោមមិត្តភក្តិ ក៏ជាក្រុមសាធារណៈផងដែរ ហើយអ្នកទាំងឡាយដែលចូលរួមក្នុងសន្និសីទនេះអាចមើល និងចូលរួមវាបាន ។
សូមកុំភ្លេចអំពីឈែតសម័យប្រជុំបង្កប់ ដែលមាននៅក្នុងសម័យប្រជុំនីមួយៗ ។ ការណ៍នេះអនុញ្ញាតឲ្យអ្នកឈែតជាមួយអ្នកចូលរួមផ្សេងទៀត ដែលកំពុងមើលថ្នាក់រៀនដូចគ្នា !
៧. មុខងារជំនួយ
មុខងារជំនួយអាចរកបាន ដោយការចុចលើ សញ្ញាសួរក្នុងរង្វង់ នៅខាងស្តាំផ្នែកខាងលើនៃគេហទំព័រ RootsTech ។ អ្នកក៏អាចបើកប្រើ « សួរយើងអ្វីក៏បាន » ក្នុងអំឡុងសន្និសីទបានផងដែរ ដោយការចុចលើ ប៊ូតុង ឈែត ដែលអណ្តែតនៅជ្រុងខាងក្រោមផ្នែកខាងស្តាំ ឬនៅលើអេក្រង់របស់អ្នក ។
មុខងារជំនួយសន្និសីទ RootsTech ត្រូវបានបែងចែកជា ៣ ផ្នែក ៖ ជំនួយមួយទល់មួយ ជំនួយសហគមន៍ និងជួយខ្លួនឯង ។
- ជំនួយមួយទល់មួយ រួមមានឈែតសន្និសីទ សួរយើងអ្វីក៏បាន និង ជំនួយស្រាវជ្រាវសម័យប្រជុំស្រាវជ្រាវតាមអ៊ីនធឺណិត ។ សួរយើងអ្វីក៏បាន នឹងមាន ២៤/៧ ក្នុងអំឡុងពេល ៣ ថ្ងៃពេញនៃ RootsTech ហើយជំនួយស្រាវជ្រាវ នឹងមានគ្រប់ពេលដោយដាក់ការណាត់ជួប ។ ( ជំនួយស្រាវជ្រាវ នឹងមានតែជាភាសាមួយចំនួនប៉ុណ្ណោះ ) ។
- ជំនួយសហគមន៍ នាំអ្នកចូលរួមទៅកាន់ សហគមន៍កម្មវិធីស្រាវជ្រាវក្រុមគ្រួសារ ដែលនរណាក៏អាចសួរ ឬឆ្លើយសំណួរបាន និងចូលរួមក្នុងក្រុមពិភាក្សា ។ ( ក្រុមមួយចំនួន និងក្រុមពិភាក្សាខ្លះនៅក្នុង ជំនួយសហគមន៍ នឹងមានតែជាភាសាមួយចំនួនប៉ុណ្ណោះ ) ។
- ជួយខ្លួនឯង នាំអ្នកចូលរួមទៅកាន់ ស.ស.ញ. អំពី RootsTech ទៅកាន់ មជ្ឈមណ្ឌលផ្ដល់ជំនួយកម្មវិធីស្រាវជ្រាវក្រុមគ្រួសារ និងអ្នកជំនាញដែលមានក្នុងអំឡុងសន្និសីទនៅក្នុងសាលពិព័រណ៍ ។
តើ RootsTech គឺជាអ្វី ?
RootsTech គឺជាកន្លែងមួយដើម្បីរៀន ទទួលបានការបំផុសគំនិត និងបង្កើតទំនាក់ទំនងតាមរយៈពង្សប្រវិត្ត ។ រៀបចំដោយ កម្មវិធីស្រាវជ្រាវក្រុមគ្រួសារ និងឧបត្ថម្ភដោយអង្គភាពពង្សាវលីឈានមុខគេផ្សេងទៀត យើងមានថ្នាក់ជំនាញរាប់រយ វីដេអូអំពីគន្លឹះ និងដំណោះស្រាយ និងដំណើររឿងដ៏បំផុសគំនិតជាច្រើន ដែលអាចជួយអ្នកឲ្យទទួលបានបទពិសោធន៍ពង្សប្រវត្ដិដែលអ្នកមិនធ្លាប់មានពីមុនមក ។ សូមចូលមើលបណ្ណាល័យសិក្សារបស់យើងនៅពេលណាក៏បាន ឬដាក់ផែនការដើម្បីចូលរួមនឹងយើងសម្រាប់ព្រឹត្ដិការណ៍សន្និសីទតាមអ៊ីនធឺណិត ឬដោយផ្ទាល់ ។
