მსოფლიოში ყველაზე დიდი უფასო ონლაინ ოჯახური ხე

ჩემი ოჯახური ხე მხოლოდ ოთხ თაობას ითვლიდა, მაგრამ მე ვიცოდი, რომ ზოგიერთ ნათესავს გვერდითი ხაზიდან კონტინენტურ ჩინეთში სქელტანიანი გენეალოგიური წიგნი (ჯიაფუ) ჰქონდა. მამა უკვე გარდაცვლილი იყო, არ ვიცნობდი ნათესავებს კონტინენტური ჩინეთიდან და მათთან დაკავშირების არანაირი საშუალება არ მქონდა. 2020 წლის შუა ოქტომბერში შევნიშნე, რომ FamilySearch-ს ჰქონდა ახალი ფუნქცია. მე გამოვიყენე ეს ხელსაწყო, რათა ჯერ მომეძიებინა წინაპრების თაობის იეროგლიფები და შემდეგ მივყევი ხაზს, რათა მეპოვა ჩემი მამის, პაპისა და დიდი პაპის სახელები. ასე მეგონა, ერთგვარი განძის ძიებაში ვიყავი თითქოს. მე ვერ წარმომედგინა, ჩემი კლანი ამხელა თუ იქნებოდა — ადამიანებს იმავე თაობის იეროგლიფებით რამდენიმე ტომი შეევსოთ — მე ისინი გვერდიდან გვერდზე მოთმინებით უნდა მეძია. ორი დღის ძიების შემდეგ ბოლოსდა��ოლოს მე მივაკვლიე სასურველ ინფორმაციას. ჩემს გულში ენით აღუწერელი სიხარული სუფევდა. ეს მართლაც შეუფასებელი საგანძურია.

[The FamilySearch-ის] გუნდმა გასულ წელს გამართა Zoom-ის სემინარი სინგაპურის გენეალოგიური საზოგადოებისთვის, სადაც წარმოადგინა FamilySearch-ის პროგრამული უზრუნველყოფა და მისი ვრცელი მონაცემთა ბაზა. მათი აქტიური მონაწილეობა ჩეთის ჯგუფში ბევრ GSS-ის წევრს თავიანთი წინაპრების კვლევაში ეხმარება. ამან ნათლად წარმოაჩინა ამ დიდებული გუნდის საქმისადმი სიყვარული და პროფესიონალიზმი.
Family Search-ის მონაწილეობა 2022 წლის ჩინური ახალი წლისთვის მიკროგვერდის შექმნაში სინგაპურის ჩინეთის კულტურულ ცენტრთან ერთად ძალიან მაღალ დონეზე შეფასდა.

შანხაის ბიბლიოთეკამ და FamilySearch-მა ერთად მუშაობა პირველად გასული საუკუნის ბოლოს დაიწყეს და ჩვენი ოფიციალური პარტნიორობა, რომელიც მოიცავდა ჩინეთის კლანის გენეალოგიებთან (ჯიაფუ) დაკავშირებული მონაცემების შეგროვებას, ორგანიზებას, კვლევასა და მომსახურებას 20 წელზე მეტ ხანს გაგრძელდა. კლანების გენეალოგია დოკუმენტურად ასახავს წარმომავლობას, ცალკეულ პირებსა და საქმიან დოკუმენტებს გაფართოებული ოჯახებიდან, რომლებსაც საზიარო ჩამომავლობა ჰქონდათ. ეს არის კაცობრიობის კულტურული მემკვიდრეობის მნიშვნელოვანი ნაწილი და გენეალოგიის, აკადემიური კვლევისა და სოციალური ჰარმონიის დამყარებისთვის არსებითი ხელსაწყოებია. ეს მეტად შეესაბამება FamilySearch-ის მიერ გენეალოგიის გაგებას.