Սկզբնաղբյուրի կցում մի քանի կողակից ունեցող անձին

Ցուցադրել ճիշտ կողակցին

Երբ անձը տոհմածառում ունի մեկից ավելի կողակից, և Սկզբնաղբյուրի կապորդի աջ սյունակում ճիշտ կողակիցը չի ցուցադրվում, հետևեք ստորև նշված հրահանգներին՝ կողակիցներին փոխելու և ճիշտը ցուցադրելու համար:

1. Աջ սյունակում գտեք սխալ կողակցին: 
2. Սխալ կողակցի տեղեկություններից ներքև ընտրեք «Փոխել կողակցին» և ընտրեք ճիշտ կողակցին: 
3. Եթե ձախ կողմում գտնվող տեղեկությունը չի համընկնում աջ կողմում գտնվող ճիշտ անձի հետ, քաշեք և գցեք տեղեկությունը ճիշտ վայրում: 

change spouse Top Image.png

Change Spouse_2nd Image.png

1 of 2

Եթե դուք չեք տեսնում ճիշտ կողակցին.

1. Վերադարձեք անձի էջ և ստուգեք ամուսիններին։ Եթե դեռ չեք տեսնում ճիշտ կողակցին, օգտագործեք պատմական գրառումները՝ անհայտ կորած ամուսնու մասին տեղեկություններ գտնելու համար: 
2. Օգտագործելով այս տեղեկությունը՝ անհայտ կորած կողակցին ավելացրեք տոհմածառին: 
3. Վերադարձեք Սկզբնաղբյուրի կապորդին և կցեք սկզբնաղբյուրը։ 

Ցուցադրել ճիշտ երեխաներին

Սկզբնաղբյուրի կապորդի աջ սյունակում գտնվող երեխաները կախված են ցուցադրվող ծնողներից: Եթե դուք չեք տեսնում այն երեխաներին, ում ցանկանում եք տեսնել, նրանք գուցե մեկ այլ կողակցի երեխաներն են: Այս երեխաներին դիտելու համար.

1. Ընտրեք «Փոխել կողակցին» և ընտրեք այն կողակցին, ով այն երեխաների ծնողն է, ում ցանկանում եք տեսնել: Եթե ճիշտ կողակիցը չի երևում որպես տարբերակ, գուցե հարկ լինի, որ այդ կողակցին ավելացնեք Տոհմածառին:   
2. Եթե ձախ կողմում գտնվող տեղեկությունը չի համընկնում աջ կողմում գտնվող ճիշտ անձի հետ, քաշեք և գցեք տեղեկությունը ճիշտ վայրում:  

Կցել սկզբնաղբյուրը

Ձախ սյունակում գտնվող բոլոր մարդկանց համար, ովքեր համընկնում են աջ կողմում.

1. Ընտրեք «Համեմատել»: 
2. Ստուգեք տեղեկատվությունը:  
3. Եթե տեղեկատվությունը ճիշտ է, Սկզբնաղբյուրը կցելու պատճառի վանդակում բացատրեք, թե ինչու եք սկզբնաղբյուրը կցում:   
4. Այդ գրառումը տոհմածառի անձին կցելու համար ընտրեք Կցել:  

Եթե դուք որոշեք, որ երեխան կապված է սխալ ծնողի հետ, հետևեք հրահանգներին Ինչպե՞ս կարող եմ ուղղել ծնող-երեխա կապերը տոհմածառում: Երբ կապերը ճիշտ են, վերադարձեք Սկզբնաղբյուրի կապորդին և կցեք սկզբնաղբյուրները:

Ինչու՞ եմ տեսնում սխալի պատկերակներ 

Սխալի պատկերակները կարող են հայտնվել մի քանի պատճառներով. օրինակ, գուցե այն սկզբնաղբյուրը, որը դուք փորձում եք կցել, արդեն կցված է մեկ ուրիշին:

• Սխալի բացատրությունը սովորաբար հայտնվում է սխալի պատկերակի ձախ կողմում: Եթե ոչ, ապա մկնիկի նշանը պահեք պատկերակի վրա՝ բացատրությունը տեսնելու համար: 

Մի քանի կողակիցների հետ գործ ունենալիս դուք կարող եք նաև ժամանակավորապես տեսնել սխալի պատկերակները, երբ գրառումը պարունակում է երեխաներ, որոնք պատկանում են մեկ այլ կողակցին: Այս դեպքում ոչինչ պետք չէ անել։ Երբ վերադառնաք այն կողակցին, որը երեխաների ծնողն է, սխալի պատկերակները կվերանան: