Ինչպե՞ս կարող եմ հաղորդել չարաշահումների, սպամի, անպատշաճ նյութերի և այլ բովանդակության մասին:

Խնդրում ենք հաղորդել ցանկացած չարաշահման կամ անպատշաճ բովանդակության մասին, որին հանդիպում եք FamilySearch-ում՝ օգտագործելով «Հաղորդել չարաշահման մասին» գործառույթը:

Եթե ինչ-որ մեկը ձեզ անցանկալի հաղորդագրություններ է ուղարկում, կարող եք լռեցնել այդ անձին: Դրանից հետո նրա հաղորդագրությունները ձեզ այլևս տեսանելի չեն լինի: Մանրամասների համար տե՛ս առնչվող հոդվածների տեղեկատվությունը:

Ի՞նչն է համարվում չարաշահում

Չարաշահումը, այս դեպքում սահմանվում է որպես FamilySearch-ում պահպանված ցանկացած նյութ, որը կհամարվի վիրավորական կամ անպատշաճ, ինչպես օրինակ.
 

• Վիրավորական խոսքեր կամ բովանդակություն
• Տեղեկություններ, որոնք կարող են վնասել կամ անհարմար դրության մեջ դնել ապրող հարազատներին
• Հղումներ՝ անպատեհ բովանդակությամբ արտաքին վեբ էջերի
• Հայտեր ձեռնարկատիրական կամ հետազոտական ծառայությունների համար
• Ահաբեկում
• Քաղաքական հայտարարություն
• Հեղինակային իրավունքի խախտում

FamilySearch-ի չարաշահումը ներառում է նաև Հիսուս Քրիստոսի Վերջին Օրերի Սրբերի Եկեղեցու հայրապետական օրհնությունների կամ տաճարային պաշտոնական գրառումների տեղադրում այս վայրերից որևէ մեկում.

• Քննարկումներ
• Նշումներ
• Հիշողություններ
• Համառոտ կենսագրություն

Ի՞նչը չի համարվում չարաշահում

Գրառումների սխալները կամ փոփոխությունները չարաշահում չեն համարվում: Եթե հարցեր ունեք գրառումներում ոչ դիտավորությամբ կամ պոտենցիալ չարամտությամբ հայտնված սխալների վերաբերյալ, որոնք չեք կարող լուծել, խնդրում ենք կապվել FamilySearch Support-ի հետ:

Մեր հիմնական քաղաքականությունը սահմանված է FamilySearch Rights and Use Information-ում, որը կարելի է գտնել FamilySearch-ի գրեթե բոլոր էջերի ստորին մասում։

Քայլեր (կայք)

1. Բացեք FamilySearch-ի այն հատվածը, որտեղ կարող եք հաղորդել չարաշահումների մասին.
   
   1. Գործիքներ․ Անհատի անձնական էջում Գործիքներ-ի ներքո փնտրեք Հաղորդել չարաշահման մասին։
   2. Հիշողության դիտակ․ Հիշողության դիտակում վերևի աջ անկյունում փնտրեք Հաղորդել չարաշահման մասինկապուղին։
   3. Հաղորդագրություններ․ Հաղորդագրության կողքին սեղմեք անձի անունը և սեղմեք Հաղորդել չարաշահման մասին.
   4. Աղբյուրներ՝ կցված անհատներին․ Սեղմեք որևէ աղբյուրի վրա։ Հաղորդել չարաշահման մասին հղումը ցուցադրվում է սկզբնաղբյուրի վերնագրի տակ:
   5. Կապերին կից սկզբնաղբյուրներ․ Գնացեք անհատի անձնական էջ: Ոլորեք Ընտանիքի անդամներ բաժինը, և սեղմեք Խմբագրել պատկերակը։ Սեղմեք աղբյուրը Կապերի սկզբնաղբյուրներ բաժնից։ Հաղորդել չարաշահման մասին գտնվում է աղբյուրի վերնագրի տակ։
2. Լրացրեք պահանջվող տեղեկատվությունը և սեղմեք Ուղարկել: Բոլոր հաղորդումները մնում են գաղտնի։

Քայլեր (բջջային հավելված)

Դուք կարող եք զեկուցել վիրավորական հաղորդագրության մասին, որը ստանում եք FamilySearch Messages-ում:

1. Բացեք FamilySearch հավելվածը ձեր բջջային սարքի վրա։
2. Ձեր էկրանի ներքևի աջ անկյունում հպեք Ավելին։ Ապա սեղմեք Հաղորդագրություններ։
3. Սեղմեք այն հաղորդագրության վրա, որի մասին ցանկանում եք զեկուցել։
4. Ձեր էկրանի վերին աջ անկյունում հպեք երեք կետերին (․․․), ապա՝ հպեք Հաղորդել չարաշահման մասին։
5. Գրեք ձեր պատճառաբանությունը և ձեր էկրանի վերևի աջ անկյունում սեղմեք Ուղարկել։

Քայլեր (Family Tree Lite)

Family Tree Lite-ում չարաշահումների հաղորդման կոճակներ չկան: Այնուամենայնիվ, դուք կարող եք ոլորել դեպի ցանկացած էջի ներքևի մասը և սեղմել Կարծիք և աջակցություն՝ հնարավոր չարաշահումների մասին մեզ հաղորդագրություն ուղարկելու համար։

Առնչվող հոդվածներ

Ինչպե՞ս լռեցնել կամ արգելափակել որևէ մեկի՝ ինձ ուղղված հաղորդագրությունները:
Որո՞նք են քննարկումների և հաղորդագրությունների կանոնները:
Ի՞նչ կանոններ են կիրառվում FamilySearch.org-ում հիշողությունները վերբեռնելու համար: