Kouman pou m rapòte abi, kourye endezirab (spam,) souvni inapwopriye, ak lòt bagay?

Silvouplè, pou rapòte nenpòt abi oubyen kontni ki pa apwopriye w jwenn sou sit FamilySearch la, itilize fonksyon "Rapòte Abi" a.

Si yon moun voye mesaj endezirab ba ou, ou ka bloke moun nan. Apresa, mesaj li yo p ap vizib pou ou ankò. Gade nan enfòmasyon ki nan seksyon atik ki An Rapò yo pou detay.

Kisa ki konsidere kòm abi?

Abi, nan ka sa a, defini kòm nenpòt materyèl ki sovgade nan FamilySearch ke yon moun ta ka konsidere kòm ofansif oubyen inapwopriye, tankou bagay suivan yo:
 

• Langaj oubyen kontni ofansif
• Enfòmasyon ki ta ka deranje oubyen anbarase manm fanmi ki vivan yo
• Lyen ki mennen nan paj entènèt ekstèn ki gen kontni ki pa apwopriye
• Solisitasyon pou biznis oubyen sèvis rechèch
• Arasman
• Deklarasyon Politik
• Vyolasyon Dwa otè

Abi nan FamilySearch enplike piblikasyon benediksyon patriyakal oubyen rejis tanp Legliz Jezikri pou Sen Dènye Jou yo nan nenpòt nan domèn sa yo anba la a:

• Diskisyon
• Nòt
• Souvni
• Byrografi sou Lavi yon moun

Kisa ki pa konsidere kòm abi?

Nou pa konsidere erè oubyen chanjman nan rejis yo kòm abi. Si w gen kesyon konsènan erè aksidantèl oubyen potansyèlman malveyan nan rejis yo ke w pa ka rezoud, silvouplè kontakte Sipò FamilySearch.

Politik santral nou defini nan seksyon Kondisyon Itilizasyon FamilySearch la, ki nan anba majorite paj nan sit FamilySearch la.

Etap (sit entènèt)

1. Ale nan yon kote nan FamilySearch kote w ka rapòte abi:
   
   1. Zouti: Sou paj Pèsojnèl yon moun, gade nan Zouti pou w ka jwenn lyen Rapòte Abi a.
   2. Vitrin souvni: Nan afichaj bagay pou wè yo, gade anlè sou kwen dwat la pou w chèche lyen Rapòte abi a.
   3. Mesaj: Klike sou non moun nan bòkote yon mesaj, epi klike sou Rapòte Abi.
   4. Sous ki atache a moun: Klike sou sous. Lyen Rapòte Abi a ap parèt anba tit sous la.
   5. Sous ki atache a relasyon: Navige al sou paj pèsonèl yon moun. Glise al sou seksyon Manm Fanmi an,epi klike sou senbòl Edite a. Klike sou yon ous nan seksyon Sous Relasyon an. Lyen Rapòte Abi a anba tit sous la.
2. Ranpli enfòmasyon nesesè a, epi klike sou Soumèt. Tout rapò rete konfidansyèl.

Etap (app pou aparèy mobil)

Ou ka rapòte yon mesaj ofansif ke w resevwa nan FamilySearch.

1. Ouvri app FamilySearch la sou telefòn ou an.
2. Sou anlè kwen dwat ekran ou nan, tape sou Plis. Apresa tape sou Mesaj.
3. Tape sou mesaj ou vle rapòte a.
4. Nan kwen dwat anlè ekran w nan, tape sou twa pwen yo (...), epi apreasa tape sou Rapòte Abi.
5. Eksplke rezon w lan, epi nan kwen dwat sou anlè ekran w lan, tape Soumèt.

Etap (Ab Familyal Senplifye)

Pa gen bouton pou rapòte abi nan Ab Familyal Senplifye a. Sepandan, ou ka glise al sou anba nenpòt paj epi klike sou Kòmantè ak Asistans pou w voye yon mesaj ban nou konsènan abi potansyèl la.

Atik ki an rapò

Kouman pou m bloke oubyen anpeche yon moun k ap voye mesaj ban mwen?
Ki règ ki genyen pou diskisyon ak mesaj?
Ki règ ki aplike pou telechaje souvni nan FamilySearch.org?