Na FamilySearch e dua vei ira na ikumuni levu duadua ni itukutuku ni kawa, ka tauri mai na veika vakamatanitu, veiqaravi, kei na ivurevure tale eso me kilai me baleta na kedra yavunibula ni tuvakawa mai vei ira na dauvakadidike yadua. Sa vakarautaka tu oqo na Vunikawa ni Matavuvale ni FamilySearch na nodra rawa ni vakayagataka o ira era vakayagataka me ra vola na veivinakati vakamataqali vata.
Me salavata kei na ivunau ni Lotu i Jisu Karisito ni Yalododonu Edaidai, na vakamau duadua ga vei ira na tagane kei na yalewa e rawa ni vakatabui se vauci ena valetabu.
Na Vakavoui ni T&S ni Veiwekani ena Vunikawa ni Matavuvale ena FamilySearch
1. Na cava na vuna e cakava tiko kina oqo na FamilySearch?
E caka na Vunikawa ni Matavuvale ni FamilySearch me vakayaloqaqataka na dodonu ni tuvakawa ka yavutaki ena ivolatukutuku taumada ni ivurevure. Na Vunikawa ni Matavuvale e vakarautaka na kaukauwa vei ira era vakayagataka me ra vola na veimaliwai kece vakamatavuvale, oka kina na vakamau vakamataqali vata kei na veisusu vakamataqali vata.
2. Oqo beka e dua na veisau ena ivunau ni Lotu?
Sega. Sa segata tiko na FamilySearch me maroroya vakalivaliva ka vakarautaka na sala ki na ivolatukutuku ni kawa kei na itukutuku makawa, ka sai koya oqo na tiki ni kena sasaga me volai vakadodonu kina na matavuvale vakatamata. Na Lotu e vakalotutaka se vauca na vakawati ena kedrau maliwa ga na tamata e veibasai ni tagane se yalewa.
3. E rawa beka ni ra vauci vata na veiwatini vakamataqali vata?
Sega. Me vaka sa lawa vakaivunau tudei tiko ni Lotu, na veiwatini vakamataqali vata era na sega ni vauci vata, kevaka sara madaga era sa vakamau vakalawa. Ni dua na tamata sa mate ka a bulataka tu e liu e dua na veimaliwai tiko vakamataqali vata se a vakamau vakamataqali vata ena rawa ni ciqoma na cakacaka vakalotu tale eso e dodonu me na vakayacori vua.
4. E rawa beka ni ra vauci na luvedrau vei rau na veiwatini vakamataqali vata?
Sega. Me vaka sa virikotori tu ena ivunau ni Lotu, era na sega ni vauci na gone vei ira na veiwatini vakamataqali vata, veitalia mada ga ke rau sa vakamau vakalawa.
5. Na FamilySearch sa isevu beka ni mataveilawa ni tuvakawa me vakatara na volaitukutukutaki ni veimaliwai vakamataqali vata?
Sega. Na FamilySearch e sega ni imatai ni mataveilawa ni tuvakawa me vakatara na volaitukutukutaki ni veimaliwai vakamataqali vata.
6. Na veisau cava au na raica ena Vunikawa ni Matavuvale?
Ni vakuri e dua na watina se itubutubu, sa rawa vei koya e vakayagataka me vakuria e dua na watina se itubutubu ni tagane se yalewa vata.
7. Na cava a gadrevi me vakuri kina na kena cakacakataki?
E vica na gacagaca e wavolita na Vunikawa ni Matavuvale, me vaka na Vunikawa kei na vakasaqaqara volaitukutukutaki, e dodonu me veisau sara vakalevu me rawa kina ni vakaivolataki na veimaliwai vakamataqali vata ni se bera ni qai vagalalataka na Vunikawa ni Matavuvale na kena cakacakataki oqo.
8. E cakacaka beka ena app veikauyaki ni Vunikawa ni Matavuvale?
Io. Ena cakacaka ena app ni talevoni veikauyaki ena gauna sa vakatikora kina o koya e vakayagataka na vakavoui e gadrevi.
9. E rawa beka niu vakauta na ivakananumi eso (itaba, italanoa, ivolatukutuku) na kedra usutu sa baleta tiko na veimaliwai vakamataqali vata?
Na ivakatagedegede ni kena vakau na ivakananumi (itaba, italanoa, ivolatukutuku) era sa tautauvata vei ira kece na dauvakayagataka, ka muria naiDusidusi kei na Lawatu ni Vakavodoki ni FamilySearch.
iSema
Na Vunikawa ni Matavuvale ena FamilySearch e Vakuria na Rawa ni Vakaivolataka na Veimaliwai Taucoko ni Veiwekani Vakamatavuvale (Rumu ni iTukutuku ni FamilySearch)
Meu na kuria vakacava e dua na watimu se itokani ena Vunikawa ni Matavuvale?
Meu na kuria vakacava e dua na itubutubu ena Vunikawa ni Matavuvale?