Na cava na ibalebale ni vei ivakatakilakila ni valetabu kei na veituvaki duidui eso?

E veiwekani kei iko na tamata oqo, ka sa vakarautaki tu e dua na cakacaka vakalotu me kerei. E soli vei iko e 2 na yabaki mo vakacavara kina na vei cakacaka vakalotu.

Kevaka e sucu na tamata oqo ena loma ni 110 na yabaki sa oti, ena gadrevi mo kerea na veivakadonui ni wekana voleka duadua e bula tiko ni bera ni o vakayacora na cakacaka vakalotu. Yalovinaka mo dau ciqoma na nodra nanuma na tamata tale eso. E tiko tale beka e dua na tamata e wekana vakavoleka cake mai vei iko ka na rawa ni vakayacora na cakacaka vata oqo? De dua e rawa ni o sureti ira mera vakaitavi.

Na cakacaka vakalotu sa maroroi tu vakawawa. E muria na ivakatakilakila e dua na itoka lekaleka kei na ikuri ni itukutuku:

Sega ni Tabaki. Sa maroroi tu vakawawa, ia na kadi ni yaca e sa bera ni tabaki. O na rawa ni veitaratara vei koya e a kerea na cakacaka vakalotu ka kerea me wasea vei iko.

Tabaki. E dua na kadi ni yaca ni matavuvale esa tabaki oti me baleta na cakacaka vakalotu oqo. Kevaka o sa nanuma mo wasea na cakacaka vakalotu, yalovinaka vakarusa na kadi ni yaca ni matavuvale. Na vakarusai ni kadi ena tarova na kena tokaruataki na cakacaka vakalotu.

Wasea. O sa maroroya tu vakawawa na cakacaka vakalotu qo ia o qai wasea vata kei na dua tale se ki na valetabu. E rawa ni o kakua ni wasea na cakacaka vakalotu vakavo ga ke sa tabaka na valetabu na kadi ni yaca se dua tale e maroroya.

Wawa Tiko. Cakava na cakacaka vakalotu ni valetabu ena kena ituvatuva dodonu. Na Toso tiko e kena ibalebale ni sa dodonu me vakacavari eso tale na cakacaka vakalotu ni valetabu ni bera ni o vakayacora na cakacaka vakalotu e taleitaki.

Na vei cakacaka vakalotu oqo era sega ni tiko. Ena yasa ni ivakatakilakila, vaqara e dua na ivakatakilakila lekaleka e vakamacalataka:

Gadrevi Eso Tale na iTukutuku. E dua na ka e yali tiko. E gadrevi me na vakacurumi na itukutuku se vakadodonutaki ena ivolaitukutuku ni tamata oqo ni bera ni vakayacori na cakacaka vakalotu.

Sega ni Tu Vakarau. Na tamata e tukuni tiko e se bera ni siga 30 na nona mate. E sega ni rawa ni se vakayacori na cakacaka vakalotu ni valetabu.

E sega ni tiko na ituvaki ni cakacaka vakalotu ni tamata oqo, se o sega ni veiwekani kei koya.

Ena so na gauna, a bula na qase e liu ni bera na 200 S.K. Se dua na lawatu ni itataqomaki e tarova na FamilySearch me vakaraitaka na itukutuku. Me baleta na veivauci ena valetabu, de dua e sega beka ni tiko vei qase e liu na watina se itubutubu e volai tu ena Vunikau ni Matavuvale, se se bula tiko ga na watina.