E vuqa na lewe ni Lotu era vinakata me ra curu ki na FamilySearch ena nodra vakayagataka na nodra yaca vakayagataki kei na vosanicuru ni akaude ni Lotu. Kevaka o tovolea tiko mo curu yani ena nomu vakayagataka na iwalewale oqo, ia o sa guilecava na nomu yaca vakayagataki se vosanicuru, sa rawa mo taura lesu tale ena nomu vakayagataka na veiqaravi ni Vakalesui mai ni Akaude ni Lotu ena ChurchofJesusChrist.org.
Vakavoui na nomu itukutuku ni vakalesui mai
E dua na iwalewale e vakayagataka na mata ni Lotu me vakalesui mai kina e dua na yaca vakayagataki kei na/se vosanicuru o ya ena dua na itukutuku vakadaberi tale ki na nomu itikotiko ni imeli se naba ni talevoni veikauyaki. Kevaka sa oti na itikotiko se naba, o na sega ni rawa ni ciqoma na itukutuku. Kevaka e vakakina, sa rawa mo cakacaka vata kei vunivola ni nomu tabanalevu mo vakavouya na itukutuku ni veitaratara ena nomu ivolatukutuku ni lewenilotu.
Kevaka e sega ni kila vinaka tu o vunivola ni nomu tabanalevu na iwalewale, sa rawa mo wasea na veikalawa oqo:
Me vakavoui na nona itikotiko ni imeli se naba ni talevoni veikauyaki e dua na lewenilotu:
1. Curu ki na iVurevure ni iLiuliu kei na Vunivola (LCR)
2. Ena kato ni Vakasaqaqara, vakacuruma na yacai lewenilotu, ka kilikitaka na tamata dodonu ena lisi e lutu sobu.
3. Kiliki ena ivakatakilakila ni penikau, ka tiko ena yasa imatau ni sikirini.
4. Vakacuruma se veisautaka na itukutuku e gadrevi.
5. Kiliki ena Save.
Me Kilai: Na digidigi ni vakalesui mai ni naba veikauyaki sa vakarautaki walega ena gauna oqo me baleti Amerika kei Kenada.
i Tukutuku veisemati
Me'u na curu vakacava ki na FamilySearch ena noqu Akaude ni Lotu?