E dua na mataqali vou ni itikotiko ni FamilySearch.org esa tekivu taki. A gadrevi na veisau oqo baleta na tekinolaji ka a vakayagataki me tauyavutaki kina na kena e liu esa makawa mai. Na kena mataqali makawa e vakavuna me sega ni rawa ni vakatakilai na vei gacagaca vovou se me caka vakarawarawa na veivakavouitaki.
Gacagaca Vou Eso
E dina ga ni veivakavoui oqo e gadrevi kina me vakayagataki e dua na mataqali iwalewale vou, na iyaya ni cakacaka kei na ivakaraitaki o sa matau tu kina esa tiko voli ga. Keitou sa vakuria talega e vica na iwalewale vovou.
- E dua na lisi ni itokani vou kei na dua na iwalewale me vakatulewataki kina na lisi ni itokani.
- E dua na sala me wasei kina na veitalanoa ni veimaliwai kei na kena laurai na veitalanoa mai vei ira na itokani ena nomu vatavata.
- Kunei ira vakarawarawa na qase e liu ena dua na vakasaqaqara ka na vakalesuya mai na vunikau ni matavuvale, itukutuku makawa, ivakananumi, kei na macala ni yaca ni matavuvale.
- E dua na iwase me baleta na Mo Tekivutaka Vakacava me baleti ira na vulagi vou;
- E dua na idusidusi matata ka oka kina eso tale na vanua (ena kompiuta ni teveli) me dikevi kina na idusidusi ni ivolatukutuku.
Sa kerei mo vakaraitaka mai vei keitou na nomu nanuma me baleta na ituvatuva vou oqo ena nomu tabaka na bulukau ni Nomu Nanuma (Feedback) ena yasa imawi ni sikirini.