Ena Vunikau ni Matavuvale, na tabana ni tamata e vakarautaka e dua na cakacaka ena initaneti me rawa ni o kunea ka maroroya kina na itukutuku me baleti ira na nomu qase e liu.
E rawa ni o raica e dua na tabana ni tamata ena mataveilawa ni FamilySearch.org kei na iyaya veikauyaki ni Vunikau ni Matavuvale. Na tabana e vakaraitaka na veika e yaco ena nona bula na tukamu ena gauna kei na vanua e bula kina.Vakayagataka na tabana ni o vakacuruma se vakadodonutaka na itukutuku, raica se vakacuruma na ivurevure, raica se vakacuruma na ivakananumi, qai cakacaka vata kei ira eso tale ena ivolatukutuku kei na veivosaki.
Ena Vunikau ni Matavuvale ni Lite, na tabana ni tamata e vakaraitaka walega na itukutuku bibi ni tamata oya.
I kalawa eso (mataveilawa)
- Ena Vunikau ni Matavuvale ena mataveilawa ni FamilySearch.org, raica na tamata ena dua na rai ni Vunikau.
- Kiliki ena yacani tamata o ya.
- Ena veika matailalai e na cake, kiliki ena Raica na Tamata ena basika mai na tabana ni tamata oya.
- Vakaraica na iyaya o via vakayagataka:
- Itawatawa e cake: Veisautaka na itaba iyaloyalo. Raica na vunikau ni matavuvale. Raica na kemu isema vua na tamata yadua. Vakamuria na qase e liu.
- Rauta na: Kunei ira vakalevu na nomu qase e liu ena nomu sarava na veisemati ni veimaliwai ni nodra bula.
- iTukutuku Matailalai: Kuria se vakadodonutaka na dina taumada, vakadidike, raica na veisau ni itukutuku makawa, walia na veika e rawa ni vakaruataki, ka tabaki na ivolakabi.
- Vurevure: Raica na ivurevure cava sa vakuri oti, vakabira vata na kena e vou, ka vakabira na kena e sega ni okati.
- Veitukunitaka: Vakuria na itukutuku me baleti ira na qase e liu se vakaitavi ena veivosaki.
- iVakananumi: Raica na itaba, ivolatukutuku, italanoa, kei na katokatoni ni vakarorogo era sa vakavodoki oti tu me baleta na tamata oqo. Vakavodoka na kena e vou kevaka e tiko vei iko.
- Veika a Yaco: Vakaraitaka na itukutuku ni tamata o ya, vakaraitaki tu ena ituvatuva vagauna. E rawa talega ni o raica e dua na mape ka vakamatatataka tiko na ilakolako ni nona bula na nomu qase e liu. E rawa ni o vakuria ka vakadodonutaka na itukutuku ka railesuva na idusi ni ivolatukutuku.
I kalawa eso (i yaya veikauyaki)
- Ena iyaya veikauyaki ni Vunikau ni Matavuvale, raica na tamata ena ivola ni kawa.
- Tabaka na yacana na tamata o ya.
- Raica na itukutuku o via vakayagataka:
- Itawatawa e cake: Veisautaka na itaba iyaloyalo, ka raica na veika dina taumada.
- iTukutuku Matailalai: Vakuria se vakadodonutaka na dina taumada, vakadidike, raica na veisau ni itukutuku makawa, walia na veika e rawa ni vakaruataki, vakuria na itukutuku, kei na ivolakabi tabaki.
- Veiwatini: Raica na watina kei ira na luvena.
- iTubutubu: Raica na nona itubutubu kei na tacina na tamata oya.
- Vurevure: Raica na ivurevure cava sa vakuri oti, vakabira vata na kena e vou, ka vakabira na kena e sega ni okati.
- iVakananumi: Raica na itaba, ivolatukutuku, italanoa, kei na katokatoni ni vakarorogo era sa vakavodoki oti tu me baleta na tamata oqo. Vakavodoka na kena e vou kevaka e tiko vei iko.
- Ena dela ni draunipepa, tabaka na ivakatakilakila ni 3 na digo:
- Raica na kemu isema vua na tamata o ya.
- Vakasaqara na ivolatukutuku makawa me baleta na tamata oya.
- Raica na kena e rawa ni vakaruataki.
- Raici ira na Kawa ka tu na lisi ni iTavi
- Raica na tamata ena Vunikau.
- Wasea na ivolatukutuku nei koya na tamata o ya
- Vakamuria na tamata o ya.
- Lavetaka na iVakananumi
- Raica na veisau se qai yaco oti ga.
- Bokoca na tamata o ya.
- Bulia na ivolakabi ni PDF o rawa ni tabaka.
I kalawa eso(Vunikau ni Matavuvale ni Lite)
- Ena iwasewase ni matavuvale, kilikitaka na yaca ni dua na tamata me raica na nona itukutuku bibi.
i Tukutuku veisemati
Meu na veisautaka vakacava na itukutuku bibi ena vunikau ni matavuvale?
Meu na vakuria vakacava na veika bibi kei na itukutuku tale eso vua e dua na tamata ena Vunikau ni Matavuvale?
E taqomaka vakacava na Vunikau ni Matavuvale na kedra ituvaki vuni na tamata era bula tiko?
Meu na tabaka vakacava na tabana ni tamata ena Vunikau ni Matavuvale?