Sa vakarautaki tu na vunikau ni ilawalawa ni matavuvale vei keda kece. Sa sega tale ni gadrevi mo lako ki na FamilySearch Labs mo tovolea kina. Kevaka o dua vei ira na neitou ka vakayagataka taumada, vinaka vakalevu na nomu gauna kei na nomu vakasama.
Na cava e tautauvata tikoga
Nio cakacaka ena Vunikau ni Matavuvale, ona raica ni levu sara na kena gacagaca e se cakacaka tikoga me vaka e liu. Na matanivola, roka, levu ni matanivola, irairai, kei na irairai buto e se tautauvata tikoga.
Na Cava e Vou se Veisau
Wasea edua na vunikau era tiko kina na tamata bula: Ena vunikau ni ilawalawa ni matavuvale, sa rawa mo wasea na tiki ni nomu vunikau ka ra tiko kina na tamata bula vata kei ira na lewe ni matavuvale era se bula tiko. Eda na raica kece na vunikau vata ga oya.
Vakuria edua na vunikau ni ilawalawa ni matavuvale ki na nomu ilawalawa ni matavuvale sa tiko rawa se bulia e dua na ilawalawa vou kei na kena vunikau: Kevaka sa tiko rawa tu edua na nomu ilawalawa ni matavuvale, sa rawa mo vakayagataka na madigi mo wasea edua na vunikau ni ilawalawa ni matavuvale. Kevaka e sega na nomu ilawalawa ni matavuvale, sa rawa mo bulia edua na ka vou ka tiko edua na kena vunikau ni ilawalawa ni matavuvale mai na tekivu.
Cicivaki ni ilawalawa ni matavuvale: Na vakavinakataki ni gacagaca ni cicivaki ni ilawalawa ni matavuvale ena vakatara vei iko mo vakuria edua na vunikau ni ilawalawa ni matavuvale me baleta na nomu ilawalawa, raica na matailalai ni vunikau, raica na itukutuku ni veika e yaco tiko ena ilawalawa, ka tuvanaka na vakacurumi ni tamata. E rawa tikoga nio vakayacana na ilawalawa, vakuria e dua na itaba, veitalanoa kei na ilawalawa, ka vakayacora na veika eso vakaveiliutaki ni ilawalawa. Sa vakarabailevutaki na sikirini, me rawa ni tiko kece kina na veigacagaca vovou, ka tuvai vou na veigacagaca tale eso.
Cakacaka ena kedrau maliwa edua na vunikau ni ilawalawa kei na ilawalawa: E rawa nio lako vakarawarawa ena kedrau maliwa na vunikau ni ilawalawa ni matavuvale kei na ilawalawa ni matavuvale ka vakatarai me curu kina.
Veisau vakarawarawa ena kedra maliwa na veivunikau: E rawarawa na nomu kila na vunikau cava o tiko kina ka veisau ena kedra maliwa na veivunikau ena vakayagataki ni ibulukau vou ni digitaki vunikau, ka tiko ena yasa imawi e cake ni Vunikau ni Matavuvale.
Yalana na ivakananumi ki na dua na ilawalawa ni matavuvale: E rawa nio vakavodoka na vakananumi ka yalana na kedra laurai ki na ilawalawa ni matavuvale.
iRairai Vakabalavu: Na irairai vou Vakabalavu e veivuke vakalevu ena nomu raica na nomu isema ni matavuvale ena dua na vunikau ni ilawalawa ni matavuvale.
Lisi ni Tamata Vakaitaukei: Sa yaga vakalevu sara na lisi ni Tamata Vakaitaukei ka sa mani tokitaki kina mai na My Contributions se Noqu Cau ki na menu ni Family Tree Navigation se veitosoyaki ni Vunikau ni Matavuvale. Sa tiko ena lisi oqo na tamata bula ena nomu vunikau vakaitaukei kei na vunikau ni ilawalawa ni matavuvale ka vakatakilai na itukutuku e rairai tokaruataki tiko ena loma ni vunikau vata oya. Ko na raica talega na madigi ka rawa mo lavetaka kina na tamata ena nomu lisi vakaitaukei ki na dua na vunikau ni ilawalawa ni matavuvale se nomu vunikau vakaitaukei.
Vakamuri ira na bula: Sa rawa oqo mo muri ira na tamata bula ka tiko ena dua na vunikau ni ilawalawa ni matavuvale ka vakatara mera basika mai ena nomu lisi.
Vulica e vuqa tale na ka
Me baleta na veivuke mo tekivu, sikova na Family Group Tree Learning Center mo kunea kina na vidio veivukei, taro dau tarogi wasoma, kei na itukutuku eso.