Sa vakavoui na gacagaca ni ilawalawa ni matavuvale mera cakacaka vata kina na nomu matavuvale ena dua na vunikau ni ilawalawa ni matavuvale.
Na cava e tautauvata tu ga
Era gadreva na ilawalawa eso tale na iliuliu
Keitou vakatura me tiko e 2 ki na 3 na iliuliu ena ilawalawa yadua, ka ra na qarava eso na itavi bibi ena nodra ilawalawa:
- Veiqaravi vaka dauveivukei ni ilawalawa.
- Solia na dodonu ni veiliutaki vei ira tale eso.
- Qaravi na lewe ni ilawalawa.
- Waqaca na madigi ni ilawalawa.
- Vakarautaka na veika matailalai ni ilawalawa (itaba, yaca, ivakamacala, ivakarau ni itovo).
- Tauyavutaka taumada edua na vunikau ni ilawalawa ni matavuvale (kevaka e gadrevi).
Veitalanoa vakailawalawa
E rawa nira se cakacaka vata tikoga na lewe ni ilawalawa ena veitalanoa vakailawalawa.
Na cava e vou se duidui
Vunikau ni ilawalawa ni matavuvale
Sa rawa oqo nira wasea na veilawalawa edua na vunikau ni ilawalawa ni matavuvale, ka na vakatara vei ira mera wasea edua na vunikau ka ra tiko kina na nodra lewe ni matavuvale era bula tiko.
Digitaka edua na vunikau ka vinakati
Sa rawa oqo mo digitaka edua na vunikau ka vinakati. Na vunikau oqo ena basika mai vakaikoya nio dolava na Vunikau ni Matavuvale ka dau vakayagataki nio via kila na nomudrau veiwekani kei na dua na tamata ena Vunikau ni Matavuvale se vata kei na dua tale na tamata.
iWalewale ni veisureti
Na iwalewale ni nodra sureti na lewe ni ilawalawa e via tautauvata ga kei na kena e liu. Na veisau duadua ga sai koya ni kevaka edua na ilawalawa ni matavuvale e tiko edua na nona vunikau ni ilawalawa ni matavuvale, o ira kece mera lewena na ilawalawa e dodonu mera tiko taumada ena vunikau.
Ena gauna ni vakatovotovo taumada ni curu, keitou a vakatovotovotaka na nodra gadrevi na iliuliu mera vakauta ki na lewe ni ilawalawa vou yadua edua na isema ni veisureti duatani. Keitou ciqoma na vakasama eso ni sa rui dredre na ka oqo ka keitou mani lesu tale ki na iwalewale taumada.
Vakau itukutuku ni matavuvale
E dua na vanua vou ni vakau itukutuku ni matavuvale e vakatara vei iko mo biuta kina na itukutuku eso me baleta na ilawalawa.
Vulica e vuqa tale na ka
Me baleta na veivuke mo tekivu, sikova na Family Group Tree Learning Center mo kunea kina na vidio veivukei, taro dau tarogi vaka wasoma, kei na itukutuku eso.