Ena ruku ni veidusimaki ni veiliutaki vakamatabete, sa rawa ni ra cakacaka vata na matabose ni veika raraba kei na daunivakasala ni valetabu kei na tuva kawa me vakarautaki na veika e sotavi mera vakila kina o ira na iliuliu dauveivakauqeti ena nodra vanua na nodra sema voleka vei ira na nodra qase e liu.
Na mataqali veika sotavi vakaoqo e sega ni dau gadrevi kina na vakadidike rabailevu kei na vakarautaki ni ivola ka tiko kina na itukutuku matailalai me baleta na veitabatamata e vuqa. Ia, e gadrevi kina na nodra vakayagataki na kenadau ena nodra vanua mera vukei na iliuliu dauveivakauqeti mera tekivuna na nodra ilakolako ni tuva kawa. Na ivakaraitaki oqo e tautauvata kei na veika sotavi ni tuva kawa yadua e vakayagataki tiko ena gauna oqo me vukei ira na lewe ni Lotu.
Yalovinaka veitaratara kei ira na nomu iliuliu ni matabete se matabose ni veika raraba e nomu vanua me baleta na ikuri ni ivakamacala.