Raica na Tubumuni ena iVolatukutuku

Na veika rawarawa baleta nodra vakasaqarai na qase e liu

Nodra vakasaqarai nomu qase e liu ena dua na ivolatukutuku makawa e via tautauvata toka kei na vakasaqaqara ena Google. O na vakalewena na veika o sa kila tu baleta edua na ka o via kunea. Sa na qai vaqaqara na idini ni vakasaqaqara ena loma ni ibinibini itukutuku me raica kina na isa vinaka duadua.

Ena vuku ni vakasaqaqara baleta e dua na qase e liu, ena vinaka me vakaleweni nai tukutuku me vaka na yaca ni tamata kei na vanua kei na gauna a bula ka mate kina. Ena veivuke talega me rawa ni vakacurumi talega edua na isema ni veiwekani me vaka na watina, itubutubu, se luvedra.

Vakalewena na veika o sa kila tu se na cava o rawa ni kunea mai vei ira na wekamu. Kakua ni lomaleqa ke o sega ni kila kece, na vakasaqaqara e rawa ni tekivutaki ena itukutuku lailai sara.

Na cava tale me caka

Na ivolatukutuku makawa e vukei iko mo vakasokumuna na veika matailalai ni dua na italanoa ni matavuvale. Era rawa talega ni vakarautaka nai tukutuku bibi se taleitaki me vaka na itikotiko, yacadra na lewe ni matavuvale, kei na veika baleta na tamata yadua me vaka na kena balavu, na roka ni yaloka ni matana, kei na nona cakacaka. Sa na rawa sara mada ga ni o kunea na nona saini na nomu qase e liu.

Maroroya na veika o kunea baleti ira na qase e liu ki na kedra itukutuku ena Vunikau ni Matavuvale. Na veika o maroroya ena taqomaki ka wasea yani vakai koya na parokaramu, vata kei ira na veiwekani ka ra vaqara tale tikoga na itukutuku vata o ya. Na itukutuku matailalai oqo era sa i vurevure ka rawa ni vakadeitaka na dina me baleta nai tukutuku ni bula ni tamata oya, ka vukea me vakadinadinataka na isema ni veiwekani.