Ena veiyabaki, nirau cakacaka vata kei na RootsTech, Na Lotu i Jisu Karisito ni Yalododonu Edaidai ena biuta mai edua na vidio veivakauqeti ni veidusimaki ka vakatokai na Veidusimaki ni Veiliutaki ni Valetabu kei na Tuva Kawa.
Oqo e dua ga vei ira na madigi me da rogoca kina na vosa ni veivakayaloqaqataki ka veivakararamataki mai vei ira na Vakaitutu Raraba ni Lotu. Ena veidusimaki ni veiliutaki ni 2024 oqo, era na solia kina ivakasala ena sala me da voleka yani kina vei ira na noda matavuvale ka vakakina vua na noda iVakabula ena veiyalayalati kei na cakacaka vakalotu ni valetabu kei na tuva kawa, ka vakabibitaki kina na veika e sotavi ena imatai ni gauna ena valetabu.
Na gauna cava ena yaco kina na Veivosaki ni Veiliutaki ni Valetabu kei na Tuva Kawa ni 2024?
Ena yabaki oqo, sa na rawa ni saravi na veidusimaki ni veiliutaki me tekivu ena ika 29 ni Feperueri, 2024. Na soqoni oqo ena rawa ni laurai ena app ni Gospel Library vakakina ena rootstech.org.
Erau na liutaka na veivosaki o Elder Neil L. Andersen kei na Gerrit W. Gong ena Kuoramu ni iApositolo Le Tinikarua, vata kei na nodra veitokoni na Vakaitutu Raraba kei na Vakailesilesi Raraba ni Lotu oka kina o Sister Susan H. Porter, Sister Kristin M. Yee, Elder Kevin R. Duncan, kei Elder Kevin S. Hamilton.
Na vakanamata ni soqoni oqo ena veivosakitaki kina na veisala eso mera vukei kina o ira na lewe ni Lotu vou me ra sotava na veika vinaka ka veilaveti ena loma ni valetabu.
O Cei e Rawa ni Sarava na Veidusimaki ni Veiliutaki Oqo?
Na soqoni e tiko kina edua na itukutuku vei ira kece na lewe ni Lotu. Era sa vakauqeti o ira era taura tu na veikacivi eso me baleta na cakacaka ni valetabu kei na tuvakawa mera sarava vakamatabose na soqoni oqo. Na vakasoqoni vata vakailawalawa me saravi kina na veidusimaki ni veiliutaki ena yabaki oqo, ena vakatara na veivosaki matau kei na veivakararamataki ka vakatabakidua me baleta na gagadre ni vei iwasewase, tabanalevu, kei na iteki.
Me veivuke ena veivosaki oqo, ena vakarautaki tiko edua na idusidusi ni veivosaki vei ira kece na veiliutaki ni tabanalevu. Sa na vakarautaki tu na idusidusi oqo ena 23 na vosa.
O ira e tiko vei ira na veikacivi oqo era sa vakauqeti vakabibi mera sarava, veivosakitaka, ka cakacaka vata:
- ira na daunivakasala ni valetabu kei na tuvakawa
- ira na mataveiliutaki ni iteki, tabana ni kaulotu, kei na tikina
- ira na lewe ni matabose ni iteki kei na tabanalevu kei na nodra mataveiliutaki
- ira na iliuliu ni kaulotu ni tabanalevu kei ira na daukaulotu
- ira na iliuliu ni valetabu kei na tuva kawa ena tabanalevu
- ira na daunivakasala ni valetabu kei na tuvakawa ena iteki kei na tabanalevu
- ira na mataveiliutaki ni kalasi ni Goneyalewa
- ira na mataveiliutaki ni kuoramu ni Matabete i Eroni
Na Veidusimaki ni Veiliutaki ni Valetabu kei na Tuva Kawa ni 2024 e vakadeitaki me na dua na soqoni ena veivakararamataki me tosoi kina na tubu ena cakacaka ni valetabu kei na tuva kawa!
Ena FamilySearch keimami kauwaitaka na nomuni semati ki na nomuni matavuvale, ka keimami vakarautaka na veika moni na marautaka kina na nomuni vaqaqara ka mena sotavi kina na veiqaravi ni tuva kawa e sega ni saumi. Na cava na vuna? Baleta ga ni da vakamareqeta na matavuvale ka vakabauta ni veisemati ni veitabatamata e rawa ni vakavinakataka na noda bula ena gauna oqo ka tawamudu. Keitou e dua na tabana sega ni rawailavo e vakailavotaka na Lotu i Jisu Karisito ni Yalododonu Edaidai.
