Mahinungdanon nga mga Feature sa mga Handomanan sa FamilySearch
Ang mosunod nga mga feature makatabang nimo sa paghimo og usa ka koleksyon sa mga kabilin sa bag-o ug daan nga mga litrato, mga istorya, mga dokumento, ug audio nga mga file sa pamilya.
Isuhid ang Gamit sa mga Tag sa Hilisgotan
Ang koleksyon sa mga Handomanan mahimong paspas nga modaghan. Ang usa ka yanong paagi aron matabangan ka nga makategoriya ug malingaw sa imong mga bahandi sa pamilya mao ang paggamit sa mga tag sa hilisgotan.
Mosangon og custom tag ngadto sa pipila ka lainlaing mga handomanan aron sayon ang pagpangita niini. Hunahunaa kini isip usa ka shortcut ngadto sa mga tema ug mga hilisgotan nga mahinungdanon kaayo kanimo.
Nakapaambit Ka Na Ba og usa ka Album?
Ang mga album usa ka maayong paagi sa paghiusa ug pagpaambit sa mga Handomanan bahin sa mga butang sama sa mga tawo o mga panghitabo. Ang mga tawo nga imong gipaambitan mahimong malingaw sa imong mga handomanan sa tinagsa-tagsa o diha sa usa ka slideshow.
Mopundok sa mga Handomanan pinaagi sa tawo, pamilya, panghitabo, o bisan unsa pa nga kategoriya. Usa kini ka maayong paagi aron makuha ang tibuok nga istorya mahitungod sa kinabuhi sa usa ka katigulangan o sakop sa pamilya. Ang mga album mahimong maglangkob sa tanang matang sa handomanan—mga litrato, mga istorya, mga dokumento, ug audio nga mga file—ug mahimong ihan-ay sa unsay imong gusto.
Mga Shortcut ngadto sa Imong Paborito nga mga Handomanan
Ang mga bookmark mao ang mga link ngadto sa mga handomanan ug mga album nga gusto nimong bisitahon pag-usab sa dili madugay. Ang mga bookmark nahimutang diha sa Gallery.
Sayon nga paagi sa pagbalik ngadto sa importante nga mga handomanan ug gani sa mga album nga gidugang sa uban. Usa kini ka sayon nga paagi sa pagdiskobre pag-usab sa mga litrato ug mga istorya nga importante nganha kanimo.
Mohimo sa mga Tawo nga Dali nga Makit-an gamit ang mga Tag sa Tawo
Ang pag-tag mao ang paagi sa imong pag-ila sa mga tawo nga naapil diha sa usa ka handomanan. Mokabat lang kini og usa ka minuto, apan sa higayon nga ma-tag na kini, mas dali na sa pamilya ang pagpangita karon ug sa umaabot diha sa Family Tree.
I-klik diha sa litrato, o i-type ang ngalan diha sa “Kinsa ang anaa niini nga handomanan” aron sa pagdugang og tag. Kon ikaw mo-tag og usa ka tawo, magdugang ka og handomanan niana nga profile.
Ihiusa Kining Tanan sa Pagtipig gamit ang Gallery
Mo-upload, mohan-ay, ug mo-access sa tanan nimong mga bahandi sa pamilya diha sa Gallery. Hunahunaa kini isip sentro sa pagkontrolar alang sa mga Handomanan.
Mohan-ay ug motan-aw sa imong mga handomanan diha sa mga album. Mahimo nimong ibalhin ang mga handomanan ngadto sa imong archive, ug mohimo og mga bookmark alang sa bisan unsang espesyal nga mga handomanan nga gusto nimong sayon nga pangitaon pag-usab.
