Ang labing dako nga libreng online nga family tree sa kalibotan

Ang akong family tree mibalik lang sa upat ka henerasyon, apan nasayod ko nga ang ubang mga paryente gikan sa dili direkta nga linya sa katigulangan (collateral line) diha sa dakong yuta sa China nga adunay baga nga klan sa libro sa genealogy (jiapu). Ang akong amahan namatay na, ug wala usab ko masayod ni bisan kinsa sa akong mga paryente didto sa mainland ug walay paagi nga makontak sila. Sa tunga-tunga sa Oktubre 2020, akong nakita nga ang FamilySearch adunay bag-o nga feature sa pagpangita, mao nga akong gigamit ang himan sa pagpangita og una gamit ang mga karakter sa henerasyon sa akong mga katigulangan ug dayon gisundan sa linya aron makit-an ang mga ngalan sa akong amahan, apohang lalaki, ug apohang lalaki sa tuhod. Mora ko og nangita og bahandi. Wala ko magdahom kon unsa kadako ang akong klan—mga tawo nga parehas og mga karakter sa henerasyon puno og daghang volume—ug kinahanglan ko nga mapailobong mangita sa kada pahina. Human sa duha ka adlaw nga pagpangita, sa kataposan nakit-an nako kini. Ang kalipay sa kong kasingkasing dili mahulagway. Kini tinuod gayod nga usa ka bililhong bahandi.

[Ang FamilySearch] nga koponan nagpahigayon og workshop pinaagi sa Zoom alang sa Genealogy Society Singapore sa miaging tuig, gipaila ang software nga gigamit sa FamilySearch ug ang halapad nga database niini. Ang ilang aktibo nga pag-apil diha sa chat group nagsuporta sa daghang sakop sa GSS sa pagsiksik sa ilang katigulangan nga gigikanan. Kini nagpakita sa hilig ug pagkapropesyonal sa talagsaon nga pundok.
Ang pagkalambigit sa Family Search sa pagtakda sa microsite (dugang suporta nga website) alang sa 2022 Chinese New Year uban sa Singapore Chinese Cultural Centre gipasalamatan pag-ayo.

Ang Shanghai Library ug ang FamilySearch unang nagsugod sa pagtambayayong sa kataposan sa miaging siglo, ug ang atong pormal nga panag-uban sa pagkolekta, pag-organisar, pagsiksik, ug paghatag og mga serbisyo nga may kalabotan sa mga genealogy (jiapu) sa Chinese nga klan milungtad na sa sobra 20 ka tuig. Ang mga genealogy sa klan nagdokumento sa kaliwatan, mga indibidwal, ug mga buhat sa usa ka paryente nga mipakigbahin sa sama nga linya sa dugo sa katigulangan. Sila usa ka importanteng bahin sa kultural nga kabilin sa katawhan ug mahinungdanong mga himan alang sa genealogy, akdemikong pagpanukiduki, ug pag-establisar og sosyal nga panag-uyon. Kini nahisubay gayod sa pagsabot sa FamilySearch sa genealogy.