Ang tanan kinsa mo-sign up alang sa FamilySearch adunay profile sa account. I-edit ang imong profile aron mausab base sa unsa ang gusto nimong makita sa ubang tiggamit sa FamilySearch, unsa ang kinahanglan nga makita sa publiko, ug unsa ang magpabiling pribado.
Ang imong profile naglakip sa mosunod nga mga setting sa impormasyon:
Portrait: Ang pag-upload og profile nga litrato ngadto sa imong account sa FamilySearch makatabang sa pag-ila kanimo gikan sa ubang naghupot og account nga adunay susamang ngalan. Ikonsiderar ang pag-upload og gipanindot nga litrato o paborito nga grapiko kon dili ka komportable sa pagbutang og tinuod nga litrato. Kon wala ka pa maka-upload og litrato, ang luna alang sa portrait magpakita sa unang letra sa ID sa pagkontak sa imong account sa FamilySearch.
Ngalan: Kini mao ang ngalan diin ikaw mailhan sa FamilySearch. Kanunay kining makita sa uban ug mahimong ang tibuok ngalan, usa ka bahin sa ngalan, o gani usa ka angga. Hangtod nga ma-personalize nimo kini nga field, ang imong ID sa pagkontak maoy gamiton diha sa field alang sa ngalan. Ang ngalan nga imong pilion DILI kinahanglan nga mailhan nga ikaw ug mahimo nga usa ka butang nga makatago sa imong pagkatawo samtang magtugot gihapon niadtong nakaila kanimo sa pagpangita kanimo.
ID sa Pagkontak: Ang ID sa pagkontak gi-assign sa imong account atol sa pag-sign-up. Mahimo kining mausab apan kinahanglan nga magpabiling talagsaon, buot ipasabot nga walay 2 ka tawo ang mahimong adunay samang ID sa pagkontak. Kini nga ID adunay kalabotan sa bisan unsa nga imong idugang o i-edit diha sa FamilySearch. Palihog ayaw paggamit og punctuation nga mga character sa imong ID sa Pagkontak.
Lokasyon: Ang imong profile maglakip og dapit alang sa imong nasod o rehiyon. Kini gikinahanglan nga field, apan mahimong himuon nga pribado. Ang paghimo sa imong kinatibuk-ang lokasyon nga publiko makatabang sa pag-ila kanimo gikan sa ubang mga tiggamit sa FamilySearch sa dihang ang mga higala o ubang tigpaniksik mosulay sa pagkontak kanimo.
Pribado nga mga Account
Ang ubang mga account awtomatik nga gituyo isip pribado nga mga account.
Ubos sa 18 anyos: Ang mga account alang niadtong ubos sa 18 anyos ang pangidaron gituyo nga pribado. Ang naghupot sa account mahimong mo-update sa impormasyon sa profile apan ang profile kanunay nga magpabiling pribado. Kon ikaw 18 anyos o pataas ug ang imong account gimarkanan og “Pribado,” pamatud-i nga eksakto nimong nabutang ang impormasyon sa petsa sa imong pagkatawo diha sa settings sa account.
Mga Restriksiyon sa Gobyerno: Pipili ka mga gobyerno o mga kultura naglimita sa gidaghanon sa personal nga impormasyon nga mahimong makuha o mapakigbahin sa usa ka website. Kon ikaw nagtuo nga ang imong account sayop nga namarkahan og “Pribado”, adto sa FamilySearch nga Settings ug siguroa nga ang impormasyon sa imong Nasod o Rehiyon eksakto nga pagkapili.