Unsaon nako pagdugang o pag-usab sa impormasyon sa kaminyoon diha sa Family Tree?

uniqueIdLabel: 16641
2022 сентябрь 15

Diha sa Family Tree, ang mga relasyon sa magtiayon mokonektar sa mga tawo nga minyo, nag-ipon, naay mga anak, o sa laing bahin nagkonsiderar sa ilang kaugalingon nga magtiayon.

Ang “mga panghitabo sa kaminyoon” gitipigan uban sa relasyon sa magtiayon. Ang mga panghitabo nagdetalye sa pagmugna o pagtapos sa usa ka relasyon sa magtiayon. Makadugang, maka-edit, o maka-delete ka og lima ka matang sa mga panghitabo sa kaminyoon diha sa Family Tree:

  • Kaminyoon
  • Diborsiyo
  • Pagpawalay Bili sa Kasal [Annulment]
  • Kaminyoon Base sa Nabatasan sa Kadaghanan pero dili Kasado [Common-law]
  • Nag-ipon

Ang usa ka magtiayon mahimong adunay labaw sa usa ka panghitabo sa kaminyoon, sama sa usa ka kaminyoon ug usa ka diborsiyo. Usahay makita nimo nga ang magtiayon adunay nadoble nga mga panghitabo sa kaminyoon. Maka-delete ka sa mga nagdoble.
Ang mga panghitabo sa kaminyoon makaapektar sa pagpakita sa impormasyon diha sa Family Tree. Kon ang usa ka tawo naay labaw sa usa ka kapikas, ang mga kapikas nakalista sa kronolohikal nga han-ay base sa panghitabo sa kaminyoon.

Magdepende ang gidaghanon sa impormasyon sa kaminyoon nga makita diha sa Family Tree managlahi sumala sa lain-laing mga view sa tree.

Mga lakang (website)

  1. Diha sa kinaibabwan sa menu, i-klik ang Family Tree, ug dayon i-klik ang Tree.
  2. Pangitaa ang tawo diha sa tree nga gusto nimong usabon.
  3. I-klik ang ngalan sa tawo. Sa mga detalye nga mo-pop-up, i-klik pag-usab ang ngalan sa tawo. Dalhon ka ngadto sa pahina sa maong tawo.
  4. I-klik ang Mga Detalye nga tab.
  5. I-scroll ngadto sa seksiyon nga Mga Sakop sa Pamilya.
  6. I-klik ang I-edit nga icon para sa magtiayon (morag lapis nga naa sa sulod sa square).
  7. Magdugang og panghitabo sa kaminyoon:
    1. I-klik ang Magdugang og Panghitabo.
    2. I-klik ang arrow paubos, ug i-klik ang matang sa panghitabo.
    3. Ibutang ang petsa ug ang dapit.
    4. Ipasabot kon giunsa nimo pagkahibalo nga kining impormasyon sa panghitabo husto.
    5. I-klik ang I-save.
  8. Usbon ang anaa na nga panghitabo sa kaminyoon:
    1. I-klik ang I-edit nga icon para sa magtiayon.
    2. Pangitaa ang anaa na nga panghitabo, ug i-klik ang I-edit.
    3. Himoa ang mga kausaban.
    4. Ipasabot kon giunsa nimo pagkahibalo nga ang kausaban nga imong gihimo husto.
    5. I-klik ang I-save.
  9. I-delete ang usa ka panghitabo sa kaminyoon:
    1. I-klik ang I-edit nga icon para sa magtiayon.
    2. Pangitaa ang panghitabo, ug i-klik ang I-edit.
    3. Sa tuong bahin sa ubos sa screen sa pag-edit, i-klik ang I-delete.
    4. Ibutang ang rason sa imong pag-delete sa panghitabo.
    5. I-klik ang I-delete ang Panghitabo.

Mga Lakang (mobile nga app)

  1. Diha sa Family Tree nga mobile app, adto sa pahina sa Tawo sa indibidwal o kapikas.
  2. I-tap ang Mga Kapikas.
  3. I-tap ang EI-edit nga icon tapad sa entry sa Kaminyoon (nga morag lapis).
  4. Magdugang og panghitabo sa kaminyoon:
    1. I-tap ang Magdugang og Panghitabo.
    2. I-tap ang arrow paubos, ug i-tap ang matang sa panghitabo.
    3. Ibutang ang petsa ug ang dapit.
    4. I-tap ang Ipadayon.
    5. Ipasabot kon giunsa nimo pagkahibalo nga kining impormasyon sa panghitabo husto.
    6. I-tap ang I-save.
  5. I-edit ang anaa na nga panghitabo sa kaminyoon:
    1. I-tap ang I-edit nga icon alang sa panghitabo sa kaminyoon nga gusto nimong usbon.
    2. I-tap ang I-edit.
    3. Ma-edit nimo ang matang sa panghitabo, petsa, ug dapit.
    4. Ipasabot nganong para nimo husto ang impormasyon.
    5. I-tap ang I-save.
  6. I-delete ang usa ka panghitabo sa kaminyoon:
    1. I-tap ang Edit nga icon alang sa panghitabo sa kaminyoon nga gusto nimong i-delete.
    2. I-tap ang I-delete ang Panghitabo sa Kaminyoon. 
    3. Ipasabot nganong imong i-delete ang panghitabo.
    4. I-tap ang I-delete.

Mga Lakang (Family Tree Lite)

Diha sa Family Tree Lite, makadugang ka og upat ka matang sa mga panghitabo sa kaminyoon: Kaminyoon, Diborsiyo, Common Law, ug Annulment. Wala sa Family Tree Lite ang panghitabo nga Nag-ipon. Aron madugang ang panghitabo nga Nag-ipon, gamita ang web nga bersiyon sa Family Tree o sa mobile Family Tree nga app.
 

  1. Pag-sign in sa Family Tree Lite
  2. Adto sa pahina sa Tawo sa indibidwal o kapikas.
  3. I-tap ang I-edit nga icon alang sa impormasyon sa kaminyoon sa magtiayon. (Mora square nga naay sulod nga lapis.)
  4. Magdugang og panghitabo sa kaminyoon:
    1. Diha sa seksiyon nga Mga Panghitabo sa Kaminyoon, i-tap ang Magdugang og Panghitabo.
    2. I-tap ang arrow paubos ug i-tap ang matang sa panghitabo sa magtiayon.
    3. Ibutang ang petsa ug ang dapit.
    4. Ipasabot kon giunsa nimo pagkahibalo nga kining impormasyon sa panghitabo husto.
    5. I-tap ang I-save.
  5. I-edit og kaminyoon nga panghitabo:
    1. I-tap ang panghitabo.
    2. I-tap ang I-edit
    3. Ma-edit nimo ang matang sa panghitabo, petsa, ug dapit.
    4. Ipasabot kon giunsa nimo pagkahibalo nga kining impormasyon sa panghitabo husto.
    5. I-tap ang I-save.
  6. I-delete ang usa ka panghitabo sa kaminyoon:
    1. I-tap ang panghitabo sa kaminyoon nga gusto nimong i-delete.
    2. I-tap ang I-delete.
    3. Ipasabot nganong imong i-delete ang panghitabo.
    4. I-tap ang I-delete.

Teknikal nga mga isyu?

  • Kon dili ka maka-type og petsa sa kaminyoon, tingali kay wala sa Family Tree ang usa sa mga kapikas. Kinahanglang makita sa Family Tree ang mga kapikas sa dili pa nimo ma-type ang impormasyon bahin sa kaminyoon. Makapangita ug makapasukip ka og kapikas o makahimo og rekord.
  • Makita nimo kini nga sayop: “Pakyas sa pag-save. Kini nga mga datos anaa na.” Tugotan ka sa Family Tree nga ikonektar ang usa ka panghitabo nga adunay kombinasyon sa petsa ug dapit. Kon naa nay usa ka bersiyon, dili ka makadugang og usa pa nga motukma ini. Hinuon, i-delete ang dili husto nga panghitabo.

May kalabotan nga mga artikulo

Unsaon pagpasunod sa mga kapikas base sa petsa sa kaminyoon diha sa Family Tree?
Ang tawo diha sa Family Tree sayop ang kapikas
Unsaon nako pagbalik sa gi-delete nga relasyon diha sa Family Tree?
Unsaon nako pagbutang nga walay anak o wala makaagi og relasyon ang usa ka tawo diha sa Family Tree?
Unsaon nako pagbutang nga walay anak ang usa ka magtiayon diha sa Family Tree?

moduleTitle