Kon makamatikod ang Family Tree sa imposible o dili komon nga datos alang sa usa ka tawo, mopakita kini og problema sa datos nga icon. Ang icon usa ka pula nga kahon nga adunay puting exclamation mark.
Kini nga tamdanan sa impormasyon naglista sa tanang problema sa datos, naghulagway kon kanus-a kini makita, ug mopahibalo kon mahimo ba kini nimo nga ibaliwala.
| Problema sa Datos | Paghulagway | Mahimong ibaliwala? |
| Natawo human sa Pagkamatay sa Amahan | Ang tuig sa pagkatawo sa anak nakalista nga mas naulahi kay sa tuig sa pagkamatay sa amahan. | Dili |
| Natawo human sa mga Tuig nga ang Inahan Mahimo pang Manganak [Child-Bearing Years] | Ang tuig sa pagkatawo sa anak nahitabo human nga ang inahan nag-edad og 52, nga sa kasagaran mao ang kataposan sa mga tuig nga ang babaye mahimo pang manganak. | Oo |
| Natawo human sa Pagkamatay sa Inahan | Ang tuig sa pagkatawo nakalista nga mas naulahi kay sa tuig sa pagkamatay sa inahan. | Dili |
| Natawo nga dili pa ang Amahan Makahimo sa Pagbaton og mga Anak | Ang tuig sa pagkatawo sa anak nag-una sa pag-edad og 12 sa amahan. | Dili |
| Natawo nga dili pa ang Inahan Makahimo sa Pagpanganak | Ang tuig sa pagkatawo sa bata nag-una sa pag-edad og 12 sa inahan. | Oo |
| Natawo human sa Pagminyo | Ang tuig sa pagkatawo sa tawo nahitabo human sa tuig sa kaminyoon. | Dili |
| Natawo human sa Pagkamatay sa Kapikas | Ang tuig sa pagkatawo sa tawo nahitabo human sa tuig sa pagkamatay sa kapikas. | Dili |
| Natawo ang Anak sa wala pa Matawo ang Amahan | Ang tuig sa pagkatawo sa anak nag-una sa tuig sa pagkatawo sa amahan. | Dili |
| Natawo ang Anak sa wala pa Matawo ang Inahan | Ang tuig sa pagkatawo nag-una sa tuig sa pagkatawo sa inahan. | Dili |
| Gibunyagan ang Anak sa wala pa Matawo ang Amahan | Ang tuig sa pagbunyag sa anak nakalista nga nag-una sa tuig sa pagkatawo sa amahan. | Dili |
| Pagbunyag sa Anak sa wala pa Matawo ang Inahan | Ang tuig sa pagbunyag sa anak nakalista nga nag-una sa tuig sa pagkatawo sa inahan. | Dili |
| Pagkamatay sa Anak nag-una sa Pagkatawo sa Amahan | Ang tuig sa pagkamatay sa anak nag-una sa tuig sa pagkatawo sa amahan. | Dili |
| Pagkamatay sa Anak nag-una sa Pagkatawo sa Inahan | Ang tuig sa pagkamatay sa anak nag-una sa tuig sa pagkatawo sa inahan. | Dili |
| Mga Anak Wala Magtukma | Kini nga tawo adunay mga anak apan adunay nakalista nga kasayoran nga siya “Walay mga Anak.” Kini nga magtiayon adunay mga anak apan adunay nakalista nga kasayoran nga sila “Walay mga Anak.” | Dili |
| Pagbunyag nakalista nga nahitabo nga dili pa ang Amahan Makahimo sa Pagbaton og mga Anak | Ang tuig sa pagbunyag sa anak nakalista nga nahitabo sa wala pa ang amahan mag-edad og labing minos 12. | Dili |
| Gibunyagan nga dili pa ang Inahan Makahimo sa Pagbaton og mga Anak | Ang tuig sa pagbunyag sa anak nakalista nga nahitabo sa wala pa ang inahan mag-edad og labing minos 12. | Dili |
| Pagkamatay nag-una sa Tuig sa Pagkatawo | Ang tuig sa pagkamatay sa tawo nag-una sa tuig sa pagkatawo. | Dili |
| Pagkamatay nag-una sa Petsa sa Pagbunyag | Ang tuig sa pagbunyag sa anak nakalista nga nag-una sa tuig sa pagkatawo sa amahan. | |
| Pagkamatay nag-una sa Pagkatawo sa Kapikas | Ang tuig sa pagkamatay sa tawo nag-una sa tuig sa pagkatawo sa kapikas. | Dili |
| Tuig sa Pagkamatay nag-una sa Kaminyoon | Ang tuig sa pagkamatay sa tawo nag-una sa tuig sa kaminyoon. | Dili |
| Namatay nga Bata pa Kaayo aron Maminyo o Manganak | Ang tawo adunay impormasyon sa kaminyoon o impormasyon nga adunay mga anak, apan ang tawo namatay sa edad nga 8 anyos o mas bata pa. | Oo |
| Dili Balido nga mga Karakter | Ang Mahinungdanon nga ngalan adunay dili balido nga mga karakter. | Oo |
| Dili Balido nga mga Karakter | Ang Mahinungdanon nga ngalan naglangkob og dili balido nga balik-balik nga mga karakter. | Oo |
| Lalaki o Babaye Gikinahanglan | Isulat ang sekso niini nga tawo. | Dili |
| Pabalikbalik nga Rekord nga Pedigree | Kini nga tawo adunay usa ka anak kinsa nalista usab isip usa ka ginikanan. | Dili |
| Kaminyoon wala Magkatukma | Kining tawhana minyo na o adunay kaipon apan adunay nakalista nga kasayoran nga “Wala gayod Maminyo.” | Dili |
| Naminyo sa wala pa mag-12 Anyos | Ang kapikas wala pa mag-12 anyos ang pangedaron sa panahon sa kaminyoon. | Oo |
| Walay Tukma sa Sumbanan nga Paagi sa Pagrekord sa Petsa o Lugar sa Panghitabo | Ang petsa o lugar sa panghitabo, sama sa pagkatawo, kaminyoon, o pagkamatay, wala matukma sa sumbanan nga paagi sa pagrekord sa impormasyon [database], nga maoy nakapalisod sa pagpangita. | Dili |
| Ang tawo lapas na sa 120 Anyos | Ang tawo tigulang na kaayo aron mabuhi. Ang petsa sa pagkatawo lapas na sa 120 ka tuig nga milabay. | Dili |
| Posibleng Kadoble nga Rekord [Duplicate] sa Anak | Ang impormasyon mahitungod sa 2 o daghan pang mga anak pareho ra: Ang ngalan pareho ra. Ang tuig sa pagkatawo pareho o wala sa rekord. Ang tuig sa pagkamatay pareho o wala sa rekord. Ang kahimtang sa pagpuyo pareho ra. | Oo |
| Posibleng Kadoble nga Rekord sa Kapikas | Ang impormasyon mahitungod sa 2 o daghan pang mga kapikas pareho ra: Ang ngalan pareho ra. Ang tuig sa pagkatawo pareho o wala sa rekord. Ang tuig sa pagkamatay pareho o wala sa rekord. Ang kahimtang sa pagpuyo pareho ra. | Dili |
| Balik-balik nga rekord sa tawo | Ang tawo makita sa subra sa usa ka dapit sa pedigree, apan wala maapil sa pabalikbalik nga rekord. | Oo |
| Problema sa Patay Nang Daan sa Pagkatawo [Stillborn] | Ang rekord sa tawo naglakip sa hitabo nga patay na siyang daan sa wala pa matawo, apan ang mahinungdanon nga mga petsa nagpakita nga ang tawo nagpuyo og mas taas pa kay sa usa ka tuig. | Dili |
May kalabotan nga mga artikulo
Unsaon nako pag-merge og nagdoble nga mga rekord sa Family Tree kon aduna kini nagdoble nga mga tinubdan?
Unsaon nako pagsulbad sa problema sa datos nga “patay nang daan sa wala pa matawo” diha Family Tree?
Unsaon nako paghangyo sa pinakabag-ong impormasyon sa database kabahin sa haom sa sumbanan nga rekord sa mga lugar?
Unsaon nako pagsulbad sa pabalikbalik nga pedigree diha sa Family Tree?